ਮੁੱਖ ਮੰਤਰੀ ਨੇ ਦਿੱਤੇ ਨਿਰਦੇਸ਼, ਫਸਲਾਂ ਵਿੱਚ ਬੀਮਾਰੀਆਂ ਦੀ ਪਛਾਣ ਲਈ ਡੋਨ ਅਧਾਰਤ ਪਾਇਲਟ ਪ੍ਰੋਜੈਕਟ ਤਿਆਰ ਕਰਨ
ਚੰਡੀਗੜ੍ਹ : ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਦੀ ਪ੍ਰਧਾਨਗੀ ਵਿੱਚ ਅੱਜ ਇੱਥੇ ਡ੍ਰੋਨ ਇਮੇਜਿੰਗ ਅਤੇ ਇੰਫ਼ਾਰਮੇਸ਼ਨ ਸਰਵਿਸੇਜ਼ ਆਫ਼ ਹਰਿਆਣਾ ਲਿਮਿਟੇਡ ਬੋਰਡ ਆਫ਼ ਡਾਇਰੈਕਟਰਸ ਦੀ ਮੀਟਿੰਗ ਪ੍ਰਬੰਧਿਤ ਹੋਈ, ਜਿਸ ਵਿੱਚ ਸੂਬੇ ਵਿੱਚ ਡੋਨ ਤਕਨਾਲੋਜੀ ਦੇ ਵੱਖ ਵੱਖ ਉਪਯੋਗਾਂ ਨੂੰ ਲੈਅ ਕੇ ਕਈ ਮਹੱਤਵਪੂਰਨ ਫੈਸਲੇ ਕੀਤੇ ਗਏ। ਮੁੱਖ ਮੰਤਰੀ ਨੇ ਨਿਰਦੇਸ਼ ਦਿੱਤੇ ਹਨ ਕਿ ਫਸਲ ਦੀ ਸਿਹਤ ਦੀ ਨਿਗਰਾਨੀ ਅਤੇ ਬੀਮਾਰੀਆਂ ਦੀ ਪਛਾਣ ਲਈ ਪਾਇਲਟ ਪ੍ਰੋਜੈਕਟ ਵੱਜੋਂ ਡੋ੍ਰਨ ਦਾ ਉਪਯੋਗ ਕੀਤਾ ਜਾਵੇ। ਇਸ ਨਾਲ ਕਿਸਾਨਾਂ ਨੂੰ ਸਮੇ 'ਤੇ ਜਾਣਕਾਰੀ ਮੁਹੱਈਆ ਕਰਾ ਕੇ ਫਸਲ ਨੁਕਸਾਨ ਨੂੰ ਰੋਕਣ ਵਿੱਚ ਮਦਦ ਮਿਲੇਗੀ।
ਮੁੱਖ ਮੰਤਰੀ ਨੇ ਸੁਝਾਅ ਦਿੱਤਾ ਕਿ ਪਾਇਲਟ ਪੜਾਅ ਵਿੱਚ ਆਲੂ, ਚਨਾ, ਕਪਾਹ, ਝੋਨਾ ਅਤੇ ਸਬਜਿਆਂ ਜਿਹੀ ਫਸਲਾਂ ਨੂੰ ਸ਼ਾਮਲ ਕੀਤਾ ਜਾਵੇ, ਜਿਨ੍ਹਾਂ ਵਿੱਚ ਆਮਤੌਰ 'ਤੇ ਬੀਮਾਰੀਆਂ ਦੀ ਸੰਭਾਵਨਾ ਵੱਧ ਹੁੰਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਨਾਲ ਕਿਸਾਨਾਂ ਦੀ ਪੈਦਾਵਾਰ ਵਿੱਚ ਸੁਧਾਰ ਹੋਵੇਗਾ ਅਤੇ ਫਸਲਾਂ ਨੂੰ ਨੁਕਸਾਨ ਤੋਂ ਬਚਾਇਆ ਜਾ ਸਕੇਗਾ।
ਮੁੱਖ ਮੰਤਰੀ ਨੇ ਨਿਰਦੇਸ਼ ਦਿੰਦੇ ਹੋਏ ਕਿਹਾ ਕਿ ਡ੍ਰੋਨ ਦੀਦੀ ਯੋਜਨਾ ਤਹਿਤ ਸੂਬੇ ਵਿੱਚ 5,000 ਮਹਿਲਾਵਾਂ ਨੂੰ ਡੋ੍ਰਨ ਤਕਨੀਕ ਦੀ ਸਿਖਲਾਈ ਦੇਣ ਦਾ ਟੀਚਾ ਨਿਰਧਾਰਿਤ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਦ੍ਰਿਸ਼ਾ ਦੇ ਅਧਿਕਾਰੀਆਂ ਨੂੰ ਅਗਲੀ ਇੱਕ ਤਿਮਾਹੀ ਵਿੱਚ ਲਗਭਗ 500 ਮਹਿਲਾਵਾਂ ਨੂੰ ਸਿਖਲਾਈ ਦੇਣ ਦੀ ਯੋਜਨਾ ਤਿਆਰ ਕਰਨ ਦੇ ਨਿਰਦੇਸ਼ ਦਿੱਤੇ। ਇਹ ਪਹਿਲ ਮਹਿਲਾਵਾਂ ਨੂੰ ਤਕਨੀਕੀ ਰੂਪ ਨਾਲ ਸਸ਼ਕਤ ਬਣਾ ਕੇ ਉਨ੍ਹਾਂ ਨੂੰ ਸਵੈ-ਰੁਜਗਾਰ ਦੇ ਮੌਕੇ ਪ੍ਰਦਾਨ ਕਰੇਗੀ।
ਕੁਦਰਤੀ ਖੇਤੀ ਨੂੰ ਮਿਲੇਗਾ ਪ੍ਰੋਤਸਾਹਨ
ਮੁੱਖ ਮੰਤਰੀ ਨੇ ਨਿਰਦੇਸ਼ ਦਿੱਤੇ ਹਨ ਕਿ ਡੋ੍ਰਨ ਤਕਨੀਕ ਦਾ ਉਪਯੋਗ ਕੁਦਰਤੀ ਖੇਤੀ, ਵਿਸ਼ੇਸ਼ ਤੌਰ 'ਤੇ ਜੀਵ ਅਮ੍ਰਿਤ ਦੇ ਛਿੜਕਾਓ ਲਈ ਕੀਤਾ ਜਾਵੇ। ਇਸ ਦੇ ਲਈ ਕਿਸਾਨਾਂ ਨੂੰ ਵੀ ਲੋੜੀਂਦੀ ਸਿਖਲਾਈ ਪ੍ਰਦਾਨ ਕੀਤੀ ਜਾਵੇਗੀ, ਤਾਂ ਜੋ ਉਹ ਆਧੁਨਿਕ ਤਕਨਾਲੋਜ਼ੀ ਨਾਲ ਵਾਤਾਵਰਣ ਅਨੁਕੂਲ ਖੇਤੀ ਵੱਲ ਵੱਧ ਸਕਣ।
ਦ੍ਰਿਸ਼ਾ ਦੇ ਸੀਈਓ ਸ੍ਰੀ ਫੂਲ ਕੁਮਾਰ ਨੇ ਮੀਟਿੰਗ ਵਿੱਚ ਮੁੱਖ ਮੰਤਰੀ ਨੂੰ ਜਾਣੂ ਕਰਾਇਆ ਕਿ ਦ੍ਰਿਸ਼ਾ ਵੱਲੋਂ ਐਚਟੀ ਪਾਵਰ ਲਾਇਨ ਜਾਂਚ, ਲਾਰਜ ਸਕੇਲ ਮੈਪਿੰਗ, ਆਪਦਾ ਪ੍ਰਬੰਧਨ, ਟ੍ਰਾਂਸਪੋਰਟ ਪ੍ਰਬੰਧਨ ਨਿਗਰਾਨੀ, ਗੈਰ-ਕਾਨੂੰਨੀ ਮਾਈਨਿੰਗ ਨਿਗਰਾਨੀ ਅਤੇ ਫਸਲ ਸਿਹਤ ਨਿਗਰਾਨੀ ਜਿਹੀ ਗਤੀਵਿਧੀਆਂ ਸੰਚਾਲਿਤ ਕੀਤੀ ਜਾ ਰਹੀਆਂ ਹਨ। ਲਾਰਜ ਸਕੇਲ ਮੈਪਿੰਗ ਪੋ੍ਰਜੈਕਟ ਤਹਿਤ 6100 ਸਕਵੇਅਰ ਕਿਲ੍ਹੋਮੀਟਰ ਤੋਂ ਵੱਧ ਏਰਿਆ ਨੂੰ ਕਵਰ ਕੀਤਾ ਜਾ ਚੁੱਕਾ ਹੈ। ਹੁਣ ਤੱਕ 21 ਐਚਟੀ ਪਾਵਰ ਲਾਇਨਾਂ ਦੇ 680 ਕਿਲ੍ਹੋਮੀਟਰ ਖੇਤਰ ਦੀ ਸਫਲ ਜਾਂਚ ਕੀਤੀ ਗਈ ਹੈ ਅਤੇ ਸਮਾਂ ਰਹਿੰਦੇ ਕਈ ਤਕਨੀਕੀ ਖਾਮਿਆਂ ਦੀ ਪਛਾਣ ਕਰ ਉਨ੍ਹਾਂ ਨੂੰ ਦੂਰ ਕੀਤਾ ਗਿਆ ਹੈ। ਕਿਸਾਨਾਂ ਲਈ ਚਲ ਰਹੇ ਸਿਖਲਾਈ ਪੋ੍ਰਗਰਾਮ ਤਹਿਤ ਹੁਣ ਤੱਕ 135 ਕਿਸਾਨਾਂ ਨੂੰ ਟ੍ਰੇਂਡ ਕੀਤਾ ਜਾ ਚੁੱਕਾ ਹੈ।
