ਚੋਣਾਂ ਦੇ ਦਿਨ ਸਹਾਇਕ ਸਾਬਤ ਹੋਵੇਗੀ ਵੋਟਰ ਇਨ ਕਿਉ ਐਪ

ਚੰਡੀਗੜ੍ਹ : ਚੋਣ ਕਮਿਸ਼ਨ ਵੱਲੋਂ ਜਾਰੀ ਕੀਤੀ ਗਈ ਵੋਟਰ ਇਨ ਕਿਊ ਐਪ ਰਾਹੀਂ ਚੋਣ ਦੇ ਦਿਨ ਵੋਟ ਕੇਂਦਰਾਂ ’ਤੇ ਲਗਾਉਣ ਵਾਲੀ ਭੀੜ ਦੀ ਜਾਣਕਾਰੀ ਲਈ ਜਾ ਸਕੇਗੀ। ਐਪ ’ਤੇ ਜਾਣਕਾਰੀ ਲੈ ਕੇ ਵੋਟਰ ਆਪਣੀ ਸਹੂਲਤ ਅਨੁਸਾਰ ਵੋਟ ਪਾਉਣ ਜਾ ਸਕਣ। ਅਜਿਹੇ ਵਿਚ ਇਸ ਐਪ ਨਾਲ ਵੋਟਰ ਫ਼ੀ ਸਦੀ ਵਧਾਉਣ ਵਿਚ ਵੀ ਮਦਦ ਮਿਲੇਗੀ। ਕਰਨਾਲ ਦੇ ਜ਼ਿਲ੍ਹਾ ਚੋਣ ਅਧਿਕਾਰੀ ਤੇ ਡਿਪਟੀ ਕਮਿਸ਼ਨਰ ਉੱਤਰ ਸਿੰਘ ਨੇ ਦਸਿਆ ਕਿ ਚੋਣ ਕਮਿਸ਼ਨ ਲੋਕ ਸਭਾ ਚੋਣਾਂ ਦੌਰਾਨ ਵੋਟ ਫ਼ੀ ਸਦੀ ਨੂੰ ਵਧਾਉਣ ਲਈ ਅਹਿਮ ਕਦਮ ਚੁੱਕ ਰਿਹਾ ਹੈ। 25 ਮਈ ਨੂੰ ਹੋਣ ਵਾਲੀ ਲੋਕ ਸਭਾ 2024 ਦੀ ਆਮ ਚੋਣਾਂ ਲਈ ਕਮਿਸ਼ਨ ਵੱਲੋਂ ਮਹੱਤਵਪੂਰਨ ਫ਼ੈਸਲਾ ਲੈਂਦੇ ਹੋਏ ਵੋਟਰ ਇੰਨ ਕਿਊ ਨਾਮਕ ਐਪ ਸ਼ੁਰੂ ਕੀਤੀ ਗਈ ਹੈ। ਇਸ ਨਾਲ ਵੋਟਰ ਚੋਣ ਦੇ ਦਿਨ ਵੋਟਰ ਕੇਂਦਰਾਂ ’ਤੇ ਲਗਾਉਣ ਵਾਲੀ ਭੀੜ ਨੂੰ ਲਾਇਵ ਵੇਖ ਸਕਦੇ ਹਨ, ਜਿਸ ਨਾਲ ਵੋਟਰ ਆਪਣੀ ਸਹੂਲਤ ਅਨੁਸਾਰ ਵੋਟ ਕਰਨ ਲਈ ਕੇਂਦਰ ’ਤੇ ਜਾ ਸਕਦੇ ਹਨ। ਕਈ ਵਾਰ ਵੋਟਰ ਭੀੜ ਨੂੰ ਵੇਖ ਕੇ ਬਗ਼ੈਰ ਵੋਟ ਪਾਏ ਹੀ ਵਾਪਸ ਚਲੇ ਜਾਂਦੇ ਹਨ। ਪਰ ਹੁਣ ਇਸ ਐਪ ਰਾਹੀਂ ਵੋਟ ਕੇਂਦਰਾਂ ਦੀ ਜਾਣਕਾਰੀ ਮਿਲ ਸਕੇਗੀ। ਉਨ੍ਹਾਂ ਦਸਿਆ ਕਿ ਵੋਟ ਇਨ ਕਿਊ ਮੋਬਾਇਲ ਐਪ ਨੂੰ ਭਾਰਤ ਚੋਣ ਕਮਿਸ਼ਨ ਨੇ ਵੀ ਵਰਤੋਂ ਦੇ ਤੌਰ ’ਤੇ ਆਪਣੀ ਪ੍ਰਵਾਨਗੀ ਦਿੱਤੀ ਹੈ। ਮੋਬਾਇਲ ਐਪ ’ਤੇ ਵੋਟਰ ਆਪਣੇ ਇਲਾਕੇ ਦਾ ਨਾਮ, ਪੋਲਿੰਗ ਬੂਥ ਦਾ ਨਾਮ, ਵੋਟਰ ਦਾ ਨਾਮ ਆਦਿ ਫ਼ੀਡ ਕਰੇਗਾ ਤਾਂ ਉਸ ਨੂੰ ਇਕ ਓਟੀਪੀ ਮਿਲੇਗਾ, ਜਿਸ ਦੀ ਵਰਤੋਂ ਕਰ ਕੇ ਉਹ ਬੂਥ ’ਤੇ ਸਿੱਧੇ ਬੀਐਲਓ ਨਾਲ ਜੁੜ ਸਕਦਾ ਹੈ। ਬੀਐਲਓ ਹਰੇਕ ਇਕ ਘੰਟਾ ਜਾਂ ਅੱਧੇ ਘੰਟੇ ਬਾਅਦ ਐਪ ਵਿਚ ਦੱਸੇਗਾ ਕਿ ਇਸ ਸਮੇਂ ਵੋਟ ਪਾਉਣ ਲਈ ਕਿੰਨੇ ਲੋਕ ਲਾਇਨ ਵਿਚ ਖੜ੍ਹੇ ਹਨ। ਡਿਪਟੀ ਕਮਿਸ਼ਨਰ ਨੇ ਦਸਿਆ ਕਿ ਇਸ ਮੋਬਾਇਲ ਐਪ ਅਤੇ ਵੈਬਸਾਇਟ ਦਾ ਪਹਿਲੀ ਵਾਰ ਚੋਣ ਵਿਚ ਵਰਤੋਂ ਕੀਤੀ ਜਾ ਰਹੀ ਹੈ। ਇਸ ਦਾ ਸੱਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਵੋਟਰ ਨੂੰ ਵੋਟ ਪਾਉਣ ਲਈ ਵੱਧ ਸਮੇਂ ਤਕ ਉਡੀਕ ਨਹੀਂ ਕਰਨੀ ਪਏਗੀ ਅਤੇ ਇਹ ਭੀੜ ਘੱਟ ਹੁੰਦੇ ਹੀ ਵੋਟ ਪਾਉਣ ਲਈ ਜਾ ਸਕਦਾ ਹੈ। ਇਹ ਵਰਤੋਂ ਸਫ਼ਲ ਰਹੀ ਤਾਂ ਇਸ ਦੀ ਵਰਤੋਂ ਭਵਿੱਖ ਵਿਚ ਸਾਰੇ ਵਿਧਾਨ ਸਭਾ ਖੇਤਰਾਂ ਵਿਚ ਵੀ ਲਾਗੂ ਕੀਤੀ ਜਾ ਸਕਦਾ ਹੈ। ਜ਼ਿਲ੍ਹਾ ਚੋਣ ਅਧਿਕਾਰੀ ਉੱਤਰ ਸਿੰਘ ਨੇ ਦਸਿਆ ਕਿ ਵੋਟ ਇੰਨ ਕਿਊ ਮੋਬਾਇਲ ਐਪ ਦਾ ਪਹਿਲੀ ਵਾਰ ਚੋਣ ਵਿਚ ਵਰਤੋਂ ਕੀਤੀ ਜਾ ਰਹੀ ਹੈ। ਇਸ ਦਾ ਸੱਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਵੋਟਰ ਨੂੰ ਵੋਟ ਪਾਉਣ ਲਈ ਵੱਧ ਸਮੇਂ ਤਕ ਉਡੀਕ ਨਹੀਂ ਕਰਨੀ ਪਏਗੀ ਅਤੇ ਉਹ ਭੀੜ ਘੱਟ ਹੁੰਦੇ ਹੀ ਵੋਟ ਪਾਉਣ ਲਈ ਜਾ ਸਕਦਾ ਹੈ। ਇਹ ਵਰਤੋਂ ਸਫਲ ਨੂੰ ਭਵਿੱਖ ਵਿਚ ਸਾਰੇ ਵਿਧਾਨ ਸਭਾ ਖੇਤਰਾਂ ਵਿਚ ਵੀ ਲਾਗੂ ਕੀਤੀ ਜਾ ਸਕਦਾ ਹੈ। ਸ਼ੁਰੂਆਤ ਟ੍ਰਾਇਲ ਵੱਜੋਂ ਅਜੇ ਕਰਨਾਲ ਸਮੇਤ ਗੁਰੂਗ੍ਰਾਮ, ਰੋਹਤਕ, ਬਹਾਦੁਰਗੜ੍ਹ, ਕੈਥਲ, ਝੱਜਰ, ਰਿਵਾੜੀ, ਨਾਰਨੌਲ, ਨੂੰਹ, ਪਲਵਲ, ਫਰੀਦਾਬਾਦ, ਬੜਖਲ, ਪੰਚਕੂਲਾ, ਅੰਬਾਲਾ ਕੈਂਟ, ਅੰਬਾਲਾ ਸਿਟੀ, ਯਮੁਨਾਨਗਰ, ਥਾਨੇਸਰ, ਪਾਣੀਪਤ ਅਤੇ ਸੋਨੀਪਤ ਵਿਧਾਨ ਸਭਾ ਹਲਕਿਆਂ ਵਿਚ ਵੋਟਰ ਇੰਨ ਕਿਊ ਐਪ ਨੂੰ ਸ਼ੁਰੂ ਕੀਤਾ ਗਿਆ ਹੈ।