ਕ੍ਰਿਕਟ ਵਰਲਡ ਕੱਪ 2023 ਦੇ ਤਹਿਤ ਭਾਰਤ ਬਨਾਮ ਬੰਗਲਾਦੇਸ਼ ਦੇ ਮੈਚ 'ਚ ਭਾਰਤੀ ਵਿਕਟਕੀਪਰ ਕੇ. ਐੱਲ. ਰਾਹੁਲ ਬੰਗਲਾਦੇਸ਼ ਦੇ ਬੱਲੇਬਾਜ਼ ਮੇਹਿਦੀ ਹਸਨ ਮਿਰਾਜ਼ ਦਾ ਵਿਕਟ ਪਿੱਛੇ ਵਿਕਟ ਲੈ ਕੇ ਸੁਰਖੀਆਂ 'ਚ ਆ ਗਏ। ਸਲਾਮੀ ਬੱਲੇਬਾਜ਼ ਤਨਜਿਦ ਹਸਨ ਅਤੇ ਲਿਟਨ ਦਾਸ ਦੀ ਬਦੌਲਤ ਬੰਗਲਾਦੇਸ਼ ਦੀ ਟੀਮ ਦੀ ਸ਼ੁਰੂਆਤ ਚੰਗੀ ਰਹੀ। ਦੋਵਾਂ ਨੇ ਪਹਿਲੀ ਵਿਕਟ ਲਈ 93 ਦੌੜਾਂ ਜੋੜੀਆਂ ਸਨ। ਪਰ ਫਿਰ ਕੁਲਦੀਪ ਯਾਦਵ ਨੇ ਭਾਰਤ ਨੂੰ ਪਹਿਲੀ ਸਫਲਤਾ ਦਿਵਾਈ। ਤੰਜੀਦ 51 ਅਤੇ ਕੁਝ ਸਮੇਂ ਬਾਅਦ ਕਪਤਾਨ ਸ਼ਾਂਤੋ 9 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਬੰਗਲਾਦੇਸ਼ ਸੰਭਲਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਜਦੋਂ ਕੇਐੱਲ ਰਾਹੁਲ ਨੇ ਵਿਕਟ ਦੇ ਪਿੱਛੇ ਸਿਰਾਜ ਦੀ ਗੇਂਦ 'ਤੇ ਮੇਹਿਦੀ ਹਸਨ ਦਾ ਸ਼ਾਨਦਾਰ ਕੈਚ ਲਿਆ। ਇਸ ਨਾਲ ਵੱਡੇ ਸਕੋਰ ਵੱਲ ਵਧਦਾ ਨਜ਼ਰ ਆ ਰਿਹਾ ਬੰਗਲਾਦੇਸ਼ ਦਾ ਸਕੋਰ ਰੁਕ ਗਿਆ।
ਰਾਹੁਲ ਨੇ ਕੈਚ ਲੈਣ ਲਈ ਆਪਣੇ ਖੱਬੇ ਪਾਸੇ ਜਾਣ ਲਈ ਸ਼ਾਨਦਾਰ ਫੁਟਵਰਕ ਦਿਖਾਇਆ ਅਤੇ ਫਿਰ ਗੋਲਕੀਪਰ ਦੀ ਤਰ੍ਹਾਂ ਗੇਂਦ ਨੂੰ ਫੜਨ ਲਈ ਪੂਰੀ ਤਰ੍ਹਾਂ ਡਾਈਵਿੰਗ ਕੀਤੀ। ਬੰਗਲਾਦੇਸ਼ ਦੀ ਟੀਮ ਜਦੋਂ ਪਹਿਲੇ 15 ਓਵਰਾਂ 'ਚ ਭਾਰਤੀ ਗੇਂਦਬਾਜ਼ਾਂ 'ਤੇ ਹਾਵੀ ਹੋਣ ਦੀ ਕੋਸ਼ਿਸ਼ ਕਰ ਰਹੀ ਸੀ ਤਾਂ ਰਾਹੁਲ ਦੇ ਇਸ ਕੈਚ ਨੇ ਭਾਰਤ ਦਾ ਰੁਖ ਮੋੜ ਦਿੱਤਾ।