ਐਮ ਐਲ ਏ ਸਰਵਨ ਸਿੰਘ ਨੇ ਪਿੰਡ ਮੁਗਲ ਚੱਕ ਨਵੇਂ ਪੁੱਲ ਦਾ ਰੱਖਿਆ ਨੀਂਹ ਪੱਥਰ

ਖਾਲੜਾ : (Satnam Singh )ਪਿੰਡ ਮੁਗਲ ਚੱਕ ਵਿਖੇ ਮਾਨਯੋਗ ਭਗਵੰਤ ਸਿੰਘ ਮਾਨ ਮੁੱਖ ਮੰਤਰੀ ਪੰਜਾਬ ਦੀ ਯੋਗ ਅਗਵਾਈ ਹੇਠ ਵਿਧਾਇਕ ਸਰਵਨ ਸਿੰਘ ਧੁੰਨ ਹਲਕਾ ਖੇਮਕਰਨ ਨੇ ਹਰੀਕੇ-ਖਾਲੜਾ ਤੇ ਲਿੰਕ ਸੜਕ ਨੂੰ ਸਪੈਸ਼ਲ ਰਿਪੇਅਰ ਅਤੇ ਪੁੱਲ ਨੂੰ ਚੌੜਾ ਕਰਨ ਵਾਸਤੇ ਨੀਂਹ ਪੱਥਰ ਰੱਖਿਆ ਉਦਘਾਟਨ ਕੀਤਾ। ਪਿੰਡ ਵਾਸੀਆਂ ਨੂੰ ਸੰਬੋਧਨ ਕਰਦੇ ਹੋਏ ਸਰਵਨ ਸਿੰਘ ਧੁੰਨ ਨੇ ਕਿਹਾ ਕਿ ਮੁਗਲ ਚੱਕ ਦੇ ਪਿੰਡ ਵਾਸੀਆਂ ਅਤੇ ਨਾਲ ਲੱਗਦੇ ਹੋਰ ਪਿੰਡਾਂ ਨੂੰ ਇਸ ਪੁੱਲ ਦੀ ਬਹੁਤ ਜਰੂਰਤ ਸੀ ਜੋ ਕਿ ਪਿਛਲੇ ਬੜੇ ਹੀ ਲੰਮੇ ਸਮੇਂ ਤੋਂ ਮੰਗ ਕਰ ਰਹੇ ਸਨ। ਪਰ ਕਿਸੇ ਵੀ ਸਰਕਾਰ ਨੇ ਇਹਨਾਂ ਦੀ ਮੰਗ ਪੂਰੀ ਨਹੀਂ ਕੀਤੀ।ਪਰ ਅੱਜ ਆਮ ਪਾਰਟੀ ਦੀ ਸਰਕਾਰ ਨੇ ਇਸ ਪੁੱਲ ਦਾ ਨਾਂ ਨੀਂਹ ਪੱਥਰ ਰੱਖਿਆ। ਜਿਸ ਦੀ ਕੁੱਲ ਲਾਗਤ 80 ਲੱਖ ਰੁਪਏ ਦੇ ਕਰੀਬ ਹੈ ਜਿਸ ਨਾਲ ਪਿੰਡ ਵਾਸੀਆਂ ਨੂੰ ਬਹੁਤ ਸਹੂਲਤ ਹੋਵੇਗੀ ਅਤੇ ਗੁਰਦੁਆਰਾ ਕਿਲ੍ਹਾ ਸਾਹਿਬ ਤੱਕ ਜਾਂਦੀ ਸੜਕ ਨੂੰ ਵੀ ਬਣਾਇਆ ਜਾਏਗਾ। ਅਤੇ ਜਲਦੀ ਹੀ ਬਣ ਕੇ ਤਿਆਰ ਹੋ ਜਾਏਗਾ । ਉਹਨਾਂ ਕਿਹਾ ਕਿ ਆਮ ਪਾਰਟੀ ਤੁਹਾਡੀ ਆਪਣੀ ਪਾਰਟੀ ਹੈ ਹਲਕਾ ਖੇਮਕਰਨ ਹਰ ਤਰ੍ਹਾਂ ਵਿਕਾਸ ਕੀਤਾ ਜਾਏਗਾ। ਅੱਜ ਹਲਕਾ ਖੇਮਕਰਨ ਦੇ ਵਿੱਚ 7 ਕਰੋੜ ਰੁਪਏ ਦੇ ਉਦਘਾਟਨ ਕੀਤੇ ਜਾ ਰਹੇ ਹਨ।ਹਲਕਾ ਖੇਮਕਰਨ ਵਿਕਾਸ ਵਿੱਚ ਸਭ ਤੋਂ ਅੱਗੇ ਹੋਵੇਗਾ। ਇਸ ਮੌਕੇ ਤੇ ਪਿੰਡ ਦੇ ਮੋਹਤਬਾਰਾਂ ਨੇ ਵੀ ਕਿਹਾ ਕਿ ਸਾਡੀ ਇਹ ਬਹੁਤ ਪੁਰਾਣੀ ਮੰਗ ਸੀ ਜੋ ਕਿ ਕਿਸੇ ਵੀ ਸਰਕਾਰ ਨੇ ਪੂਰੀ ਨਹੀਂ ਕੀਤੀ ਅੱਜ ਅਸੀਂ ਬਹੁਤ ਖੁਸ਼ ਹਾਂ ਕਿ ਸਾਡੇ ਪਿੰਡ ਪੁੱਲ ਤੇ ਸੜਕ ਦਾ ਨੀਂਹ ਪੱਥਰ ਰੱਖਿਆ ਗਿਆ ਹੈ। ਅਸੀਂ ਪੰਜਾਬ ਸਰਕਾਰ ਦਾ ਅਤੇ ਸਰਵਨ ਸਿੰਘ ਧੁੰਨ ਦਾ ਬਹੁਤ ਧੰਨਵਾਦ ਕਰਦੇ ਹਾਂ । ਉਸ ਮੌਕੇ ਮੌਕੇ ਦੇ ਮੌਜੂਦਪ੍ਰਧਾਨ ਗੁਰਸ਼ਰਨ ਸਿੰਘ ,ਸਰਪੰਚ ਗੁਰਸੇਵਕ ਸਿੰਘ, ਬਾਬਾ ਕੁਲਦੀਪ ਸਿੰਘ, ਗੁਰਕਰਮ ਸਿੰਘ , ਮਾਸਟਰ ਜਤਿੰਦਰ ਸਿੰਘ ਮੈਂਬਰ ,ਹਰਭਜਨ ਸਿੰਘ ਮੈਂਬਰ ,ਗੁਰਪ੍ਰੀਤ ਸਿੰਘ ,ਫੌਜੀ ਹਰਨਾਮ ਸਿੰਘ ਅਤੇ ਹਰਪਾਲ ਸਿੰਘ ਆਦਿ ਹਾਜ਼ਰ ਸਨ।