ਅਖਿਲ ਭਾਰਤੀਏ ਸਵਰਨਕਾਰ ਸੰਘ ਦੇ ਰਾਸ਼ਟਰੀਏ ਚੀਫ਼ ਸਲਾਹਕਾਰ ਤੇ ਸਵਰਨਕਾਰ ਸਮਾਜ ਪੰਜਾਬ (ਰਜਿ.) ਦੇ ਸੰਸਥਾਪਕ ਅਸ਼ੋਕ ਵਰਮਾ,ਅਖਿਲ ਭਾਰਤੀਏ ਸਵਰਨਕਾਰ ਸੰਘ ਦੇ ਰਾਸ਼ਟਰੀਏ ਸੀਨੀਅਰ ਉਪ ਪ੍ਰਧਾਨ ਪ੍ਰਗਟ ਸਿੰਘ ਧੁੰਨਾ,ਰਾਸ਼ਟਰੀਏ ਖਜ਼ਾਨਚੀ ਰਮੇਸ਼ ਵਰਮਾ ਮੁਕੇਰੀਆਂ,ਚੀਫ਼ ਐਡਵਾਈਜ਼ਰ ਅਤੇ ਪ੍ਰਦੇਸ਼ ਰਾਜਪੂਤ ਸਭਾ ਦੇ ਪ੍ਰਧਾਨ ਸ. ਕੁਲਵੰਤ ਸਿੰਘ ਚੌਹਾਨ,ਪ੍ਰਦੇਸ਼ ਮਹਾਸਚਿਵ ਅੰਮ੍ਰਿਤ ਵਰਮਾ ਅਤੇ ਪ੍ਰਦੇਸ਼ ਦੇ ਚੀਫ਼ ਮੀਡੀਆ ਇੰਚਾਰਜ ਪਵਨ ਵਰਮਾ ਨੇ ਸਾਂਝੇ ਪ੍ਰੈਸ ਬਿਆਨ ਰਾਹੀਂ ਕਿਹਾ ਕਿ ਕੇਂਦਰ ਸਰਕਾਰ ਵੱਲੋਂ ਸੋਨਾ ਨਾ ਖਰੀਦਣ ਅਤੇ ਐਕਸਾਈਜ਼ ਡਿਊਟੀ ਨੂੰ 4 ਫੀਸਦੀ ਤੋਂ ਵਧਾ ਕੇ 15 ਫੀਸਦੀ ਕਰਨ ਦੇ ਫੈਸਲੇ ਦੀ ਦੇਸ਼ ਭਰ ਦਾ ਸਵਰਨਕਾਰ ਸਮਾਜ ਘੋਰ ਨਿੰਦਾ ਕਰਦਾ ਹੈ।

ਅੰਮ੍ਰਿਤਸਰ ਦੇ ਸੁਲਤਾਨ ਵਿੰਡ ਰੋਡ ਵਿਖੇ ਆਲ ਇੰਡੀਆ ਸਵਰਨਕਾਰ ਸਮਾਜ ਅਤੇ ਜਵੈਲਰਜ਼ ਐਸੋਸੀਏਸ਼ਨ ਅੰਮ੍ਰਿਤਸਰ ਵੱਲੋਂ ਇੱਕ ਹੰਗਾਮੀ ਮੀਟਿੰਗ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਜਵੈਲਰ ਭਾਈਚਾਰੇ ਨੂੰ ਆ ਰਹੀਆਂ ਸਮੱਸਿਆਵਾਂ, ਸੁਰੱਖਿਆ ਸੰਬੰਧੀ ਚੁਣੌਤੀਆਂ ਅਤੇ ਕਾਰੋਬਾਰ ਨਾਲ ਜੁੜੇ ਅਹਿਮ ਮਸਲਿਆਂ ‘ਤੇ ਵਿਸਥਾਰ ਨਾਲ ਵਿਚਾਰ-ਵਟਾਂਦਰਾ ਕੀਤਾ ਗਿਆ।