ਨਰਿੰਦਰ ਭਿੰਡਰ ਅਕਾਲੀ ਦਲ ਵਾਰਿਸ ਪੰਜਾਬ ਦੇ ਬੁਲਾਰੇ ਨਿਯੁਕਤ

ਦੇਵੀਗੜ੍ਹ : ਹਲਕਾ ਸਨੌਰ ਦੇ ਪਿੰਡ ਲਹਿਲਾਂ ਜਗੀਰ ਦੇ ਜੰਮਪਲ ਨੌਜਵਾਨ ਆਗੂ ਸ. ਨਰਿੰਦਰ ਸਿੰਘ ਭਿੰਡਰ ਨੂੰ ਅਕਾਲੀ ਦਲ ਵਾਰਿਸ ਪੰਜਾਬ ਦੇ ਪਾਰਟੀ ਵਲੋਂ ਆਰਗੇਨਾਈਜ਼ਰ ਸਕੱਤਰ ਅਤੇ ਪਾਰਟੀ ਬੁਲਾਰਾ ਪੰਜਾਬ ਨਿਯੁਕਤ ਕੀਤਾ ਗਿਆ ਹੈ। ਨਰਿੰਦਰ ਸਿੰਘ ਭਿੰਡਰ ਹਰ ਇੱਕ ਦੇ ਦੁੱਖ ਸੁੱਖ ਵਿੱਚ ਖੜਨ ਵਾਲਾ ਨੌਜਵਾਨ ਕਿਸੇ ਜਾਣ ਪਹਿਚਾਣ ਦਾ ਮੁਹਤਾਜ ਨਹੀਂ, ਇਹ ਨੌਜਵਾਨ ਪਿਛਲੇ ਕਈ ਸਾਲਾਂ ਤੋਂ ਪੰਜਾਬ ਦੇ ਅਤੇ ਆਪਣੇ ਹਲਕੇ ਦੇ ਅਹਿਮ ਮੁੱਦੇ ਬੜੀ ਬੇਬਾਕੀ ਅਤੇ ਨਿਡਰਤਾ ਨਾਲ ਚੱਕਦਾ ਰਿਹਾ ਹੈ । ਨਰਿੰਦਰ ਸਿੰਘ ਭਿੰਡਰ ਉਹੀ ਨੌਜਵਾਨ ਆ ਜਿਸਨੇ ਕਿਸਾਨੀ ਅੰਦੋਲਨ 2020 ਦੌਰਾਨ ਵਾਟਰ ਕੈਨਨ ਦਾ ਮੂੰਹ ਮੌੜ ਕੇ ਮਾਰਕੰਡੇ ਪੁੱਲ ਦਾ ਰਾਹ ਖੋਲ ਦਿੱਤਾ ਸੀ, ਤੇ ਦਿੱਲੀ ਪਹੁੰਚ ਕੇ ਟਰਾਲੀ ਟਾਇਮਜ਼ ਪੇਪਰ ਵੀ ਸ਼ੁਰੂ ਕੀਤਾ। ਆਪਣੇ ਹਲਕੇ ਵਿੱਚ ਹੜਾਂ ਦੌਰਾਨ ਸੇਵਾ ਨਿਭਾਈ ਤੇ ਲੋੜਵੰਦ ਪਰਿਵਾਰਾਂ ਨੂੰ ਮਕਾਨ ਤੱਕ ਬਣਵਾ ਕੇ ਦਿੱਤੇ।