ਕਰਜ਼ੇ ਦੀਆਂ ਕਿਸ਼ਤਾਂ ਨਾ ਭਰਨ ਦਾ ਮਾਮਲਾ : ਹਰਿਆਣਾ ਅਤੇ ਰਾਜਸਥਾਨ ਦੇ ਕਿਸਾਨਾਂ ਨੇ ਘਰ ਨੂੰ ਲਗਾਏ ਜਿੰਦਰੇ ਖੋਲ੍ਹੇ

ਸਿਰਸਾ :  ਖੇਤਰ ਦੇ ਪਿੰਡ ਅਰਨੀਆਂਵਾਲੀ ਵਿੱਚ ਅੱਜ ਰਾਜਸਥਾਨ ਅਤੇ ਹਰਿਆਣਾ ਦੇ ਕਿਸਾਨਾਂ ਨੇ ਕਰਜ਼ੇ ਦੀਆਂ ਕਿਸ਼ਤਾਂ ਨਾ ਭਰਨ ਕਾਰਨ ਇੱਕ ਕੰਪਨੀ ਵੱਲੋਂ ਕਿਸਾਨ ਦੇ ਘਰ ਨੂੰ ਲਗਾਏ ਗਏ ਤਾਲੇ ਲੱਗੇ ਇੱਕ ਘਰ ਦੇ ਤਾਲੇ ਖੋਲ੍ਹਣ ਇੱਕ ਮਹਾਂਪੰਚਾਇਤ ਕੀਤੀ ਗਈ। ਜਿਸ ਵਿੱਚ ਰਾਜਸਥਾਨ ਤੋਂ ਕਿਸਾਨ ਆਗੂ ਮੰਗੇਜ ਚੌਧਰੀ,ਕਾਂਗਰਸ ਜ਼ਿਲ੍ਹਾ ਪ੍ਰਧਾਨ ਸੰਤੋਸ਼ ਬੈਨੀਵਾਲ, ਕਿਸਾਨ ਆਗੂ ਸੰਦੀਪ ਧੀਰਨਵਾਸ,ਸੀਟੂ ਪ੍ਰਧਾਨ ਮਦਨ ਖੋਥ,ਭੁਪਿੰਦਰ ਸਿੰਘ,ਕਿਸਾਨ ਆਗੂ ਭਰਤ ਸਿੰਘ,ਸਰਪੰਚ ਕ੍ਰਿਸ਼ਨਾ ਖੋਥ ਅਤੇ  ਸੈਂਕਡ਼ੇ ਹੋਰ ਕਿਸਾਨਾਂ ਨੇ ਤਾਲੇ ਖੋਲ੍ਹਣ ਅਤੇ ਪਰਿਵਾਰ ਨੂੰ ਅੰਦਰ ਜਾਣ ਦੀ ਇਜਾਜ਼ਤ ਦੇਣ ਦਾ ਫੈਸਲਾ ਕੀਤਾ। ਜਿ਼ਕਰਯੋਗ ਹੈ ਕਿ ਲੰਘੇ ਕੱਲ ਕਿਸਾਨ ਆਗੂਆਂ ਨੇ ਅੱਜ ਮਹਾਂ ਪੰਚਾਇਤ ਬੁਲਾਕੇ ਘਰ ਦੇ ਤਾਲੇ ਖੋਲ੍ਹਣ ਦਾ ਐਲਾਨ ਕਰ ਦਿੱਤਾ ਸੀ ਅੱਜ ਦੂਜੇ ਦਿਨ ਪੁਲਿਸ ਪ੍ਰਸ਼ਾਸਨ ਅਤੇ ਕੰਪਨੀ ਦੇ ਉੱਚ ਅਧਿਕਾਰੀ ਗੈਰਹਾਜ਼ਰ ਸਨ। ਜਾਣਕਾਰੀ ਅਨੁਸਾਰ ਸ਼ੁਭਾਸ ਚੰਦਰ ਅਤੇ ਉਸਦੀ ਪਤਨੀ ਮੁਕੇਸ਼ ਵਾਸੀ ਅਰਨੀਆਂਵਾਲੀ ਨੇ 2024 ਵਿੱਚ ਇੰਡੀਆ ਸ਼ੈਲਟਰ ਹੋਮ ਲੋਨ ਕੰਪਨੀ ਤੋਂ ਲਗਭਗ 11.50 ਲੱਖ ਦਾ ਘਰ ਕਰਜ਼ਾ ਲਿਆ ਸੀ। ਕੁਝ ਸਮੇਂ ਤੋਂ ਕਰਜ਼ੇ ਦੀਆਂ ਕਿਸ਼ਤਾਂ ਦਾ ਭੁਗਤਾਨ ਨਾ ਹੋਣ ਕਾਰਨ 7 ਫਰਵਰੀ, 2026 ਨੂੰ ਕੰਪਨੀ ਨੇ ਉਨ੍ਹਾਂ ਦੇ ਘਰ ਨੂੰ ਤਾਲਾ ਲਗਾ ਦਿੱਤਾ। ਇਸ ਨਾਲ ਪਰਿਵਾਰ ਨੂੰ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਦੋ ਦਿਨਾਂ ਤੱਕ ਕਿਸਾਨਾਂ ਅਤੇ ਮਜ਼ਦੂਰਾਂ ਨੇ ਘਰ ਨੂੰ ਤਾਲਾ ਖੋਲ੍ਹਣ ਲਈ ਵਿਰੋਧ ਪ੍ਰਦਰਸ਼ਨ ਕੀਤਾ। ਪੁਲਿਸ ਅਧਿਕਾਰੀਆਂ ਦੀ ਮੌਜੂਦਗੀ ਨੇ ਪਹਿਲੇ ਦਿਨ ਤਾਲੇ ਖੋਲ੍ਹਣ ਤੋਂ ਰੋਕਿਆ, ਜਿਸ ਕਾਰਨ ਧਰਨਾ ਪ੍ਰਦਰਸ਼ਨ ਹੋਇਆ। ਸ਼ਨੀਵਾਰ ਨੂੰ ਇੱਥੇ ਇੱਕ ਮਹਾਂ ਪੰਚਾਇਤ ਪੰਚਾਇਤ ਹੋਈ ਜਿੱਥੇ ਘਰ ਦਾ ਤਾਲਾ ਖੋਲ੍ਹਣ ਅਤੇ ਚਾਬੀਆਂ ਪਰਿਵਾਰ ਨੂੰ ਸੌਂਪਣ ਦਾ ਫੈਸਲਾ ਕੀਤਾ ਗਿਆ। ਦੁਪਹਿਰ 1 ਵਜੇ ਦੇ ਕਰੀਬ 70 ਦਿਨਾਂ ਬਾਅਦ ਘਰ ਦਾ ਤਾਲਾ ਖੋਲ੍ਹਕੇ ਚਾਬੀਆਂ ਪਰਿਵਾਰ ਨੂੰ ਸ਼ੌਪੀਆਂ ਗਈਆ। ਇਸ ਮੌਕੇ ਪੀਡ਼ਤ ਪਰਿਵਾਰ ਨੇ ਕਿਸਾਨ ਨੇਤਾਵਾਂ ਅਤੇ ਸਾਰੇ ਸਹਿਯੋਗੀਆਂ ਦਾ ਧੰਨਵਾਦ ਕੀਤਾ। ਕਿਸਾਨ ਨੇਤਾਵਾਂ ਨੇ ਕਿਹਾ ਕਿ ਹੁਣ ਮਿਲ ਬੈਠਕੇ ਕੰਪਨੀ ਨਾਲ ਇਸ ਮਾਮਲੇ ਨੂੰ ਸੁਲਝਾਇਆ ਜਾਵੇਗਾ।
ਫੋਟੋ ਕੈਪਸ਼ਨ  : ਪੀੜਤ ਪਰਿਵਾਰ ਦੀ ਫੋਟੋ ।