ਕੰਬੋਜ਼ ਸਮਾਜ ਜਾਤੀ ਸਰਵੇ ਦੇ ਵਿਰੁੱਧ ਡਟਿਆ

ਸੁਨਾਮ, (ਦਰਸ਼ਨ ਸਿੰਘ ਚੌਹਾਨ) : ਕੰਬੋਜ਼ ਜਾਤੀ ਸਰਵੇ ਨੂੰ ਤੁਰੰਤ ਬੰਦ ਕਰਨ ਅਤੇ ਪੰਜਾਬ ਵਿੱਚ ਪੱਛੜੀਆਂ ਸ਼੍ਰੇਣੀਆਂ ਨੂੰ 27% ਰਿਜ਼ਰਵ ਕੋਟਾ ਦੇਣ ਦੀ ਮੰਗ ਨੂੰ ਲੈ ਕੇ ਅੰਤਰਰਾਸ਼ਟਰੀ ਸਰਵ ਕੰਬੋਜ਼ ਸਮਾਜ, ਓ.ਬੀ.ਸੀ.ਫਰੰਟ ਪੰਜਾਬ ਅਤੇ ਸਮੁੱਚੇ ਕੰਬੋਜ ਭਾਈਚਾਰੇ ਵੱਲੋ ਐਤਵਾਰ ਨੂੰ ਸੁਨਾਮ ਵਿਖੇ ਇੱਕ ਵੱਡਾ ਇਕੱਠ ਰਾਮ ਮੁਹੰਮਦ ਸਿੰਘ ਆਜ਼ਾਦ ਕੰਪਲੈਕਸ ਸੁਨਾਮ ਵਿਖੇ ਸੱਦਿਆ ਗਿਆ। ਕੰਬੋਜ਼ ਬਰਾਦਰੀ ਦੇ ਇਕੱਠ ਨੇ ਕੰਬੋਜ਼ ਜਾਤੀ ਸਰਵੇ ਦਾ ਡਟਵਾਂ ਵਿਰੋਧ ਕੀਤਾ। ਇਸ ਮੌਕੇ ਰਾਜਵਿੰਦਰ ਸਿੰਘ ਖੱਤਰੀਵਾਲਾ ਪ੍ਰਧਾਨ ਓਬੀਸੀ ਵੈਲਫੇਅਰ ਫਰੰਟ , ਪੰਜਾਬ ਨੇ ਬੀਸੀ ਸਮਾਜ ਦੀ ਰੀੜ ਦੀ ਹੱਡੀ ਕੰਬੋਜ਼ ਸਮਾਜ ਨੂੰ ਐਲਾਨਦਿਆਂ ਫਰੰਟ ਦੇ ਅਗਲੇ ਪ੍ਰਧਾਨ ਦੀ ਕਮਾਨ ਲਈ ਹਰਜਿੰਦਰ ਸਿੰਘ ਹਾਂਡਾ ਦਾ ਨਾਮ ਤਜ਼ਵੀਜ਼ ਕੀਤਾ , ਜਿਸ ਨੂੰ ਫਰੰਟ ਦੀ ਸਮੁੱਚੀ ਲੀਡਰਸ਼ਿਪ ਨੇ ਸਰਬਸੰਮਤੀ ਨਾਲ ਪ੍ਰਵਾਨਗੀ ਦਿੱਤੀ।ਅੱਜ ਦੇ ਇਕੱਠ ਵਿੱਚ ਪੰਜਾਬ ਦੇ ਕੰਬੋਜ਼ ਭਾਈਚਾਰੇ ਅਤੇ ਬੀਸੀ ਸਮਾਜ ਨੇ ਬਹੁਤ ਵੱਡੀ ਗਿਣਤੀ ਵਿੱਚ ਸ਼ਮੂਲੀਅਤ ਕੀਤੀ। ਕੰਬੋਜ ਭਾਈਚਾਰੇ ਦੇ ਵਿਸ਼ਾਲ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕੰਬੋਜ ਭਾਈਚਾਰੇ ਦੇ ਵੱਖ-ਵੱਖ ਬੁਲਾਰਿਆਂ ਹਰਜਿੰਦਰ ਸਿੰਘ ਹਾਂਡਾ, ਆਸ਼ੂਤੋਸ਼ ਕੰਬੋਜ਼ ਅਤੇ ਜਸਪਾਲ ਸਿੰਘ ਹਾਂਡਾ ਨੇ ਕਿਹਾ ਕਿ  ਪੱਛੜੀਆਂ ਸ਼੍ਰੇਣੀਆਂ ਕਮਿਸ਼ਨ ਪੰਜਾਬ ਵੱਲੋਂ ਜੋ ਪੰਜਾਬ ਵਿੱਚ ਵੱਖ-ਵੱਖ ਜ਼ਿਲ੍ਹਿਆਂ ਦੇ ਡਿਪਟੀ ਕਮਿਸ਼ਨਰਾਂ ਨੂੰ ਕੰਬੋਜ਼ ਜਾਤੀ ਦਾ ਸਰਵੇ ਕਰਨ ਦੀਆਂ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ ਹਨ ਇਹ ਸਰਾਸਰ ਗਲਤ ਅਤੇ ਗੈਰ ਵਾਜਿਬ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਨੂੰ ਬਿਹਾਰ ਸਰਕਾਰ ਦੀ ਤਰਜ਼ ਤੇ ਜਾਤੀਗਤ ਜਨਗਣਨਾ ਕਰਵਾਕੇ ਪੰਜਾਬ ਦੇ ਵੱਖ-ਵੱਖ ਜਾਤੀ ਦੇ ਲੋਕਾਂ ਦੀ ਕੁੱਲ ਆਬਾਦੀ ਜਨਤਕ ਕਰਨੀ ਚਾਹੀਦੀ ਹੈ। ਬੁਲਾਰਿਆਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਕੰਬੋਜ ਜਾਤੀ ਸਰਵੇ ਨੂੰ ਤੁਰੰਤ ਬੰਦ ਕਰਕੇ ਅਤੇ ਮੰਡਲ ਕਮਿਸ਼ਨ ਦੀ ਰਿਪੋਰਟ ਨੂੰ ਪੰਜਾਬ ਵਿੱਚ ਲਾਗੂ ਕਰਕੇ ਪੱਛੜੀਆਂ ਸ਼੍ਰੇਣੀਆਂ ਨੂੰ 27% ਰਿਜ਼ਰਵ ਕੋਟਾ ਦਿੱਤਾ ਜਾਵੇ। ਬੁਲਾਰਿਆਂ ਨੇ ਐਲਾਨ ਕੀਤਾ ਕਿ ਜਦੋਂ ਤੱਕ ਕੰਬੋਜ ਜਾਤੀ ਸਰਵੇ ਬੰਦ ਕਰਕੇ ਪੱਛੜੀਆਂ ਸ਼੍ਰੇਣੀਆਂ ਨੂੰ ਪੰਜਾਬ ਵਿੱਚ 27% ਰਿਜ਼ਰਵ ਕੋਟਾ ਨਹੀਂ ਦਿੱਤਾ ਜਾਂਦਾ ਉਦੋਂ ਤੱਕ ਕੰਬੋਜ ਜਾਤੀ ਵੱਲੋਂ ਸਮੁੱਚੇ ਪੰਜਾਬ ਵਿੱਚ ਅਜਿਹੇ ਵਿਸ਼ਾਲ ਇਕੱਠ ਨਿਰੰਤਰ ਜਾਰੀ ਰਹਿਣਗੇ। ਇਸ ਸਮੇਂ ਕੰਬੋਜ ਭਾਈਚਾਰੇ ਦੇ ਆਗੂਆਂ ਇਕਬਾਲ ਚੰਦ ਬੱਟੀ ਪ੍ਰਧਾਨ ਅੰਤਰ ਰਾਸ਼ਟਰੀ ਸਰਬ ਕੰਬੋਜ਼ ਸਮਾਜ ਪੰਜਾਬ ,ਕੁਲਦੀਪ ਸਿੰਘ ਸੰਧਾ , ਪ੍ਰਿੰਸੀਪਲ ਓਮ ਪ੍ਰਕਾਸ਼ ਬੱਟੀ, ਡਾਕਟਰ ਓਮ ਪ੍ਰਕਾਸ਼ ,ਮਾਸਟਰ ਰਮੇਸ਼ ਕੁਮਾਰ ,  ਜਸਵਿੰਦਰ ਸਿੰਘ ਕੰਬੋਜ ਲੈਕਚਰਾਰ , ਮਾਸਟਰ ਜਸਵੰਤ ਸਿੰਘ ਕੰਬੋਜ , ਡਾਕਟਰ ਹਰੀਸ਼ ਥਿੰਦ , ਚੇਅਰਮੈਨ ਪ੍ਰਿਤਪਾਲ ਸਿੰਘ ਹਾਂਡਾ,  ਜਸਪਾਲ ਸਿੰਘ ਹਾਂਡਾ ਐਕਸਾਈਜ਼ ਇੰਸਪੈਕਟਰ , ਜਗਦੀਸ਼ ਥਿੰਦ  ,ਪ੍ਰੇਮ ਪ੍ਰਕਾਸ਼ ਕੰਬੋਜ ਪਟਵਾਰੀ , ਸੁਖਦੇਵ ਬੱਟੀ , ਹਰਬੰਸ ਲਾਲ ਕੰਬੋਜ਼ ਸਰਪੰਚ , ਜੋਗਾ ਸਿੰਘ ਕਿਸਾਨ ਆਗੂ, ਤਿਲਕ ਰਾਜ , ਕੰਬੋਜ ਆਗੂ , ਗੋਲੂਕਾ ਪਰਮਜੀਤ ਸਿੰਘ ਹਾਂਡਾ ,ਮਲਕੀਤ ਸਿੰਘ ਥਿੰਦ, ਇੰਦਰਜੀਤ ਕੰਬੋਜ, ਜੰਗੀਰ ਸਿੰਘ ਰਤਨ, ਕੇਸਰ ਸਿੰਘ ਸਰਪੰਚ, ਤਰਸੇਮ ਸਿੰਘ ਮਹਿਰੋਕ, ਹਰਪਾਲ ਸਿੰਘ ਥਿੰਦ ,ਸੁਖਵਿੰਦਰ ਸਿੰਘ , ਪ੍ਰਧਾਨ ਹਰਦਿਆਲ ਸਿੰਘ ,ਬਿੰਦਰ ਅਬਦਾਲ, ਅਵਤਾਰ ਸਿੰਘ ਤਾਰੀ ਰਾਮ ਮੁਹੰਮਦ ਸਿੰਘ ਆਜ਼ਾਦ ਕਲੱਬ ਦੇ ਪ੍ਰਧਾਨ ਤੇ ਸਾਰੇ ਮੈਂਬਰ ਹਾਜ਼ਰ ਸਨ।