ਚੰਡੀਗੜ੍ਹ : ਓਪੋ ਇੰਡੀਆ ਨੇ ਭਾਰਤ ਵਿੱਚ ਆਪਣੀ ਪ੍ਰੀਮੀਅਮ ਸਮਾਰਟਫੋਨ ਲੜੀ ਨੂੰ ਹੋਰ ਮਜ਼ਬੂਤ ਬਣਾਉਂਦਿਆਂ ਨਵੇਂ ਫਾਈਂਡ ਐਕਸ9ਐੱਸ ਅਤੇ ਫਾਈਂਡ ਐਕਸ9 ਅਲਟਰਾ ਨੂੰ ਲਾਂਚ ਕੀਤਾ ਹੈ। ਕ੍ਰੀਏਟਰਾਂ ਅਤੇ ਟੈਕਨੋਲੋਜੀ ਪ੍ਰੇਮੀਆਂ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤੇ ਗਏ ਇਹ ਨਵੇਂ ਫਲੈਗਸ਼ਿਪ ਸਮਾਰਟਫੋਨ ਐਡਵਾਂਸਡ ਇਮੇਜਿੰਗ ਟੈਕਨੋਲੋਜੀ, ਏਆਈ-ਪਾਵਰਡ ਫੀਚਰਜ਼ ਅਤੇ ਹਾਈ-ਐਂਡ ਪਰਫਾਰਮੈਂਸ ਨੂੰ ਸਟਾਈਲਿਸ਼ ਅਤੇ ਮਜ਼ਬੂਤ ਡਿਜ਼ਾਇਨ ਨਾਲ ਪੇਸ਼ ਕਰਦੇ ਹਨ। ਫਾਈਂਡ ਐਕਸ9 ਅਲਟਰਾ ਵਿੱਚ ਓਪੋ ਦਾ ਨਵੀਂ ਪੀੜ੍ਹੀ ਵਾਲਾ ਹੈਸਲਬਲੈਡ ਮਾਸਟਰ ਕੈਮਰਾ ਸਿਸਟਮ ਦਿੱਤਾ ਗਿਆ ਹੈ, ਜਿਸ ਵਿੱਚ 200 ਮੈਗਾਪਿਕਸਲ ਪ੍ਰਾਈਮਰੀ ਸੈਂਸਰ, 200 ਮੈਗਾਪਿਕਸਲ 3ਐਕਸ ਟੈਲੀਫੋਟੋ ਲੈਂਸ ਅਤੇ 50 ਮੈਗਾਪਿਕਸਲ 10ਐਕਸ ਆਪਟੀਕਲ ਜ਼ੂਮ ਕੈਮਰਾ ਸ਼ਾਮਲ ਹੈ। ਇਹ ਡਿਵਾਈਸ 8ਕੇ ਵੀਡੀਓ ਰਿਕਾਰਡਿੰਗ, ਡੋਲਬੀ ਵਿਜ਼ਨ ਐਚਡੀਆਰ ਅਤੇ ਓ-ਲਾਗ2 ਤੇ 3ਡੀ ਐਲਯੂਟੀ ਵਰਗੇ ਪ੍ਰੋਫੈਸ਼ਨਲ ਇਮੇਜਿੰਗ ਟੂਲਜ਼ ਨੂੰ ਵੀ ਸਪੋਰਟ ਕਰਦੀ ਹੈ। ਉੱਧਰ, ਫਾਈਂਡ ਐਕਸ9ਐੱਸ ਵਿੱਚ 6.59 ਇੰਚ ਐਮੋਲੇਡ ਡਿਸਪਲੇ, ਮੀਡੀਆਟੈਕ ਡਾਈਮੈਂਸਿਟੀ 9500ਐੱਸ ਚਿਪਸੈਟ ਅਤੇ 50 ਮੈਗਾਪਿਕਸਲ ਟ੍ਰਿਪਲ ਕੈਮਰਾ ਸੈਟਅੱਪ ਦਿੱਤਾ ਗਿਆ ਹੈ। ਓਪੋ ਇੰਡੀਆ ਨੇ ਐਨਕੋ ਏਅਰ5 ਪ੍ਰੋ ਈਅਰਬਡਜ਼ ਵੀ ਲਾਂਚ ਕੀਤੇ ਹਨ, ਜਿਨ੍ਹਾਂ ਵਿੱਚ 55ਡੀਬੀ ਐਕਟਿਵ ਨੋਇਜ਼ ਕੈਂਸਲੇਸ਼ਨ ਅਤੇ 54 ਘੰਟਿਆਂ ਤੱਕ ਦਾ ਪਲੇਬੈਕ ਸਪੋਰਟ ਮਿਲਦਾ ਹੈ। ਓਪੋ ਫਾਈਂਡ ਐਕਸ9ਐੱਸ ਦੀ ਪ੍ਰਭਾਵਸ਼ਾਲੀ ਸ਼ੁਰੂਆਤੀ ਕੀਮਤ 62,199 ਰੁਪਏ ਰੱਖੀ ਗਈ ਹੈ, ਜਦਕਿ ਫਾਈਂਡ ਐਕਸ9 ਅਲਟਰਾ ਦੀ ਸ਼ੁਰੂਆਤੀ ਕੀਮਤ 1,36,999 ਰੁਪਏ ਹੈ। ਦੋਵੇਂ ਸਮਾਰਟਫੋਨ 28 ਮਈ ਤੋਂ ਓਪੋ ਈ-ਸਟੋਰ, ਫਲਿਪਕਾਰਟ, ਅਮੇਜ਼ਨ ਅਤੇ ਦੇਸ਼ ਭਰ ਦੇ ਪ੍ਰਮੁੱਖ ਰਿਟੇਲ ਸਟੋਰਾਂ ‘ਤੇ ਵਿਕਰੀ ਲਈ ਉਪਲਬਧ ਹੋਣਗੇ।
ਲਾਂਚ ਮੌਕੇ ਓਪੋ ਇੰਡੀਆ ਦੇ ਸੰਚਾਰ ਮੁੱਖੀ ਗੋਲਡੀ ਪਟਨਾਇਕ ਨੇ ਦੱਸਿਆ ਕਿ, “ਓਪੋ ਵਿੱਚ ਇਨੋਵੇਸ਼ਨ ਹਮੇਸ਼ਾਂ ਇਸ ਗੱਲ ਤੋਂ ਪ੍ਰੇਰਿਤ ਰਹੀ ਹੈ ਕਿ ਉਪਭੋਗਤਾ ਆਪਣੀ ਰੋਜ਼ਾਨਾ ਜ਼ਿੰਦਗੀ ਵਿੱਚ ਟੈਕਨੋਲੋਜੀ ਦੀ ਵਰਤੋਂ ਕਿਵੇਂ ਕਰਦੇ ਹਨ। ਫਾਈਂਡ ਐਕਸ9 ਅਲਟਰਾ ਸਾਡੀਆਂ ਸਭ ਤੋਂ ਆਧੁਨਿਕ ਇਮੇਜਿੰਗ ਸਮਰੱਥਾਵਾਂ ਨੂੰ ਦਰਸਾਉਂਦਾ ਹੈ, ਜਦਕਿ ਫਾਈਂਡ ਐਕਸ9ਐੱਸ ਹਲਕੇ ਅਤੇ ਸਲੀਮ ਡਿਜ਼ਾਇਨ ਵਿੱਚ ਫਲੈਗਸ਼ਿਪ ਤਜਰਬਾ ਪ੍ਰਦਾਨ ਕਰਦਾ ਹੈ। ਇਹ ਦੋਵੇਂ ਡਿਵਾਈਸ ਭਾਰਤ ਦੇ ਪ੍ਰੀਮੀਅਮ ਸਮਾਰਟਫੋਨ ਉਪਭੋਗਤਾਵਾਂ ਦੀਆਂ ਬਦਲਦੀਆਂ ਉਮੀਦਾਂ ਨੂੰ ਦਰਸਾਉਂਦੇ ਹਨ।”
ਆਈਡੀਸੀ ਦੀ ਵਰਲਡਵਾਈਡ ਕਵਾਰਟਰਲੀ ਮੋਬਾਈਲ ਫੋਨ ਟ੍ਰੈਕਰ ਦੀ ਪਹਿਲੀ ਤਿਮਾਹੀ 2026 ਦੀ ਰਿਪੋਰਟ ਅਨੁਸਾਰ, ਓਪੋ ਨੇ ਸਾਲ-ਦਰ-ਸਾਲ 22 ਫੀਸਦੀ ਵਾਧਾ ਦਰਜ ਕੀਤਾ ਹੈ, ਜੋ ਵਿਸ਼ਵ ਪੱਧਰ ‘ਤੇ ਟਾਪ ਪੰਜ ਸਮਾਰਟਫੋਨ ਬ੍ਰਾਂਡਾਂ ਵਿੱਚ ਸਭ ਤੋਂ ਵੱਧ ਹੈ। ਇਸ ਵਾਧੇ ਨਾਲ ਭਾਰਤ ਵਿੱਚ ਓਪੋ ਦੀ ਮਾਰਕੀਟ ਹਿੱਸੇਦਾਰੀ ਵੱਧ ਕੇ 15.3 ਫੀਸਦੀ ਹੋ ਗਈ ਹੈ, ਜਿਸ ਨਾਲ ਕੰਪਨੀ ਦੇਸ਼ ਦੇ ਟਾਪ ਤਿੰਨ ਸਮਾਰਟਫੋਨ ਬ੍ਰਾਂਡਾਂ ਵਿੱਚ ਆਪਣੀ ਸਥਿਤੀ ਹੋਰ ਮਜ਼ਬੂਤ ਕਰਨ ਵਿੱਚ ਕਾਮਯਾਬ ਰਹੀ ਹੈ।