ਮਾਲੇਰਕੋਟਲਾ : ਗੁਰਪ੍ਰੀਤ ਸਿੰਘ ਪੁੱਤਰ ਸਿੰਦਰ ਸਿੰਘ ਵਾਸੀ ਵਾਰਡ ਨੰਬਰ 5 ਰਾਜਿੰਦਰ ਨਗਰ ਮਾਲੇਰਕੋਟਲਾ ਨੇ ਡਿਪਟੀ ਕਮਿਸ਼ਨਰ ਮਾਲੇਰਕੋਟਲਾ ਨੂੰ ਦਰਖਾਸਤ ਦੇ ਕੇ ਮੰਗ ਕੀਤੀ ਹੈ ਕਿ ਆਵਾਰਾ ਖੂੰਖਾਰ ਕੁੱਤਿਆ ਨੇ ਦਰਜਨ ਤੌਂ ਵੱਧ ਬਕਰੀਆਂ ਨੂੰ ਨੋਚ ਨੋਚ ਕੇ ਮਾਰ ਦੇਣ ਤੇ 5,60000 ਰੂਪਏ ਦਾ ਮੁਆਵਜਾ ਦਿੱਤਾ ਜਾਵੇ। ਗੁਰਪ੍ਰੀਤ ਸਿੰਘ ਨੇ ਕਿਹਾ ਕਿ ਉਹ ਬਕਰੀਆਂ ਪਾਲਦਾ ਹਾਂ ਤੇ ਇਹਨਾਂ ਦਾ ਦੁੱਧ ਵੇਚ ਕੇ ਮੈਂ ਆਪਣਾ ਪ੍ਰੀਵਾਰ ਪਾਲਦਾ ਹਾਂ। ਅੱਜ ਸਵੇਰੇ ਕਰੀਬ ਸਾਢੇ ਬਾਰਾਂ ਵਜੇ ਬਕਰੀਆਂ ਵਾਲੇ ਮਕਾਨ ਵਿੱਚ ਗਿਆ ਤਾਂ ਉਥੇ ਆਵਾਰਾ ਕੁਤਿਆ ਨੇ 14 ਬਕਰੀਆਂ ਨੂੰ ਪਾੜ ਕੇ ਮਾਰ ਦਿੱਤਾ ਸੀ। ਇੱਕ ਬੱਕਰੀ ਦੀ ਕੀਮਤ ਚਾਲੀ ਹਾਜਾਰ ਰੂਪੇ ਦੀ ਕੀਮਤ ਹੈ, ਜਿਸ ਦੀ ਕੁੱਲ ਕੀਮਤ 5,60000 ਰੁਪਏ ਦਾ ਨੁਕਸਾਨ ਹੋਇਆ ਹੈ।ਉਸ ਦਾ ਮੁਆਵਜਾ ਦਿੱਤਾ ਜਾਵੇ। ਇਥੇ ਇਹ ਗੱਲ ਵੀ ਦੱਸਣਯੋਗ ਹੈ ਕਿ ਨਗਰ ਕੌਂਸਲ ਵਲੋਂ ਕੁੱਤੀਆਂ ਨੂੰ ਖੱਸੀ ਕੀਤਾ ਜਾਂਦਾ ਹੈ ਪਰ ਸ਼ਹਿਰ ਦੇ ਵਿਚ ਤੇ ਸ਼ਹਿਰ ਦੇ ਬਾਹਰਲੇ ਪਾਸੇ ਕੁੱਤੀਆਂ ਦੇ ਝੂੰਡਾ ਨੇ ਸਕੂਲ ਜਾਣ ਵਾਲੇ ਬਚਿਆਂ ਤੇ ਬਜ਼ੁਰਗਾਂ ਨੂੰ ਲਗਣਾ ਔਖਾ ਹੈ।ਪਰ ਜਦੋਂ ਵੀ ਨਗਰ ਕੌਂਸਲ ਦੇ ਅਧਿਕਾਰੀਆਂ ਜਾ ਜ਼ਿਲ੍ਹਾ ਪ੍ਰਸ਼ਾਸਨ ਨਾਲ ਲੱਗ ਕਰ ਲੈਵੋ ਤਾਂ ਉਹਨਾਂ ਦਾ ਇੱਕੋ ਜਵਾਬ ਹੁੰਦਾ ਹੈ ਟੈਂਡਰ ਕਰ ਦਿੱਤਾ ਹੈ ਛੇਤੀ ਹੀ ਇਸ ਦਾ ਹੱਲ ਹੋ ਜਾਵੇਗਾ । ਚਰਚਾ ਤਾ ਸ਼ਹਿਰ ਵਿਚ ਇਹ ਵੀ ਹੈ ਕਿ ਕਾਗਜ਼ਾਂ ਵਿੱਚ ਤਾਂ ਲੱਖਾਂ ਰੁਪਏ ਦੇ ਖਰਚੇ ਇਹਨਾਂ ਆਵਾਰਾ ਕੁੱਤਿਆਂ ਨੂੰ ਖੱਸੀ ਕਰਨ ਦੇ ਪਾ ਦਿੱਤੇ ਗਏ ਹਨ। ਜਦੋ ਇਸ ਸਬੰਧੀ ਨਗਰ ਕੌਂਸਲ ਦੇ ਸਬੰਧਤ ਬਰਾੰਚ ਦੇ ਅਧੀਕਾਰੀ ਨਾਲ ਗੱਲ ਕੀਤੀ ਤਾਂ ਉਹਨਾਂ ਕਿਹਾ ਕਿ ਮੈਂ ਕੱਲ ਹੀ ਆਇਆ ਹਾਂ ਰਿਕਾਰਡ ਵੇਖ ਕੇ ਹੀ ਦੱਸ ਸਕਦਾ ਹਾਂ ਕਿ ਟੈੰਡਰ ਹੋਇਆ ਹੈ ਜਾਂ ਨਹੀਂ।