ਪਿਉ ਹੁੰਦਾ ਏ ਰੱਬ ਵਰਗਾ,
ਨਾ ਇਸ ਤੋਂ ਕੋਈ ਇਨਕਾਰੀ ਆ...
ਇੱਕ ਬਾਪੂ ਦੇ ਸਿਰ ਤੇ
ਕਰਦੇ ਧੀਆਂ ਪੁੱਤ ਸਰਦਾਰੀ ਆ...
ਬਾਪੂ ਨਾ ਹੋਵੇ ਸਿਰ ਤੇ,
ਪਾਣੀ ਪੀਣ ਨਾ ਦਿੰਦੇ ਨੇ,
ਖੋਹ ਲੈਂਦੇ ਟੁੱਕ ਹੱਥੋਂ
ਲੋਕੀਂ ਜੀਉਣ ਨਾ ਦਿੰਦੇ ਨੇ,
ਇਹਦੇ ਨਾਲ ਹੀ ਚੱਲਦੀ
ਸਾਰੀ ਦੁਨੀਆਂ ਦਾਰੀ ਆ...
ਇੱਕ ਬਾਪੂ ਦੇ ਸਿਰ ਤੇ
ਕਰਦੇ ਧੀਆਂ ਪੁੱਤ ਸਰਦਾਰੀ ਆ...
ਬਾਪੂ ਬਾਪੂ ਕਹਿੰਦੇ ਸੱਚੀਂ
ਸੁੱਖ ਬੜਾ ਹੀ ਪਾਇਆ ਸੀ,
ਸਹਿਣੇ ਪੈ ਗਏ ਦੁੱਖੜੇ
ਜਦ ਬਾਪੂ ਆਪ ਕਹਾਇਆ ਸੀ,
ਖੁੱਲ੍ਹਦੀ ਅੱਖ ਬੰਦੇ ਦੀ,
ਜਦ ਪੈਂਦੀ ਜਿਮੇਵਾਰੀ ਆ...
ਇੱਕ ਬਾਪੂ ਦੇ ਸਿਰ ਤੇ
ਕਰਦੇ ਧੀਆਂ ਪੁੱਤ ਸਰਦਾਰੀ ਆ...
ਬੜੇ ਸੀ ਲਾਡ ਲਡਾਉਂਦਾ,
ਥੱਕਿਆ ਟੁੱਟਿਆ ਆਉਦਾਂ ਸੀ
ਸੀਨੇ ਨਾਲ ਸੀ ਲਾਉਂਦਾ
ਜਦ ਬਾਪੂ ਘਰ ਆਉਂਦਾ ਸੀ,
ਤੈਨੂੰ ਵੇਖਕੇ ਪੁੱਤਰਾ
ਲਹਿ ਗਈ ਥਕਾਵਟ ਸਾਰੀ ਆ...
ਇੱਕ ਬਾਪੂ ਦੇ ਸਿਰ ਤੇ
ਕਰਦੇ ਧੀਆਂ ਪੁੱਤ ਸਰਦਾਰੀ ਆ...
ਰਿਸ਼ਤੇ ਹੋਰ ਬਥੇਰੇ ਨੇ
ਪਰ ਇਹਦੇ ਤੁੱਲ ਨਾ ਕੋਈ ਏ
ਇਹਦੀ ਕੁਰਬਾਨੀ ਦਾ
ਸਕਦਾ ਮੁੱਲ ਤਾਰ ਨਾ ਕੋਈ ਏ
"ਚੀਮਾਂ" ਸੱਚੀਆਂ ਲਿਖਦਾ
ਜਗ ਤੇ ਪਿਉ ਪੁੱਤ ਦੀ ਹੀ ਯਾਰੀ ਆ...
ਇੱਕ ਬਾਪੂ ਦੇ ਸਿਰ ਤੇ
ਕਰਦੇ ਧੀਆਂ ਪੁੱਤ ਸਰਦਾਰੀ ਆ...
ਲੇਖਕ - ਅਮਰਜੀਤ ਚੀਮਾਂ (ਯੂ ਐੱਸ ਏ)
+1(716)908-3631