ਰਾਜਾਸਾਸੀ : ਅੱਜ ਵਿਧਾਨ ਸਭਾ ਹਲਕਾ ਰਾਜਾਸਾਂਸੀ ਤੋਂ ਆਮ ਆਦਮੀ ਪਾਰਟੀ ਦੇ ਹਲਕਾ ਇੰਚਾਰਜ ਮੈਡਮ ਸੋਨੀਆ ਮਾਨ ਦੀ ਅਗਵਾਈ ਹੇਠ ਆਮ ਆਦਮੀ ਪਾਰਟੀ ਨੂੰ ਅਲਵਿਦਾ ਆਖ ਕੇ ਭਾਰਤੀ ਜਨਤਾ ਪਾਰਟੀ ਵਿੱਚ ਸ਼ਾਮਿਲ ਹੋਣ ਵਾਲੇ ਸੱਤ ਰਾਜ ਸਭਾ ਮੈਂਬਰ ਰਾਗਵ ਚੱਡਾ,ਸੰਦੀਪ ਪਾਠਕ,ਹਰਭਜਨ ਸਿੰਘ ਭੱਜੀ, ਵਿਕਰਮਜੀਤ ਸਿੰਘ ਸਾਹਨੀ,ਸਵਾਤੀ ਮੱਲੀਵਾਲ, ਰਜਿੰਦਰ ਗੁਪਤਾ, ਅਸ਼ੋਕ ਮਿੱਤਲ ਦਾ ਪੁਤਲਾ ਸਾੜ ਕੇ ਨਾਰੇਬਾਜੀ ਕਰਦਿਆਂ ਰੋਸ ਪ੍ਰਦਰਸ਼ਨ ਕੀਤਾ ਗਿਆ।ਇਸ ਮੌਕੇ ਗੱਲਬਾਤ ਕਰਦੇ ਹੋਏ ਹਲਕਾ ਇੰਚਾਰਜ ਮੈਡਮ ਸੋਨੀਆ ਮਾਨ ਨੇ ਕਿਹਾ ਕਿ ਜੋ ਲੋਕ ਆਪਣੀ ਪਾਰਟੀ ਅਤੇ ਪੰਜਾਬ ਦੇ ਨਹੀਂ ਹੋਏ ਉਹ ਕਦੇ ਵੀ ਲੋਕ ਪੱਖੀ ਨੀਤੀਆਂ ਬਣਾਉਣ ਅਤੇ ਲੋਕ ਹਿਤਾਂ ਦੀ ਰਾਖੀ ਨਹੀਂ ਕਰ ਸਕਦੇ।ਮੈਡਮ ਸੋਨੀਆ ਮਾਨ ਨੇ ਕਿਹਾ ਕਿ ਜੋ ਲੋਕ ਆਪਣੇ ਨਿੱਜੀ ਖੇਤਾਂ ਨੂੰ ਦੇਖਦੇ ਆਂ ਅਤੇ ਹੋਰ ਲਾਭ ਲੈਣ ਲਈ ਪੰਜਾਬ ਦੇ ਲੋਕਾਂ ਨਾਲ ਦਗਾ ਕਰਦਿਆਂ ਪੰਜਾਬੀਆਂ ਦੀ ਪਿੱਠ ਵਿੱਚ ਛੁਰਾ ਮਾਰ ਕੇ ਭਾਰਤੀ ਜਨਤਾ ਪਾਰਟੀ ਵਿੱਚ ਸ਼ਾਮਿਲ ਹੋਏ ਹਨ। ਉਨਾਂ ਕਿਹਾ ਸੂਬੇ ਦੇ ਲੋਕ ਇਸ ਤਰ੍ਹਾਂ ਦੇ ਲੋਕਾਂ ਨੂੰ ਕਦੇ ਵੀ ਨੂੰ ਨਹੀਂ ਲਾਉਣਗੇ।ਮੈਡਮ ਸੋਨੀਆ ਮਾਨ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਨੇ ਰਾਗਵ ਚੱਡਾ ਸਮੇਤ ਇਹਨਾਂ ਸਾਸਦ ਮੈਂਬਰਾਂ ਨੂੰ ਜਮੀਨ ਤੋਂ ਚੁੱਕ ਕੇ ਅਸਮਾਨ ਤੱਕ ਅਤੇ ਦੇਸ਼ ਦੀ ਸਭ ਤੋਂ ਵੱਡੀ ਪਾਰਲੀਮੈਂਟ ਵਿੱਚ ਪਹੁੰਚਾਇਆ ਸੀ ਪਰ ਇਨਾ ਸਾਂਸਦ ਮੈਂਬਰਾਂ ਵੱਲੋਂ ਆਮ ਆਦਮੀ ਪਾਰਟੀ ਅਤੇ ਪੰਜਾਬ ਦੇ ਲੋਕਾਂ ਨਾਲ ਧ੍ਰੋਹ ਕਮਾਇਆ ਹੈ।ਇਸ ਮੌਕੇ ਕੁਲਵਿੰਦਰ ਸਿੰਘ ਔਲਖ ਪ੍ਰਧਾਨ ਨਗਰ ਪੰਚਾਇਤ ਰਾਜਾਸਾਂਸੀ,ਰੇਸ਼ਮ ਸਿੰਘ ਵੜੈਚ,ਹਲਕਾ ਸੰਗਠਨ ਇੰਚਾਰਜ ਰਾਜਵੀਰ ਸਿੰਘ ਤੋਲਾ ਨੰਗਲ, ਚੇਅਰਮੈਨ ਲਖਵਿੰਦਰ ਸਿੰਘ ਭਿੰਡੀ,ਸੁਖਚੈਨ ਸਿੰਘ ਵੜੈਚ ਸਰਪੰਚ ਅਦਲੀ ਵਾਲਾ, ਕੌਂਸਲਰ ਦਿਆਲ ਸਿੰਘ,ਕੌਂਸਲਰ ਸਰਬਜੀਤ ਕੌਰ, ਮੈਡਮ ਸਿਮੀ ,ਮਾਸਟਰ ਸ਼ਿੰਦਾ ਸਿੰਘ, ਸਨੀ ਕੌਂਸਲਰ, ਸੁਰਿੰਦਰ ਪਾਲ ਸਿੰਘ ਹੈਪੀ ਕੌਂਸਲਰ ,ਜੋਬਨ ਝੰਜੋਟੀ, ਸੁਖਦੀਪ ਸਿੰਘ ਛੀਨਾ ,ਸ੍ਰੀ ਰਾਮ ,ਲਾਲੀ ਸਾਰੰਗੜਾ, ਰਾਮ ਸਿੰਘ ਚੌਗਾਵਾਂ ਤੋਂ ਇਲਾਵਾ ਆਮ ਆਦਮੀ ਪਾਰਟੀ ਦੇ ਵਰਕਰ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ। ਕੈਪਸ਼ਨ , ਕਸਬਾ ਰਾਜਾਸਾਂਸੀ ਵਿਖੇ ਆਮ ਆਦਮੀ ਪਾਰਟੀ ਨੂੰ ਛੱਡ ਕੇ ਭਾਜਪਾ ਵਿੱਚ ਸ਼ਾਮਿਲ ਹੋਏ ਸੱਤ ਸਾਂਸਦ ਮੈਂਬਰਾਂ ਦਾ ਪੁਤਲਾ ਫੂਕਦੇ ਹੋਏ ਮੈਡਮ ਸੋਨੀਆ ਮਾਨ ਅਤੇ ਨਾਲ ਹੋਰ ਆਪ ਆਗੂ