ਸੋਨੀਪਤ : ਪਤਨੀ ਨੇ ਲਿਆ ਫਾਹਾ ਤੇ ਪਤੀ ਨੇ ਖਾਦਾ ਜਹਿਰ

ਬੇਟਾ ਕਰਦਾ ਹੈ ਚੰਡੀਗੜ੍ਹ ਨੌਕਰੀ

ਸੋਨੀਪਤ : ਸੋਨੀਪਤ ਵਿੱਚ ਗੋਹਾਨਾ ਰੋਡ ਸਥਿਤ ਜਨ ਸਿਹਤ ਵਿਭਾਗ ਦੇ ਸਰਕਾਰੀ ਕੁਆਰਟਰ ਵਿੱਚ ਰਹਿ ਰਹੇ ਬੇਲਦਾਰ ਅਤੇ ਉਸਦੀ ਪਤਨੀ ਨੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ ਹੈ। ਬੇਲਦਾਰ ਸਵੇਰੇ ਟਿਊਬਵੈਲ ਚਲਾਉਣ ਗਿਆ ਸੀ ਜਦੋਂ ਉਹ ਵਾਪਸ ਪਰਤਿਆ ਦਾਂ ਉਸਦੀ ਘਰਵਾਲੀ ਨੇ ਫਾਹਾ ਲੈ ਲਿਆ। ਉਸ ਤੋਂ ਬਾਅਦ ਬੇਲਦਾਰ ਨੇ ਜਹਿਰ ਖਾ ਕੇ ਆਪਣੀ ਜਾਨ ਦੇ ਦਿੱਤੀ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਬੇਲਦਾਰ ਦੀ ਪਛਾਣ ਬਲਵੰਤ ਵਜੋਂ ਹੋਈ ਹੈ ਜਿਹੜਾ ਕਿ ਮੂਲ ਰੂਪ ਵਿੱਚ ਉਤਰਾਖੰਡ ਦਾ ਰਹਿਣ ਵਾਲਾ ਸੀ। ਬਲਵੰਤ ਜਨ ਸਿਹਤ ਵਿਭਾਗ ਵਿੱਚ ਬੇਲਦਾਰ ਵਜੋਂ ਤਾਇਨਾਤ ਸੀ ਅਤੇ ਉਸਦੀ ਡਿਊਟੀ ਸਵੇਰੇ ਸ਼ਾਮ ਟਿਊਬਵੈੱਲ ਚਲਾਉਣ ’ਤੇ ਲੱਗੀ ਹੋਈ ਸੀ। ਬਲਵੰਤ ਸਰਕਾਰੀ ਰਿਹਾਇਸ਼ ਵਿੱਚ ਆਪਣੀ ਪਤਨੀ ਜਿਸ ਦਾ ਨਾਮ ਵੀਨਾ ਸੀ ਨਾਲ ਰਹਿ ਰਿਹਾ ਸੀ। ਜਾਣਕਾਰੀ ਅਨੁਸਾਰ ਜਦੋਂ ਉਸਦੀ ਪਤਨੀ ਨੇ ਫਾਹਾ ਲਿਆ ਤਾਂ ਇਸ ਨੂੰ ਦੇਖਦੇ ਹੀ ਬਲਵੰਤ ਨੇ ਵੀ ਜਹਿਰ ਖਾ ਲਿਆ। ਬਲਵੰਤ ਨੂੰ ਨੇੜਲੇ ਲੋਕਾਂ ਦੀ ਸਹਾਇਤਾ ਨਾਲ ਹਸਪਤਾਲ ਲਿਜਾਇਆ ਗਿਆ ਪਰ ਡਾਕਟਰਾਂ ਨੇ ਉਸ ਮ੍ਰਿਤਕ ਐਲਾਨ ਦਿੱਤਾ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਨੇੜਲੇ ਲੋਕਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਬਲਵੰਤ ਦਾ ਬੇਟਾ ਚੰਡੀਗੜ੍ਹ ਵਿੱਚ ਪ੍ਰਾਈਵੇਟ ਨੌਕਰੀ ਕਰਦਾ ਹੈ ਅਤੇ ਉਸਦੀ ਸ਼ਾਦੀਸ਼ੁਦਾ ਧੀ ਕੈਨੇਡਾ ਵਿੱਚ ਰਹਿ ਰਹੀ ਹੈ। ਪੁਲਿਸ ਨੇ ਬਲਵੰਤ ਦੇ ਲੜਕੇ ਨੂੰ ਇਸ ਸਬੰਧੀ ਸੂਚਿਤ ਕਰ ਦਿੱਤਾ ਹੈ।
ਇਹ ਵੀ ਪਤਾ ਲਗਿਆ ਹੈ ਕਿ ਬਲਵੰਤ ਅਤੇ ਵੀਨਾ ਮੂਲ ਰੂਪ ਵਿੱਚ ਤਾਂ ਉਤਰਾਖੰਡ ਦੇ ਜ਼ਿਲ੍ਹਾ ਬਾਗੇਸ਼ਵਰ ਦੇ ਪਿੰਡ ਓਸੀ ਦੇ ਰਹਿਣ ਵਾਲੇ ਸਨ ਪਰ ਪਿਛਲੇ 20 ਸਾਲ ਤੋਂ ਸੋਨੀਪਤ ਵਿੱਚ ਰਹਿ ਰਹੇ ਸਨ।