ਜੈਪੁਰ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ’ਤੇ ਫ਼ਰਾਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ ਵੀਰਵਾਰ ਨੂੰ ਇੱਥੇ ਪਾਰਕ ਸਥਿਤ ਜੰਤਰ -ਮੰਤਰ ਤੋਂ ਹਵਾ ਮਹਿਲ ਤਕ ਰੋਡ ਸ਼ੋਅ ਕੀਤਾ। ਰੋਡ ਸ਼ੋਅ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਅਤੇ ਰਾਸ਼ਟਰਪਤੀ ਮੈਕਰੋਨ ਇੱਕ ਖੁੱਲੇ ਵਾਹਨ ਵਿੱਚ ਖੜੇ ਸਨ। ਦੋਹਾਂ ਆਗੂਆਂ ਨੇ ਸੜਕ ਦੇ ਦੋਨੋ ਪਾਸੇ ਖੜੀ ਭੀੜ ਦਾ ਪਿਆਰ ਕਬੂਲਿਆਂ। ਲੋਕਾਂ ਨੇ ਮੋਦੀ ਮੋਦੀ ਦੇ ਨਾਹਰੇ ਵੀ ਲਾਏ । ਕਈ ਥਾਵਾਂ ਤੇ ਉਨ੍ਹਾਂ ਤੇ ਫੁੱਲਾਂ ਦੀ ਵਰਖਾ ਕੀਤੀ ਗਈ । ਮੈਕਰੌਨ 26 ਜਨਵਰੀ ਨੂੰ ਦਿੱਲੀ ਵਿੱਚ ਹੋਣ ਵਾਲੇ ਗਣਤੰਤਰ ਦਿਵਸ ਸਮਾਗਮ ਵਿੱਚ ਮੁੱਖ ਮਹਿਮਾਨ ਹਨ। ਇਸ ਤੋਂ ਪਹਿਲਾਂ ਮੋਦੀ ਨੇ ਵੀਰਵਾਰ ਸ਼ਾਮ ਜੈਪੁਰ ਦੇ ਇਸਤਿਹਾਸਕ ਜੰਤਰ ਮੰਤਰ ਤੇ ਫ਼ਰਾਸ ਦੇ ਰਾਸ਼ਟਰਪਤੀ ਮੈਕਰੌਨ ਦਾ ਸਵਾਗਤ ਕੀਤਾ। ਪ੍ਰਧਾਨ ਮੰਤਰੀ ਮੋਦੀ ਅਤੇ ਰਾਸ਼ਟਰਪਤੀ ਮੈਕਰੌਨ ਨੇ ਹੱਥ ਮਿਲਾਇਆ ਅਤੇ ਗਰਮਜੋਸ਼ੀ ਨਾਲ ਗਲੇ ਲਗਾਇਆ। ਇਸ ਤੋਂ ਬਾਅਦ ਦੋਨੋਂ ਆਗੂਆਂ ਨੇ ਇਸਤਿਹਾਸਕ ਜੰਤਰ ਮੰਤਰ ਦਾ ਦੌਰਾ ਕੀਤਾ। ਇਸ ਬਾਰੇ ਜਾਣਕਾਰੀ ਹਾਸਲ ਕੀਤੀ। ਆਪਣੇ ਭਾਰਤ ਦੌਰੇ ਤਹਿਤ ਮੈਕਰੌਨ ਵੀਰਵਾਰ ਦੁਪਹਿਰ ਨੂੰ ਜੈਪੁਰ ਪਹੁੰਚੇ। ਮੈਕਰੌਨ ਦਾ ਹਵਾਈ ਅੱਡੇ ਤੇ ਰਾਜਪਾਲ ਕਲਰਾਜ ਮਿਸ਼ਰਾ, ਵਿਦੇਸ਼ੀ ਮੰਤਰੀ ਐਸ ਜੈਸ਼ੰਕਰ ਅਤੇ ਮੁੱਖ ਮੰਤਰੀ ਭਜਨ ਲਾਲ ਸ਼ਰਮਾ ਨੇ ਸਵਾਗਤ ਕੀਤਾ। ਇਸ ਦੇ ਨਾਲ ਹੀ ਉਤੱਰ ਪ੍ਰਦੇਸ਼ ਦੇ ਬੁਲੰਦਸ਼ਹਿਰ ਦੇ ਦੌਰੇ ਤੇ ਗਏ ਪ੍ਰਧਾਨ ਮੰਤਰੀ ਜੈਪੁਰ ਸ਼ਾਮ ਨੂੰ ਪਹੁੰਚ ਗਏ। ਹਵਾਈ ਅੱਡੇ ਤੋਂ ਮੋਦੀ ਜੈਪੁਰ ਦੇ ਪਾਰਕ ਸਥਿਤ ਜੰਤਰ ਮੰਤਰ ਲਈ ਰਵਾਨਾ ਹੋਏ। ਰਸਤੇ ਵਿੱਚ ਵੱਖ ਵੱਖ ਥਾਵਾਂ ਤੇ ਲੋਕ ਅਤੇ ਸਕੂਲੀ ਬੱਚੇ ਉਨ੍ਹਾਂ ਦੇ ਸਵਾਗਤ ਲਈ ਖੜੇ ਸਨ। ਮੈਕਰੌਨ ਹਵਾਈ ਅੱਡੇ ਤੋਂ ਆਮੇਰ ਕਿਲੇ੍ਹ ਪਹੁੰਚੇ। ਰਸਤੇ ਵਿੱਚ ਸਕੂਲੀ ਬੱਚਿਆਂ ਅਤੇ ਆਮ ਲੋਕਾਂ ਨੇ ਕਾਫ਼ਲੇ ਦਾ ਸਵਾਗਤ ਕੀਤਾ। ਮੈਕਰੌਨ ਨੇ ਕਈ ਥਾਵਾਂ ਤੇ ਹੱਥ ਹਿਲਾ ਕੇ ਬੱਖਿਆ ਦਾ ਪਿਆਰ ਕਬੂਲਿਆ। ਇੱਥੋ ਤਕ ਕਿ ਕਿਲੇ੍ਹ ਵਿੱਚ ਵੀ ਉਹ ਉਥੇ ਮੌਜੂਦ ਲੋਕਾਂ ਨਾਲ ਗਲੱਬਾਤ ਕਰਦੇ ਅਤੇ ਉਨ੍ਹਾਂ ਨਾਲ ਤਸਵੀਰਾਂ ਖਿਚਵਾਉਂਦੇ ਨਜ਼ਰ ਆਏ। ਕਿਲ੍ਹੇ ਵਿੱਚ ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਅਤੇ ਰਾਜਸਥਾਨ ਦੀ ਉਪ ਮੁੱਖ ਮੰਤਰੀ ਦੀਆਂ ਕੁਮਾਰੀ ਵੀ ਮੌਜੂਦ ਸਨ।