ਪਟਿਆਲਾ -: ਵਿਸ਼ਵ ਜਾਗਿ੍ਤੀ ਮਿਸ਼ਨ ਦੇ ਪਟਿਆਲਾ ਮੰਡਲ ਦੀ ਸਰਪ੍ਰਸਤੀ ਹੇਠ ਵੀਰ ਹਕੀਕਤ ਰਾਏ ਗਰਾਊਂਡ ਵਿਖੇ ਚਾਰ ਰੋਜ਼ਾ ਵਿਸ਼ਾਲ ਭਗਤੀ ਸਤਿਸੰਗ ਦੇ ਪੰਜਵੇਂ ਸਤ੍ ਦੀ ਸ਼ੁਰੂਆਤ ਸੁਰੀਲੇ ਭਜਨਾਂ ਨਾਲ ਹੋਈ। 'ਤੇਰਾ ਕਿਸਨੇ ਕਿਆ ਸਿੰਗਾਰ ਸੰਵਾਰੇ' ਦੇ ਭਜਨ 'ਤੇ ਹਾਜ਼ਰ ਸੰਗਤਾਂ ਭਾਵੁਕ ਹੋ ਗਈਆਂ।
ਇਸ ਸਮਾਗਮ 'ਚ ਗੁਰੂਦੇਵ ਸ੍ਰੀ ਸੁਧਾਂਸ਼ੂ ਜੀ ਮਹਾਰਾਜ ਦਾ ਮੰਚ 'ਤੇ ਪਟਿਆਲਾ ਤੋਂ ਸੰਸਦ ਮੈਂਬਰ ਪ੍ਰਨੀਤ ਕੌਰ ਨੇ ਹਾਰ ਭੇਟ ਕਰਕੇ ਸਵਾਗਤ ਕੀਤਾ ਅਤੇ ਆਸ਼ੀਰਵਾਦ ਲਿਆ। ਇਨਾਂ੍ਹ ਦੇ ਨਾਲ ਸੰਜੀਵ ਗਰਗ ਸਾਬਕਾ ਸੂਚਨਾ ਕਮਿਸ਼ਨਰ, ਕੇ.ਕੇ. ਸ਼ਰਮਾ ਸਾਬਕਾ ਚੇਅਰਮੈਨ, ਕੇ.ਕੇ ਮਲਹੋਤਰਾ ਜ਼ਿਲ੍ਹਾ ਪ੍ਰਧਾਨ ਭਾਜਪਾ, ਸਚਿਨ ਸ਼ਰਮਾ ਨੇ ਵੀ ਗੁਰੂਵਰ ਤੋਂ ਆਸ਼ੀਰਵਾਦ ਲਿਆ।
ਸਤਿਸੰਗ ਦੇ ਛੇਂਵੇਂ ਸਤ੍ ਮੌਕੇ ਪੰਜਾਬ ਸਰਕਾਰ ਦੇ ਸਿਹਤ ਮੰਤਰੀ ਡਾ. ਬਲਬੀਰ ਸਿੰਘ, ਮੁੱਖ ਮੰਤਰੀ ਪੰਜਾਬ ਦੇ ਮੀਡੀਆ ਸਲਾਹਕਾਰ ਬਲਤੇਜ ਪੰਨੂ ਅਤੇ ਸੁਰਜੀਤ ਸਿੰਘ ਅਬਲੋਵਾਲ ਸਾਬਕਾ ਚੇਅਰਮੈਨ ਹਾਜ਼ਰ ਸਨ ਅਤੇ ਉਨਾਂ੍ਹ ਨੇ ਮਹਾਰਾਜ ਸ੍ਰੀ ਨੂੰ ਹਾਰ ਪਹਿਨਾਏ ਅਤੇ ਉਨਾਂ੍ਹ ਤੋਂ ਆਸ਼ੀਰਵਾਦ ਲਿਆ। ਵਿਆਸਪੂਜਾ ਲਈ ਸਤੀਸ਼ ਸ਼ਰਮਾ, ਆਰ .ਜੀ. ਵਰਮਾ, ਰਵਿੰਦਰ ਵਰਮਾ ਤੇ ਬੀ.ਐਮ ਚੱਢਾ ਵਿਆਸਪੂਜਨ ਲਈ ਸਟੇਜ 'ਤੇ ਮੌਜੂਦ ਸਨ। .