ਮੁੰਬਈ : ਬੀਤੇ ਸ਼ੁਕਰਵਾਰ ਨੂੰ ਟੀ.ਵੀ ਅਦਾਕਾਰ ਪਰਲ ਵੀ ਪੁਰੀ ਨੂੰ ਇਕ ਨਾਬਾਲਿਗ ਨਾਲ ਬਲਾਤਕਾਰ ਕਰਨ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸ ਦੀ ਗ੍ਰਿਫ਼ਤਾਰੀ ਮਗਰੋਂ ਕਈ ਹੋਰ ਅਦਾਕਾਰਾਂ ਅਤੇ ਗਾਇਕਾਂ ਨੇ ਪੁਰੀ ਦਾ ਪੱਖ ਪੂਰਦਿਆਂ ਕਿਹਾ ਸੀ ਕਿ ਉਹ ਨਿਰਦੋਸ਼ ਹੈ ਅਤੇ ਉਸ ਨੂੰ ਫਸਾਇਆ ਜਾ ਰਿਹਾ ਹੈ। ਹੁਣ ਤਾਜਾ ਮਿਲੀ ਜਾਣਕਾਰੀ ਅਨੁਸਾਰ Puri ਨੂੰ 14 ਦਿਨਾਂ ਦੀ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ। ਫਿਲਹਾਲ, ਪਰਲ ਵਾਲਿਵ ਪੁਲਿਸ ਸਟੇਸ਼ਨ ਵਿੱਚ ਹੈ ਅਤੇ ਬਹੁਤ ਜਲਦੀ COVID ਲਈ ਟੈਸਟ ਕੀਤਾ ਜਾਵੇਗਾ।
ਪਰਲ ਵੀ ਪੁਰੀ ਦਾ ਆਰਟੀ-ਪੀਸੀਆਰ Corona ਟੈਸਟ ਵੀ ਕੀਤਾ ਜਾਵੇਗਾ। ਜੇ ਰਿਪੋਰਟ ਨਾਂਹ ਪੱਖੀ ਆਉਂਦੀ ਹੈ, ਤਾਂ ਉਸਨੂੰ ਸੋਮਵਾਰ ਨੂੰ ਠਾਣੇ ਦੀ ਜੇਲ੍ਹ ਵਿੱਚ ਤਬਦੀਲ ਕਰ ਦਿੱਤਾ ਜਾਵੇਗਾ। ਇਕ ਪਾਸੇ ਜਿੱਥੇ ਪਰਲ ਖ਼ਿਲਾਫ਼ ਗੰਭੀਰ ਦੋਸ਼ ਲਗਾਏ ਜਾ ਰਹੇ ਹਨ, ਦੂਜੇ ਪਾਸੇ ਟੀ.ਵੀ ਇੰਡਸਟਰੀ ਖੁੱਲ੍ਹ ਕੇ ਪਰਲ ਦੇ ਸਮਰਥਨ ਵਿਚ ਆ ਗਈ ਹੈ। ਏਕਤਾ ਕਪੂਰ, ਕਰਿਸ਼ਮਾ ਤੰਨਾ, ਅਲੀ ਗੋਨੀ, ਅਨੀਤਾ ਹਸਨੰਦਾਨੀ, ਅਰਜੂਲ ਬਿਜਲਾਨੀ ਸਮੇਤ ਕਈ ਸਿਤਾਰਿਆਂ ਨੇ ਪਰਲ ਦਾ ਸਮਰਥਨ ਕੀਤਾ ਹੈ ਅਤੇ ਉਸ ਨੂੰ ਇਕ ਚੰਗਾ ਵਿਅਕਤੀ ਦੱਸਿਆ ਹੈ।
