ਮੋਰਾਕੋ : ਇਕ ਹੀ ਮਾਂ ਦੇ ਗਰਭ ਵਿਚੋਂ ਇਕੱਠਿਆਂ ਤਿੰਨ ਜਾਂ ਚਾਰ ਬੱਚਿਆਂ ਦੇ ਜਨਮ ਦੀ ਗੱਲ ਆਮ ਹੈ ਪਰ ਹੈਰਾਨੀਜਨਕ ਘਟਨਾ ਵਿਚ ਮਾਲੀ ਦੀ ਔਰਤ ਨੇ ਇਕੋ ਵੇਲੇ ਨੌਂ ਬੱਚਿਆਂ ਨੂੰ ਜਨਮ ਦਿਤਾ ਹੈ। ਘਟਨਾ ਮੋਰਾਕੋ ਦੀ ਹੈ ਜਿਥੇ ਔਰਤ ਨੇ ਕਲ ਇਕੋ ਸਮੇਂ 9 ਬੱਚਿਆਂ ਨੂੰ ਜਨਮ ਦੇ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿਤਾ। ਸਾਰੇ ਬੱਚੇ ਤੰਦਰੁਸਤ ਹਨ। ਇਸ ਦੇਸ਼ ਦੀ ਸਰਕਾਰ ਨੇ 25 ਸਾਲ ਦੀ ਹਲੀਮਾ ਸੀਜੇ ਨੂੰ ਚੰਗੀ ਦੇਖਭਾਲ ਲਈ 30 ਮਾਰਚ ਨੂੰ ਮੋਰਾਕੋ ਭੇਜ ਦਿਤਾ ਸੀ। ਪਹਿਲਾਂ ਮੰਨਿਆ ਜਾ ਰਿਹਾ ਸੀ ਕਿ ਹਲੀਮਾ ਦੇ ਗਰਭ ਵਿਚ 6 ਬੱਚੇ ਹਨ। ਸਿਹਤ ਮੰਤਰਾਲੇ ਦੇ ਬਿਆਨ ਮੁਤਾਬਕ ਹਲੀਮਾ ਨੇ ਪੰਜ ਕੁੜੀਆਂ ਅਤੇ ਚਾਰ ਮੁੰਡਿਆਂ ਨੂੰ ਜਨਮ ਦਿਤਾ।