ਨਰਿੰਦਰ ਸਿੰਘ ਭਿੰਡਰ ਦੇ ਯਤਨਾਂ ਸਦਕਾ ਦੁੱਧਨ ਗੁੱਜਰਾਂ ਟਾਂਗਰੀ ਨਦੀ ਉਪਰ 1 ਕਰੋੜ 30 ਲੱਖ ਦੀ ਲਾਗਤ ਨਾਲ ਗੇਟ ਲਗਿਆ ਜਿਸ ਨਾਲ 20-25 ਪਿੰਡਾਂ ਨੂੰ ਰਾਹਤ ਮਿਲੀ। ਲਹਿਲਾਂ ਜਗੀਰ ਵਾਸੀਆਂ  ਨੇ ਨਰਿੰਦਰ ਸਿੰਘ ਭਿੰਡਰ ਨੂੰ ਸਰਬ ਸੰਮਤੀ ਨਾਲ ਸਰਪੰਚ ਚੁਣਿਆ ਤੇ ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਇਸ ਨੌਜਵਾਨ ਨੇ ਡੇਡ ਸਾਲ ਵਿੱਚ ਉਹ ਕੰਮ ਕਰ ਦਿੱਤੇ ਜੋ ਪਿੰਡ ਵਿੱਚ ਪਿਛਲੇ 40 ਸਾਲਾਂ ਤੋਂ ਨੀ ਸੀ ਹੋਏ। ਨਰਿੰਦਰ ਸਿੰਘ ਭਿੰਡਰ ਆਪਣੇ ਸਕੂਲ ਪ੍ਰੋਫੈਸਰ ਸ. ਗੁਰਪ੍ਰੀਤ ਸਿੰਘ ਅੰਟਾਲ ਜੀ ਜੋ ਲਹਿਣਾ ਸਿੰਘ ਤੁੜ ਪਰਿਵਾਰ ਵਿੱਚੋਂ ਨੇ ਉਹਨਾਂ ਨਾਲ ਪੰਜਾਬ ਅਤੇ ਪੰਥਕ ਮਸਲਿਆਂ ਤੇ ਚਰਚਾ ਕਰਦਾ ਰਹਿੰਦਾ ਸੀ ਤੇ ਉਸੇ ਪਰਿਵਾਰ ਵਲੋਂ ਹੀ ਨਰਿੰਦਰ ਸਿੰਘ ਭਿੰਡਰ ਨੂੰ ਥਾਪੜਾ ਦੇ ਕੇ ਰਾਜਨੀਤੀ ਵਾਲੇ ਪਾਸੇ ਤੋਰਿਆ ਗਿਆ ਹੈ। ਇਸ ਮੌਕੇ ਨਰਿੰਦਰ ਸਿੰਘ ਭਿੰਡਰ ਵਲੌਂ ਪਾਰਟੀ ਦੀ ਲੀਡਰਸ਼ਿਪ ਬਾਪੂ ਤਰਸੇਮ ਸਿੰਘ ਜੀ, ਸ. ਪਰਮਜੀਤ ਸਿੰਘ ਜੋਹਲ, ਸ. ਹਰਭਜਨ ਸਿੰਘ ਤੁੜ, ਸ. ਗੁਰਪ੍ਰੀਤ ਸਿੰਘ ਅੰਟਾਲ, ਸ. ਮਨਦੀਪ ਸਿੰਘ ਸਿੱਧੂ, ਪ੍ਰੋ. ਸਤਨਾਮ ਕੌਰ ਜੀ, ਸ. ਕਾਬਲ ਸਿੰਘ, ਸ. ਪ੍ਰਗਟ ਸਿੰਘ ਮੀਆਂਵਿੰਡ, ਸ. ਬਰਜਿੰਦਰ ਸਿੰਘ, ਸ. ਬਾਬੂ ਸਿੰਘ ਬਰਾੜ, ਗੰਗਵੀਰ ਸਿੰਘ ਰਾਥੌੜ, ਸ. ਜਸਵਿੰਦਰ ਸਿੰਘ ਡਰੌਲੀ ਅਤੇ ਸਾਰੇ ਸਾਥੀਆਂ ਦਾ ਮੈਂ ਦਿਲੋਂ ਧੰਨਵਾਦ ਕੀਤਾ ਗਿਆ ਹੈ।