ਕਵਿਤਾ
ਪਤਾ ਨਹੀਂ
ਦਿਲ ਕਰੇ ਮੇਰਾ,ਕਰਾਂ ਫੋਨ ਉਸਨੂੰ,
ਲੱਗਦਾ ਡਰ ਰਹਿੰਦਾ,
ਕਿਤੇ ਬਣਾ ਨਾ ਦੇਵੇ ਪਹਾੜ ਰਾਈ ਦਾ।
ਨਾ ਕਰ ਦੇਵੇ ਕਦੇ ਉਹ,
ਮਜ਼ਬੂਰ ਮਰਨ ਲਈ,
ਲਾਏ ਇਲਜ਼ਾਮ ਪੱਲਾ ਫੜ੍ਹ ਬੁਰਾਈ ਦਾ।
ਦੇਖਾਂ ਫੋਟੋ ਗੈਲਰੀ ਵਿਚੋਂ,
ਕਦੇ ਦੇਖਾਂ ਈ ਮੇਲ ਖੋਲ੍ਹ ਕੇ।
ਲਿਖ ਗਾ ਦਿਲ ਹੋਲਾ ਕਰਦਾ,
ਨਾ ਪੁੱਛ ਦੱਸ ਸਕਦਾ ਬੋਲ ਕੇ।
ਚੱਲੋ ਮੰਨਿਆ ਕਿ ਮਜ਼ਬੂਰੀ ਮੇਰੀ,
ਜਾਂ ਖਾਵੇ ਕਦੇ ਕਦੇ ਡਰ ਹਰ ਹਾਲ ਮੈਨੂੰ।
ਲੈ ਨੰਬਰ ਕਿਸੇ ਤੋਂ ਜਾਂ ਆਈ ਡੀ ਮੇਰੀ ਖੋਲ੍ਹ ਕੇ,
ਓ ਤਾਂ ਕਰ ਸਕਦੀ ਸੀ ਕਾਲ ਮੈਨੂੰ।
ਨਾ ਪੁੱਛਦੀ ਕਦੇ ਹਾਲ ਮੇਰਾ,
ਨਾ ਅਤਾ ਪਤਾ ਸਹੇਲੀ ਆਪਣੀ ਦਾ ਦੱਸਦੀ ਐ।
ਅਸੀਂ ਰੁੱਲਦੇ ਫਿਰਦੇ ਵਿੱਚ ਜਹਾਨ ਸੁਣ ਸੰਗਰੂਰਵੀ,
ਪਤਾ ਨਹੀਂ ਉਹ ਕਿੱਥੇ ਹੱਸਦੀ ਵੱਸਦੀ ਐ।
ਸਰਬਜੀਤ ਸੰਗਰੂਰਵੀ
ਪੁਰਾਣੀ ਅਨਾਜ ਮੰਡੀ, ਸੰਗਰੂਰ।
9463162463