ਕੈਥਲ (ਹਰਿਆਣਾ) : ਕੈਥਲ ਦੇ ਪੁੰਡਰੀ ਇਲਾਕੇ ਵਿੱਚ ਬੀਤੇ ਦਿਨੀਂ ਚੋਰਾਂ ਨੇ ਇਕ ਮਕਾਨ ਵਿਚੋਂ ਗਹਿਣੇ ਅਤੇ ਹੋਰ ਕੀਮਤੀ ਸਮਾਨ ਚੋਰੀ ਕਰ ਲਿਆ ਹੈ। ਇਸ ਸਬੰਧੀ ਅਸ਼ੋਕ ਕੁਮਾਰ ਜਿਹੜੇ ਕਿ ਪੁੰਡਰੀ ਦੇ ਰਹਿਣ ਵਾਲੇ ਹਨ ਨੇ ਦਸਿਆ ਕਿ ਚੋਰਾਂ ਨੇ 17 ਫ਼ਰਵਰੀ ਦੀ ਰਾਤ ਘਰ ਦਾ ਤਾਲਾ ਤੋੜ ਕੇ ਘਰ ਵਿਚੋਂ ਗਹਿਣੇ ਚੋਰੀ ਕਰ ਲਏ ਹਨ। ਅਸ਼ੋਕ ਕੁਮਾਰ ਨੇ ਦਸਿਆ ਕਿ ਚੋਰਾਂ ਨੇ ਉਸਦੇ ਕਮਰੇ ਵਿੱਚ ਰੱਖੇ ਅਟੈਚੀ ਵਿਚੋਂ 25 ਹਜ਼ਾਰ ਵੀ ਚੋਰੀ ਕਰ ਲਏ ਹਨ। ਅਸ਼ੋਕ ਕੁਮਾਰ ਨੇ ਚੋਰੀ ਸਬੰਧੀ ਪੁਲਿਸ ਨੂੰ ਸ਼ਿਕਾਇਤ ਦਰਜ ਕਰਵਾ ਦਿੱਤੀ ਹੈ। ਅਸ਼ੋਕ ਕੁਮਾਰ ਨੇ ਪੱਤਰਕਾਰਾਂ ਨੂੰ ਦਸਿਆ ਹੈ ਕਿ ਉਸ ਦਾ ਲਗਪਗ ਡੇਢ ਲੱਖ ਰੁਪਏ ਦਾ ਨੁਕਸਾਨ ਹੋ ਗਿਆ ਹੈ। ਇਸ ਸਬੰਧੀ ਪੁਲਿਸ ਨੇ ਜਾਣਕਾਰੀ ਦਿਤੀ ਹੈ ਕਿ ਅਸ਼ੋਕ ਕੁਮਾਰ ਦੀ ਸ਼ਿਕਾਇਤ ’ਤੇ ਚੋਰਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।