ਨਵੀਂ ਦਿੱਲੀ : ਇਕ ਨੌਜਵਾਨ ਨੇ ਆਪਣੇ ਦੋਸਤ ਦਾ ਉਸਦੀ ਪਤਨੀ ਨਾਲ ਫ਼ੋਨ ’ਤੇ ਗੱਲਾਂ ਤੋਂ ਨਾਰਾਜ਼ ਹੋਣ ਕਰ ਕੇ ਉਸ ਦਾ ਕਤਲ ਕਰ ਦਿੱਤਾ। ਥਾਣਾ ਕੋਤਵਾਲੀ ਦੀ ਪੁਲਿਸ ਨੇ ਮਾਮਲੇ ਨੂੰ ਸੁਲਝਾਉਂਦਿਆਂ ਦਸਿਆ ਹੈ ਕਿ ਮੁਲਜ਼ਮ ਗੁਲਾਬ ਝਾਅ ਉਰਫ਼ ਮੁੰਨਾ ਅਤੇ ਉਸ ਦਾ ਦੋਸਤ ਮਨੋਜ ਇਕੋ ਜਗ੍ਹਾ ਕੰਮ ਕਰਦੇ ਸਨ ਪਰ ਮਨੋਜ ਗੁਲਾਬ ਦੀ ਪਤਨੀ ਨਾਲ ਫ਼ੋਨ ’ਤੇ ਗੱਲਬਾਤ ਕਰਦਾ ਸੀ ਜਿਸ ਤੋਂ ਗੁਲਾਬ ਖ਼ਫ਼ਾ ਸੀ। ਇਕ ਦੋਵੇਂ ਸ਼ਰਾਬ ਪੀ ਰਹੇ ਸਨ ਕਿ ਦੋਵਾਂ ਦਾ ਝਗੜਾ ਹੋ ਗਿਆ ਅਤੇ ਗੁਲਾਬ ਨੇ ਮਨੋਜ ਦਾ ਸਿਰ ਵਿੱਚ ਇੱਟ ਮਾਰ ਕੇ ਅਤੇ ਸ਼ਰਾਬ ਦੀ ਟੁੱਟੀ ਬੋਤਲ ਨਾਲ ਗਲੇ ’ਤੇ ਹਮਲਾ ਕਰ ਕੇ ਮਨੋਜ ਨੂੰ ਮਾਰ ਦਿੱਤਾ। ਪੁਲਿਸ ਨੇ ਦਸਿਆ ਹੈ ਕਿ ਮ੍ਰਿਤਕ ਮਨੋਜ ਕੁਮਾਰ ਜ਼ੀਰੋ ਪੁਸ਼ਟਾ ਸੋਨੀਆ ਵਿਹਾਰ ਦਾ ਰਹਿਣ ਵਾਲਾ ਸੀ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।