ਮੀਟਿੰਗ ਵਿੱਚ ਦੱਸਿਆ ਗਿਆ ਕਿ ਯੂਏਵੀ ਉੜਾਨ ਸਿਖਲਾਈ ਪ੍ਰਦਾਨ ਕਰਨ ਲਈ ਕਰਨਾਲ ਵਿੱਚ ਰਿਮੋਟ ਪਾਇਲਟ ਸਿਖਲਾਈ ਸੰਗਠਨ ਵਿੱਚ ਲਗਭਗ 243 ਉੱਮੀਦਵਾਰਾਂ ਨੂੰ ਟ੍ਰੇਨਿੰਗ ਪ੍ਰਦਾਨ ਕੀਤੀ ਗਈ ਹੈ। ਮਾਲ ਵਿਭਾਗ ਤੋਂ ਇਲਾਵਾ ਸ਼ਹਿਰੀ ਸਥਾਨਕ ਸੰਸਥਾਵਾਂ, ਬਿਜਲੀ, ਆਪਦਾ ਪ੍ਰਬੰਧਨ, ਮਾਈਨਿੰਗ, ਵਨ, ਟ੍ਰਾਂਸਪੋਰਟ, ਨਗਰ ਅਤੇ ਪਿੰਡ ਨਿਯੋਜਨ ਅਤੇ ਖੇਤੀਬਾੜੀ ਜਿਹੇ ਹੋਰ ਵਿਭਾਗਾਂ ਵਿੱਚ ਵੀ ਡੋ੍ਰਨ ਦਾ ਉਪਯੋਗ ਯਕੀਨੀ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਨੇ ਭਵਿੱਖ ਦੀ ਕਾਰਜ ਯੋਜਨਾ ਸਾਂਝਾ ਕਰਦੇ ਹੋਏ ਦੱਸਿਆ ਕਿ ਵੱਖ ਵੱਖ ਵਿਭਾਗਾਂ ਦੀ ਲੋੜਾਂ ਅਨੁਸਾਰ ਡੋ੍ਰਨ ਦਾ ਉਪਯੋਗ ਕਰ ਗੈਰ-ਕਾਨੂੰਨੀ ਮਾਈਨਿੰਗ, ਆਪਦਾ ਪ੍ਰਬੰਧਨ, ਟ੍ਰਾਂਸਪੋਰਟ ਨਿਗਰਾਨੀ ਦੀ ਪਛਾਣ ਜਿਹੀ ਖੇਤਰਾਂ ਵਿੱਚ ਕੰਮ ਨੂੰ ਵਿਸਥਾਰ ਲਗਾਤਾਰ ਦੇਣ ਦੀ ਦ੍ਰਿਸ਼ਾ ਦੀ ਯੋਜਨਾ ਹੈ।
ਮੀਟਿੰਗ ਵਿੱਚ ਮੁੱਖ ਸਕੱਤਰ ਸ੍ਰੀ ਅਨੁਰਾਗ ਰਸਤੋਗੀ, ਮੁੱਖ ਮੰਤਰੀ ਦੇ ਮੁੱਖ ਪ੍ਰਧਾਨ ਸਕੱਤਰ ਸ੍ਰੀ ਰਾਜੇਸ਼ ਖੁੱਲਰ, ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਡਾ. ਰਾਜਾ ਸ਼ੇਖਰ ਵੁੰਡਰੂ, ਨਗਰ ਅਤੇ ਪਿੰਡ ਨਿਯੋਜਨ ਅਤੇ ਸ਼ਹਿਰੀ ਸੰਪਦਾ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਸ੍ਰੀ ਏ.ਕੇ ਸਿੰਘ, ਮੁੱਖ ਮੰਤਰੀ ਦੇ ਪ੍ਰਧਾਨ ਸਕੱਤਰ ਸ੍ਰੀ ਅਰੂਣ ਕੁਮਾਰ ਗੁਪਤਾ, ਸੂਚਨਾ, ਸੰਪਰਕ, ਭਾਸ਼ਾ ਅਤੇ ਸਭਿਆਚਾਰ ਵਿਭਾਗ ਦੇ ਡਾਇਰੈਕਟਰ ਜਨਰਲ ਸ੍ਰੀ ਕੇ. ਮਕਰੰਦ ਪਾੰਡੁਰੰਗ ਅਤੇ ਲੈਫ਼ਟਿਨੇਂਟ ਜਨਰਲ ਗਿਰਿਸ਼ ਕੁਮਾਰ ਸਮੇਤ ਦ੍ਰਿਸ਼ਾ ਦੇ ਵਧੀਕ ਮੈਂਬਰ ਵੀ ਮੌਜ਼ੂਦ ਰਹੇ।