ਏਕਤਾ ਕਪੂਰ ਨੇ ਆਪਣੇ ਨੋਟ ਵਿਚ ਖੁਲਾਸਾ ਕੀਤਾ ਸੀ ਕਿ ਪਰਲ ਵੀ ਪੁਰੀ ਨੂੰ ਇਸ ਵਿਚ ਘਸੀਟਿਆ ਗਿਆ ਹੈ। ਇਹ ਕਥਿਤ ਤੌਰ 'ਤੇ ਪੀੜਤ ਲੜਕੀ ਦੀ ਮਾਂ ਅਤੇ ਉਸਦੇ ਪਤੀ ਵਿਚਕਾਰ ਲੜਾਈ ਹੈ। ਹੁਣ ਏਕਤਾ ਕਪੂਰ ਦਾ ਆਡੀਓ ਅਤੇ ਪੀੜਤ ਮਾਂ ਦੀ ਗੱਲਬਾਤ ਇੰਟਰਨੈੱਟ 'ਤੇ ਵਾਇਰਲ ਹੋ ਰਹੀ ਹੈ। ਇਸ ਆਡੀਓ ਕਲਿੱਪ ਵਿਚ ਏਕਤਾ ਕਪੂਰ ਨਾਬਾਲਿਗ ਪੀੜਤ ਦੀ ਮਾਂ ਨੂੰ ਅੱਗੇ ਆ ਕੇ ਸੱਚ ਬੋਲਣ ਦੀ ਅਪੀਲ ਕਰ ਰਹੀ ਹੈ। ਇਸ ਆਡੀਓ ਕਲਿੱਪ ਵਿੱਚ, ਲੜਕੀ ਦੀ ਮਾਂ ਦਾਅਵਾ ਕਰ ਰਹੀ ਹੈ ਕਿ ਉਸਨੂੰ ਪਤਾ ਹੈ ਕਿ ਪਰਲ ਬੇਕਸੂਰ ਹੈ। ਹਾਲਾਂਕਿ ਲੜਕੀ ਦੀ ਮਾਂ ਏਕਤਾ ਕਪੂਰ ਦੇ ਬੈਨਰ ਨਾਲ ਕੰਮ ਖਤਮ ਹੋਣ ਬਾਰੇ ਬੋਲਦੀ ਹੈ, ਪਰ ਉਹ (ਏਕਤਾ ਕਪੂਰ) ਵੀ ਭਰੋਸਾ ਦਿੰਦੀ ਹੈ ਕਿ ਅਜਿਹਾ ਕੁਝ ਨਹੀਂ ਹੋ ਸਕਦਾ। ਏਕਤਾ ਨੇ ਉਸ ਨੂੰ ਇਹ ਵੀ ਅਪੀਲ ਕੀਤੀ ਕਿ ਜੇ ਪਰਲ ਉੱਤੇ ਕੀਤੇ ਦਾਅਵੇ ਸੱਚੇ ਹਨ ਤਾਂ ਉਹ ਉਸ ਨਾਲ ਕਦੇ ਕੰਮ ਨਹੀਂ ਕਰੇਗੀ। ਹਾਲਾਂਕਿ, ਇਸ ਜੋੜੀ ਦੇ ਵਿਵਾਦ ਕਾਰਨ ਇੱਕ ਅਭਿਨੇਤਾ ਦਾ ਕੈਰੀਅਰ ਦਾਅ 'ਤੇ ਹੈ। ਅਜਿਹੇ ਵਿਚ ਹੁਣ ਇਹ ਵੇਖਣਾ ਹੋਵੇਗਾ ਕਿ ਆਖ਼ਰ ਫ਼ੈਸਲਾ ਕੀ ਹੁੰਦਾ ਹੈ। ਪੁਲਿਸ ਅਧਿਕਾਰੀਆਂ ਦਾ ਇਸ ਬਾਰੇ ਕਹਿਣਾ ਹੈ ਕਿ ਉਨ੍ਹਾਂ ਨੇ ਹਾਲ ਦੀ ਘੜੀ ਜੋ ਸਬੂਤ ਅਤੇ ਬਿਆਨ ਇਕੱਤਰਤ ਕੀਤੇ ਹਨ ਉਸੇ ਆਧਾਰ ਉਤੇ ਕਾਰਵਾਈ ਕਰ ਰਹੇ ਹਨ ਅਤੇ ਅੰਤਮ ਫ਼ੈਸਲਾ ਹੁਣ ਅਦਾਲਤ ਹੀ ਕਰੇਗੀ।