ਮੁਕੇਰੀਆਂ ਮਾਤਾ ਰਾਣੀ ਚੌਂਕ ਵਿਖੇ ਮੋਟਰਸਾਇਕਲ ਅਤੇ ਟਰੱਕ ਵਿਚਕਾਰ ਵਾਪਰੇ ਦਰਦਨਾਕ ਹਾਦਸੇ ਦੌਰਾਨ ਮੋਟਰਸਾਈਕਲ ਸਵਾਰ ਦੋ ਵਿਦਿਆਰਥੀਆਂ ਵਿੱਚੋ ਇੱਕ ਦੀ ਮੌਤ ਹੋ ਗਈ ਜਦਕਿ ਦੂਜਾ ਲੜਕਾ ਗੰਭੀਰ ਜਖਮੀ ਹੋ ਗਿਆ ।ਹਾਦਸੇ ਸਬੰਧੀ ਜਾਣਕਾਰੀ ਦਿੰਦਿਆਂ ਜਖਮੀ ਲੜਕੇ ਦੀ ਮਾਤਾ ,ਸਾਬਕਾ ਸਮਤੀ ਮੈਬਰ ਜਰਨੈਲ ਸਿੰਘ ਹੋਰਾਂ ਦੱਸਿਆ ਕੀ ਦੋਨੋ ਲੜਕੇ ਇੱਕੋ ਪਿੰਡ ਛਾਗਲਾ ਦੇ ਰਹਿਣ ਵਾਲੇ ਸਨ ਅਤੇ 12ਵੀ ਕਲਾਸ ਵਿੱਚ ਪੜਦੇ ਸਨ ਜੋ ਬੁਲਟ ਤੇ ਸਵਾਰ ਹੋ ਕੇ ਮੁਕੇਰੀਆਂ ਕਿਸੇ ਕੰਮ ਆਏ ਅਤੇ ਹਾਦਸੇ ਦਾ ਸ਼ਿਕਾਰ ਹੋ ਗਏ ਜਿਹਨਾਂ ਵਿੱਚੋ ਅਲੋਕ ਦੀ ਮੌਕੇ ਤੇ ਮੌਤ ਹੀ ਗਈ।
ਜਦਕਿ ਸੁਸ਼ਾਂਤ ਗੰਭੀਰ ਜਖਮੀ ਹੋ ਗਿਆ ਜਿਸਨੂੰ ਸਿਵਲ ਹਸਪਤਾਲ ਦਾਖਲ ਕਰਵਾਇਆ ਗਿਆ ਜਿਥੋਂ ਡਾਕਟਰਾਂ ਵੱਲੋਂ ਉਸਨੂੰ ਰੈਫਰ ਕੀਤਾ ਗਿਆ ਹਾਦਸਾ ਏਨਾ ਦਰਦਨਾਕ ਸੀ ਕਿ ਮ੍ਰਿਤਕ ਅਲੋਕ ਨੂੰ ਟਰੱਕ ਮਾਤਾ ਚੌਂਕ ਤੋਂ ਸਿਵਲ ਹਸਪਤਾਲ ਤੱਕ ਲੇ ਗਿਆ।ਮੌਕੇ ਤੇ ਪੁੱਜੇ ਏ ਐਸ ਆਈ ਦਿਲਦਾਰ ਸਿੰਘ ਹੋਰਾਂ ਵੀ ਹਾਦਸੇ ਸਬੰਧੀ ਜਾਣਕਾਰੀ ਦਿੰਦਿਆ ਦੱਸਿਆ ਕੀ ਹਾਦਸੇ ਉਪਰੰਤ ਟਰੱਕ ਡਰਾਈਵਰ ਨੂੰ ਟਰੱਕ ਸਮੇਤ ਕਾਬੂ ਕਰ ਲਿਆ ਗਿਆ ਹੈ ਅਤੇ ਪਰਿਵਾਰਿਕ ਮੈਬਰਾਂ ਦੇ ਬਿਆਨਾਂ ਤੇ ਅਗਲੇਰੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਜਾ ਰਹੀ ਹੈ।