ਲੁਧਿਆਣਾ : ਲਾਗਲੇ ਪਿੰਡ ਸ਼ੰਕਰ (ਲੁਧਿਆਣਾ )ਦੀ ਜੰਮਪਲ ਪ੍ਰਭ ਸਿਮਰਨ ਕੌਰ ਸਪੁੱਤਰੀ ਬਲਜੀਤ ਸਿੰਘ ਨੇ ਸੀ.ਬੀ.ਐਸ.ਈ ਬਾਰਵੀਂ ਦੀ ਪ੍ਰੀਖਿਆ ਚੋਂ 96ਪ੍ਰਤੀਸਤ ਅੰਕ ਪ੍ਰਾਪਤ ਕਰਕੇ ਆਪਣੇ ਮਾਤਾ ਪਿਤਾ, ਪਿੰਡ ਅਤੇ ਜਿਲ੍ਹੇ ਦਾ ਨਾਂਮ ਰੋਸ਼ਨ ਕੀਤਾ ਹੈ।ਇੱਥੇ ਵਰਨਣਯੋਗ ਇਹ ਹੈ ਕਿ ਪ੍ਰਭਸਿਮਰਨ ਕੌਰ ਸਾਹਨੇਵਾਲ ਦੇ ਟਗੌਰ ਇੰਟਰਨੈਸ਼ਨਲ ਸੀਨੀਅਰ ਸੈਕੰਡਰੀ ਸਕੂਲ ਦੀ ਇੱਕ ਹੋਣਹਾਰ ਤੇ ਮਿਹਨਤੀ ਵਿਦਿਆਰਥਣ ਹੈ। ਸਕੂਲ ਪ੍ਰਿੰਸੀਪਲ ਨੇ ਪ੍ਰਭਸਿਮਰਨ ਕੌਰ ਨੂੰ ਵੱਧ ਅੰਕ ਪ੍ਰਾਪਤ ਕਰਨ ਤੇ ਮੁਬਾਰਕਬਾਦ ਦਿੱਤੀ।ਅਤੇ ਇਸ ਦੇ ਮਾਤਾ ਪਿਤਾ ਨੂੰ ਵੀ ਮੁਬਾਰਕਾਂ ਦਿੱਤੀਆਂ । ਪ੍ਰਭਸਿਮਰਨ ਕੌਰ ਦੇ ਪਿਤਾ ਡਾਕ ਵਿਭਾਗ ਚ ਸੁਪਰਡੈਂਟ ਤੌਰ ਤੇ ਸੇਵਾ ਨਿਭਾ ਰਹੇ ਹਨ। ਜਦੋਂ ਕਿ ਮਾਤਾ ਜੀ.ਐਨ.ਈ ਲੁਧਿਆਣਾ ਕਾਲਜ ਚ ਲਾਇਬਰੇਰੀ ਚ ਸੇਵਾ ਨਿਭਾ ਰਹੀ ਹੈ ।ਪ੍ਰਭਸਿਮਰਨ ਕੌਰ ਅੱਗੇ ਪੜ੍ਹ ਕੇ ਸਿਵਲ ਸਰਵਿਸਜ਼ ਚ ਜਾਣਾ ਚਾਹੁੰਦੀ ਹੈ । ਪ੍ਰਭ ਸਿਮਰਨ ਕੌਰ ਨੂੰ ਉਹਨਾਂ ਦੀ ਇਸ ਪ੍ਰਾਪਤੀ ਤੇ ਪਿੰਡ ਦੇ ਮੌਜੂਦਾ ਸਰਪੰਚ ਅਮਨ ਸਿੰਘ , ਸਾਬਕਾ ਸਰਪੰਚ ਰਣਬੀਰ ਸਿੰਘ ਮਹਿਮੀ ,ਸਾਬਕਾ ਸਰਪੰਚ ਅਵਤਾਰ ਸਿੰਘ ਬਿਸਰਾਓ ,ਸਾਬਕਾ ਪੰਚ ਜਗਜੀਤ ਸਿੰਘ, ਐਨ .ਆਰ. ਆਈ ਅਮਰਜੀਤ ਸਿੰਘ , ਸਿੰਘ ਸਪੋਰਟਸ ਕਲੱਬ ਦੇ ਪ੍ਰਧਾਨ ਮਨਦੀਪ ਸਿੰਘ ਜਵੰਦਾ ,ਸਾਬਕਾ ਪੰਚ ਹਰਪਾਲ ਸਿੰਘ ਵੱਲੋਂ ਉਹਨਾਂ ਨੂੰ ਘਰ ਪਹੁੰਚ ਕੇ ਬਹੁਤ ਬਹੁਤ ਮੁਬਾਰਕਾਂ ਦਿੱਤੀਆਂ।