ਸਵੇਰ ਦੀ ਰੁਟੀਨ ਵਿੱਚ ਜਿਵੇਂ ਚਾਹ, ਕੌਫੀ ਪੀਣਾ ਜਾਂ ਖਾਲੀ ਪੇਟ ਜੂਸ ਪੀਣਾ ਕਈ ਲੋਕਾਂ ਦੀ ਆਦਤ ਹੁੰਦੀ ਹੈ। ਹਾਲਾਂਕਿ, ਇਹਨਾਂ ਵਿੱਚੋਂ ਕੁਝ ਆਦਤਾਂ ਤੁਹਾਡੀ ਪਾਚਨ ਸਿਹਤ ਲਈ ਵਧੀਆ ਨਹੀਂ ਹੁੰਦੀਆਂ ਹਨ ਤੇ ਸੰਭਾਵੀ ਤੌਰ 'ਤੇ ਬਹੁਤ ਜ਼ਿਆਦਾ ਗੈਸ, ਐਸਿਡਿਟੀ, ਅਤੇ ਪੇਟ ਫੁੱਲਣ ਵਰਗੀਆਂ ਸਮੱਸਿਆਵਾਂ ਪੈਦਾ ਕਰ ਸਕਦੀਆਂ ਹਨ। ਅੱਜ ਅਸੀਂ ਤੁਹਾਨੂੰ ਕੁੱਝ ਅਜਿਹੀਆਂ ਚੀਜ਼ਾਂ ਬਾਰੇ ਦੱਸਾਂਗੇ ਜਿਨ੍ਹਾਂ ਦਾ ਸਵੇਰੇ ਸੇਵਨ ਕਰਨ ਨਾਲ ਸਾਰਾ ਦਿਨ ਤੁਹਾਡਾ ਪੇਟ ਬੇਆਰਾਮੀ ਮਹਿਸੂਸ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਇਨ੍ਹਾਂ ਬਾਰੇ...
ਕੁਝ ਲੋਕ ਇਹ ਸੋਚ ਕੇ ਸੋਡਾ ਜਾਂ ਸਾਫਟ ਡਰਿੰਕਸ ਸਵੇਰੇ ਸਵੇਰੇ ਪੀ ਲੈਂਦੇ ਹਨ ਕਿ ਇਹ ਗੈਸ ਜਾਂ ਐਸੀਡਿਟੀ ਨੂੰ ਦੂਰ ਕਰਨ ਵਿੱਚ ਮਦਦ ਕਰ ਸਕਦੀ ਹੈ। ਅਸਲ ਵਿੱਚ, ਇਹਨਾਂ ਪੀਣ ਵਾਲੇ ਪਦਾਰਥਾਂ ਵਿੱਚ ਕਾਰਬੋਨੇਸ਼ਨ ਹੁੰਦਾ ਹੈ, ਜੋ ਤੁਹਾਡੇ ਪੇਟ ਵਿੱਚ ਹੋਰ ਵੀ ਗੈਸ ਪੈਦਾ ਕਰ ਸਕਦਾ ਹੈ। ਬੇਅਰਾਮੀ ਤੋਂ ਬਚਣ ਲਈ ਸਵੇਰੇ ਇਨ੍ਹਾਂ ਡਰਿੰਕਸ ਤੋਂ ਪਰਹੇਜ਼ ਕਰੋ।
ਵੈਸੇ ਤਾਂ ਫਲ ਸਿਹਤਮੰਦ ਹੁੰਦੇ ਹਨ ਪਰ ਸੰਤਰੇ, ਨਿੰਬੂ ਅਤੇ ਅੰਗੂਰ ਵਰਗੇ ਖੱਟੇ ਫਲ ਖਾਲੀ ਪੇਟ 'ਤੇ ਕਾਫੀ ਕਠੋਰ ਹੋ ਸਕਦੇ ਹਨ। ਉਹ ਵਧੇ ਹੋਏ ਐਸਿਡ ਦਾ ਕਾਰਨ ਬਣ ਸਕਦੇ ਹਨ, ਜਿਸ ਨਾਲ ਪੇਟ ਵਿੱਚ ਬੇਅਰਾਮੀ ਅਤੇ ਪੇਟ ਫੁੱਲਣ ਵਰਗੀ ਸਮੱਸਿਆ ਹੁੰਦਾ ਹੈ।