ਅੰਮ੍ਰਿਤਸਰ : ਸਿੱਖ ਪ੍ਰਚਾਰਕ, ਪੰਥਕ ਲੇਖਕ ਅਤੇ ਸਿੱਖ ਯੂਥ ਫੈਡਰੇਸ਼ਨ ਭਿੰਡਰਾਂਵਾਲਾ ਦੇ ਕੌਮੀ ਪ੍ਰਧਾਨ ਭਾਈ ਰਣਜੀਤ ਸਿੰਘ ਦਮਦਮੀ ਟਕਸਾਲ ਨੇ ਕਿਹਾ ਕਿ ਅੱਜ ਦੁਨੀਆਂ ਦੇ ਕੋਨੇ-ਕੋਨੇ ਵਿੱਚ ਸਿੱਖ ਵੱਸ ਚੁੱਕੇ ਹਨ, ਸਿੱਖਾਂ ਦੀ ਹਰ ਥਾਂ ਵੱਖਰੀ ਪਛਾਣ ਅਤੇ ਸਤਿਕਾਰ ਹੈ ਪਰ ਅਫ਼ਸੋਸ ਕਿ ਇਸ ਦੇ ਬਾਵਜੂਦ ਵੀ ਸਿੱਖਾਂ ਕੋਲ ਆਪਣਾ ਰਾਜ ਨਹੀਂ ਹੈ। ਰਾਜ ਤੋਂ ਵਿਹੂਣੀ ਹੋਣ ਕਰਕੇ ਸਿੱਖ ਕੌਮ ਨੂੰ ਭਾਰਤ ਵਿੱਚ ਜ਼ਲੀਲ ਹੋਣਾ ਪੈ ਰਿਹਾ ਹੈ, ਇੱਥੋਂ ਤੱਕ ਕਿ ਸਾਡੇ ਧਰਮ ਸਥਾਨਾਂ ਅਤੇ ਧਰਮ ਗ੍ਰੰਥਾਂ ਉੱਤੇ ਹਮਲੇ, ਸਾਡੇ ਉੱਤੇ ਘੱਲੂਘਾਰੇ ਤੇ ਨਸਲਕੁਸ਼ੀ ਵਾਪਰ ਚੁੱਕੀ ਹੈ, ਸਾਡੇ ਆਗੂ ਤੇ ਸਾਡੀਆਂ ਸੰਸਥਾਵਾਂ ਵੀ ਸਰਕਾਰ ਦੇ ਕੰਟਰੋਲ ਵਿੱਚ ਹਨ, ਹਰ ਹਫ਼ਤੇ ਜਾਂ ਮਹੀਨੇ ਅਜਿਹੀ ਕੋਈ ਘਟਨਾ ਸਾਮ੍ਹਣੇ ਆ ਜਾਂਦੀ ਹੈ ਜਿਸ ਨਾਲ ਸਿੱਖਾਂ ਨੂੰ ਗ਼ੁਲਾਮੀ ਦਾ ਅਹਿਸਾਸ ਹੁੰਦਾ ਹੈ, ਸਾਡੀ ਬੋਲੀ ਅਤੇ ਕਕਾਰਾਂ 'ਤੇ ਪਾਬੰਦੀ ਅਕਸਰ ਹੀ ਲੱਗਦੀ ਰਹਿੰਦੀ ਹੈ, ਸਾਡੀ ਹੋਂਦ ਨੂੰ ਮਿਟਾਉਣ ਅਤੇ ਜਜ਼ਬ ਕਰਨ ਲਈ ਹਕੂਮਤ ਹਰ ਪਲ ਤਤਪਰ ਰਹਿੰਦੀ ਹੈ, ਸਜ਼ਾਵਾਂ ਪੂਰੀਆਂ ਕਰਨ ਦੇ ਬਾਵਜੂਦ ਵੀ ਬੰਦੀ ਸਿੰਘਾਂ ਨੂੰ ਰਿਹਾਅ ਨਹੀਂ ਕੀਤਾ ਜਾਂਦਾ, ਜਵਾਨੀ ਅਤੇ ਕਿਸਾਨੀ ਉੱਤੇ ਹਰ ਰੋਜ਼ ਡਾਂਗਾਂ ਵਰ੍ਹਾਈਆਂ ਜਾਂਦੀਆਂ ਹਨ ਤੇ ਇਹਨਾਂ ਧੱਕਿਆਂ, ਜ਼ੁਲਮਾਂ ਅਤੇ ਬੇਇਨਸਾਫ਼ੀਆਂ ਦੀ ਸੂਚੀ ਬਹੁਤ ਲੰਬੀ ਹੈ। ਦੁਨੀਆਂ ਭਰ ਵਿੱਚ ਸਾਡੀ ਹਾਜ਼ਰੀ ਹੋਣੀ ਚਾਹੀਦੀ ਹੈ, ਸਾਨੂੰ ਇਸ ਦੇ ਕਾਬਲ ਬਣਨ ਦੀ ਲੋੜ ਹੈ। ਜਿਹੜੇ ਸਿੱਖ ਆਗੂ, ਸ਼੍ਰੋਮਣੀ ਕਮੇਟੀ, ਅਕਾਲੀ ਦਲ, ਦਿੱਲੀ ਕਮੇਟੀ ਅਤੇ ਹੋਰ ਸਿੱਖਾਂ ਦੇ ਰਾਜ ਦੀ ਗੱਲ ਨਹੀਂ ਕਰਦੇ ਉਹਨਾਂ ਨੂੰ ਕਿਸੇ ਤਰ੍ਹਾਂ ਪ੍ਰਭਾਵਿਤ ਕਰਕੇ ਰਾਜ ਦੀ ਗੱਲ ਵੱਲ ਸਹਿਜੇ-ਸਹਿਜੇ ਤੋਰਿਆ ਜਾਏ। ਬਜ਼ੁਰਗ ਆਗੂਆਂ ਦਾ ਤਜ਼ਰਬਾ ਵਰਤ ਕੇ ਸਿੱਖ ਨੌਜਵਾਨੀ ਕੁਝ ਵੱਖਰਾ ਕਰਕੇ ਵਿਖਾਵੇ, ਪੁਰਾਣੇ ਆਗੂਆਂ ਨੂੰ ਭੰਡ ਕੇ ਅਤੇ ਖ਼ੁਦ ਹੱਥ 'ਤੇ ਹੱਥ ਧਰ ਕੇ ਕੋਈ ਪ੍ਰਾਪਤੀ ਨਹੀਂ