ਸੰਜੇ ਗੋਇਲ ਤੇ ਯੋਗੇਸ਼ ਭਾਜਪਾ ਦੇ ਜ਼ਿਲ੍ਹਾ ਜਨਰਲ ਸਕੱਤਰ ਬਣੇ

ਸੁਨਾਮ : ਭਾਰਤੀ ਜਨਤਾ ਪਾਰਟੀ ਜ਼ਿਲ੍ਹਾ ਸੰਗਰੂਰ -2 ਦੇ ਜ਼ਿਲ੍ਹਾ ਪ੍ਰਧਾਨ ਐਡਵੋਕੇਟ ਅੰਮ੍ਰਿਤਰਾਜਦੀਪ ਸਿੰਘ ਚੱਠਾ ਨੇ ਪਾਰਟੀ ਹਾਈਕਮਾਨ ਨਾਲ ਸਲਾਹ ਮਸ਼ਵਰਾ ਕਰਕੇ ਜ਼ਿਲ੍ਹਾ ਟੀਮ ਦਾ ਐਲਾਨ ਕੀਤਾ ਹੈ। ਜ਼ਿਲ੍ਹਾ ਪ੍ਰਧਾਨ ਚੱਠਾ ਵੱਲੋਂ ਅਹੁਦੇਦਾਰਾਂ ਦੀ ਜਾਰੀ ਕੀਤੀ ਸੂਚੀ ਅਨੁਸਾਰ ਸੰਜੇ ਗੋਇਲ, ਯੋਗੇਸ਼ ਗਰਗ ਅਤੇ ਗੁਰਧਿਆਨ ਸਿੰਘ ਨੂੰ ਜਨਰਲ ਸਕੱਤਰ ਬਣਾਇਆ ਗਿਆ ਹੈ। ਸਰਪੰਚ ਮੁਲਖਾ ਸਿੰਘ, ਸੁਮਨ ਰਾਣੀ, ਡਾਕਟਰ ਰਾਜ ਕੁਮਾਰ ਬਾਂਸਲ, ਵਿਜੇ ਗੋਇਲ, ਹਰਦੀਪ ਸਿੰਘ ਸਿੰਧੜਾਂ, ਜਸਬੀਰ ਸਿੰਘ ਜੱਸੀ, ਸੋਮ ਨਾਥ, ਕ੍ਰਿਸ਼ਨ ਗੋਇਲ ਨੂੰ ਮੀਤ ਪ੍ਰਧਾਨ, ਹਰਬੰਸ ਸਿੰਘ, ਨਵਦੀਪ ਸਿੰਘ, ਅਨੀਤਾ ਸਿੰਗਲਾ, ਦਲਵਿੰਦਰ ਸਿੰਘ ਕਾਹਲ, ਮਹੀਪਾਲ ਗੁਲਾੜੀ, ਪ੍ਰੀਤਮ ਸਿੰਘ ਦਿੜ੍ਹਬਾ, ਸੁਰੇਸ਼ ਰਾਠੀ ਤੇ ਸੰਦੀਪ ਸ਼ਰਮਾ ਨੂੰ ਸੈਕਟਰੀ, ਪ੍ਰਦੀਪ ਬਾਂਸਲ ਰਿੰਕੂ ਨੂੰ ਖ਼ਜ਼ਾਨਚੀ ਅਤੇ ਦਿਨੇਸ਼ ਗਰਗ ਡਿੰਪਾ ਸਹਾਇਕ ਖ਼ਜ਼ਾਨਚੀ, ਪ੍ਰੇਮ ਨਾਇਕ ਨੂੰ ਦਫ਼ਤਰ ਸਕੱਤਰ ਅਤੇ ਸੁਖਵਿੰਦਰ ਸਿੰਘ ਪੱਪੂ ਨੂੰ ਸਹਾਇਕ ਦਫ਼ਤਰ ਸਕੱਤਰ ਬਣਾਇਆ ਗਿਆ ਹੈ। ਐਡਵੋਕੇਟ ਅੰਮ੍ਰਿਤਰਾਜਦੀਪ ਸਿੰਘ ਚੱਠਾ ਅਨੁਸਾਰ ਅਸ਼ੋਕ ਗਰਗ ਚੀਫ਼ ਸਪੋਕਸਮੈਨ, ਪ੍ਰੋਫੈਸਰ ਅਰੁਨਜੀਤ ਸਿੰਘ ਸਰਾਓ, ਬਲਜਿੰਦਰ ਕੌਰ, ਲਵਲੀ ਵਰਮਾ, ਸਬੋਧ ਜੈਨ, ਰਾਣੀ ਕੌਰ, ਰਾਜਿੰਦਰ ਗੋਇਲ, ਸੁਖਚੈਨ ਸਿੰਘ ਨੂੰ ਸਪੋਕਸਮੈਨ ਨਾਮਜ਼ਦ ਕੀਤਾ ਗਿਆ ਹੈ। ਬਲਜੀਤ ਸਿੰਘ ਪ੍ਰੈਸ ਸਕੱਤਰ ਤੇ ਧੀਰਜ ਗੋਇਲ ਨੂੰ ਸਹਾਇਕ ਪ੍ਰੈਸ ਸਕੱਤਰ ਬਣਾਇਆ ਗਿਆ। ਰਜਤ ਸ਼ਰਮਾ ਨੂੰ ਸੋਸ਼ਲ ਮੀਡੀਆ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ, ਟੋਨੀ ਸਿੰਗਲਾ ਆਈ ਟੀ ਇੰਚਾਰਜ਼ ਜਦਕਿ ਅਮਿੱਤ ਕਾਂਸਲ ਮੀਡੀਆ ਇੰਚਾਰਜ ਕਨਵੀਨਰ ਹੋਣਗੇ।