ਆਕਲੈਂਡ : New Zealand ਘੁੰਮਣ ਗਈ ਇਕ 10 ਸਾਲਾ ਬੱਚੀ ਦੇ ਨਦੀ ਵਿੱਚ ਡਿੱਗਣ ਕਾਰਨ ਮੌਤ ਹੋਣ ਦਾ ਦੁਖ਼ਦ ਸਮਾਚਾਰ ਸਾਹਮਣੇ ਆਇਆ ਹੈ। ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਇਕ 10 ਸਾਲਾ ਬੱਚੀ Australia ਤੋਂ New Zealand ਘੁੰਮਣ ਆਈ ਹੋਈ ਸੀ। ਇਸ ਦੌਰਾਨ ਇਹ ਬੱਚੀ ਆਪਣੇ ਪਰਿਵਾਰ ਸਮੇਤ ਫ਼ਿਊਰਡਲੈਂਡ ਨੈਸ਼ਨਲ ਪਾਰਕ ਦੀ ਮੇਰੀਅਨ ਕਰੀਕ ਨਦੀ ਦੇ ਨੇੜੇ ਮੌਸਮ ਦਾ ਮਜ਼ਾ ਲੈ ਰਹੀ ਪਰ ਇਹ ਬੱਚੀ ਫ਼ਿਸਲ ਕੇ ਨਦੀ ਵਿੱਚ ਡਿੱਗ ਗਈ। ਬੱਚੀ ਨੂੰ ਬਾਹਰ ਕੱਢਣ ਲਈ ਐਮਰਜੈਂਸੀ ਦਸਤਿਆਂ ਨੂੰ ਬੁਲਾਇਆ ਗਿਆ। ਬਹੁਤ ਸਖ਼ਤ ਮਿਹਨਤ ਤੋਂ ਬਾਅਦ ਬੱਚੀ ਨੂੰ ਬਾਹਰ ਕੱਢ ਲਿਆ ਗਿਆ ਪਰ ਬੱਚੀ ਦੀ ਮੌਤ ਹੋ ਗਈ। ਪੁਲਿਸ ਨੇ ਇਸ ਸਬੰਧੀ ਮਾਮਲਾ ਦਰਜ ਕਰ ਕੇ ਕਾਰਵਾਈ ਕੋਰੋਨਰ ਹੱਥ ਦੇ ਦਿੱਤੀ ਹੈ।