ਸਾਊਦੀ ਅਰਬ : ਸਾਊਦੀ ਅਰਬ ਨੌਂ ਖਿਡਾਰੀਆਂ ਨਾਲ ਖੇਡਦੇ ਹੋਏ ਸਾਊਦੀ ਅਰਬ ਨੇ ਕਿਰਗਿਸਤਾਨ ਨੂੰ 2-0 ਨਾਲ ਹਰਾ ਕੇ ਏਸ਼ੀਆਈ ਕੱਪ ਫ਼ੂਟਬਾਲ ਟੂਰਨਾਮੈਂਟ ਦੇ ਇੱਕ ਮੈਚ ਬਾਕੀ ਰਹਿੰਦਿਆਂ ਨਾਕਆਊਟ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਇੱਥੇ ਅਹਿਮਦ ਬਿਨ ਅਲੀ ਸਟੇਡੀਅਮ ਵਿੱਚ ਸਾਊਦੀ ਅਰਬ ਲਈ ਮੁਹੰਮਦ ਕੋਨੋ ਅਤੇ ਫ਼ੈਜ਼ਲ ਅਲ਼ ਗ਼ਾਮਦੀ ਨੇ ਇੱਕ-ਇੱਕ ਗੋਲ ਕੀਤਾ। ਇਸ ਜਿੱਤ ਨਾਲ ਤਿੰਨ ਵਾਰ ਦਾ ਚੈਂਪੀਅਨ ਸਾਊਦੀ ਅਰਬ ਗਰੁੱਪ ਐਫ਼ ਵਿੱਚ ਸਿਖਰ ਤੇ ਪਹੁੰਚ ਗਿਆ ਹੈ। ਸਾਊਦੀ ਅਰਬ ਦੇ ਦੋ ਮੈਚਾਂ ਵਿੱਚ ਛੇ ਅੰਕ ਹਨ ਅਤੇ ਦੂਜੇ ਸਥਾਨ ’ਤੇ ਕਾਬਜ਼ ਥਾਈਲੈਂਡ ’ਤੇ ਦੋ ਬੜ੍ਹਤ ਹੈ। ਥਾਈਲੈਂਡ ਨੇ ਓਮਾਨ ਨਾਲ ਗੋਲ ਰਹਿਤ ਡਰਾਅ ਖੇਡਿਆ। ਤੀਜੇ ਦਿਨ ’ਤੇ ਕਾਬਜ਼ ਓਮਾਨ ਦਾ ਇੱਕ ਅੰਕ ਹੈ ਜਦਕਿ ਕਿਰਗਿਸਤਾਨ ਦਾ ਅੰਕਾਂ ਦਾ ਖਾਤਾ ਅਜੇ ਨਹੀਂ ਖੁਲਿੱਆ ਹੈ । ਸਾਊਦੀ ਅਰਬ ਦੀ ਰਾਹ ਉਸ ਸਮੇਂ ਆਸਾਨ ਹੋ ਗਈ ਜਦੋਂ ਟੂਰਨਾਮੈਂਟ ’ਚ ਆਪਣੇ ਦੋ ਖਿਡਾਰਿਆਂ ਦੇ ਬਾਹਰ ਹੋਣ ਦਾ ਸਾਹਮਣਾ ਕਰਨਾ ਪਿਆ। ਅਜ਼ਾਰ ਅਖਮਾਤੋਵ ਨੂੰ ਮੈਚ ਦੇ ਅਠਵੇਂ ਮਿੰਟ ‘ਚ ਫ਼ਾਊਲ ਕਰਨ ’ਤੇ ਲਾਲ ਕਾਰਡ ਦਿਖਾਇਆ ਗਿਆ, ਜਦਕਿ ਦੂਜੇ ਹਾਫ ਦੀ ਸ਼ੁਰੂਆਤ ’ਚ ਕਿਮੀ ਮਰਕ ਨੂੰ ਲਾਲ ਕਾਰਡ ਦਿਖਾਇਆ ਗਿਆ।