ਬਾਬੇ ਨਾਨਕ ਦੇ ਵਿਆਹ ਪੁਰਬ 'ਤੇ ਦੁਕਾਨਾਂ ਵਾਲਿਆਂ ਨੇ ਠੇਕੇਦਾਰ ਖਿਲਾਫ ਕੀਤੀ ਨਾਅਰੇਬਾਜ਼ੀ

ਪਹਿਲੀ ਪਾਤਸ਼ਾਹੀ ਧੰਨ ਧੰਨ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਵਿਆਹ ਪੂਰਵ ਬੜੇ ਹੀ ਉਤਸ਼ਾਹ ਅਤੇ ਸ਼ਰਧਾ ਨਾਲ ਬਟਾਲੇ ਦੀ ਧਰਤੀ ਤੇ ਮਨਾਇਆ ਜਾਂਦਾ ਹੈ ਅਤੇ ਇਸ ਵਿਆਹ ਪੂਰਵ ਤੇ ਦੇਸ਼ਾਂ ਵਿਦੇਸ਼ਾਂ ਤੋਂ ਸੰਗਤਾਂ ਆਉਂਦੀਆਂ ਹਨ ਅਤੇ ਸੰਗਤਾਂ ਦੇ ਮਨੋਰੰਜਨ ਲਈ ਝੂਲੇ ਅਤੇ ਖ਼ਰੀਦਦਾਰੀ ਲਈ ਬਾਜ਼ਾਰ ਸੱਜਦੇ ਹਨ ਅਤੇ ਇਹਨਾਂ ਦੁਕਾਨਾਂ ਨੂੰ ਸ਼ਹਿਰ ਦੇ ਵੱਖ ਵੱਖ ਥਾਵਾਂ ਤੇ ਪ੍ਰਸ਼ਾਸ਼ਨ ਵੱਲੋਂ ਠੇਕੇ ਤੇ ਜਗ੍ਹਾ ਦਿੱਤੀ ਜਾਂਦੀ ਹੈ। ਜਿਸਦਾ ਪਿਛਲੀ ਵਾਰ ਕਰੀਬ 11 ਲੱਖ ਦਾ ਠੇਕਾ ਦਿੱਤਾ ਗਿਆ ਸੀ ਪਰ ਇਸ ਵਾਰ 3 ਗੁਣਾ ਤੋਂ ਵੱਧ 36 ਲੱਖ ਰੁਪਏ ਠੇਕਾ ਦਿੱਤਾ ਗਿਆ ਜਿਥੇ ਠੇਕੇਦਾਰ ਅਤੇ ਦੁਕਾਨਾਂ ਵਾਲੇ ਖੱਜਲ ਖੁਆਰ ਹੋ ਰਹੇ ਹਨ ‌ਉਥੇ ਹੀ ਪ੍ਰਸ਼ਾਸ਼ਨ ਆਪਣੀ ਜਿੰਮੇਵਾਰੀ ਤੋਂ ਭੱਜਦਾ ਨਜ਼ਰ ਆ ਰਿਹਾ ਹੈ। ਜਿਸਦੇ ਰੋਸ਼ ਵਜੋਂ ਦੁਕਾਨਾਂ ਵਾਲਿਆਂ ਨੇ ਠੇਕੇਦਾਰ ਦੇ ਖਿਲਾਫ ਅਤੇ ਪ੍ਰਸ਼ਾਸਨ ਖਿਲਾਫ ਜਮਕੇ ਨਾਰੇਬਾਜੀ ਕੀਤੀ |

ਜਾਣਕਾਰੀ ਦਿੰਦਿਆਂ ਫੜੀਆਂ ਵਾਲਿਆਂ ਨੇ ਕਿਹਾ ਕਿ ਅਸੀਂ ਹਰ ਸਾਲ ਬਾਬੇ ਨਾਨਕ ਦੇ ਵਿਆਹ ਪੂਰਵ ਤੇ 20 ਸਾਲ ਤੋਂ ਸ਼ਾਸਤਰੀ ਨਗਰ ਵਿੱਖੇ ਫੜੀਆਂ ਲਾਉਂਦੇ ਹਾਂ। ਪਿਛਲੇ ਸਾਲ 400 ਰੁਪਏ ਫੁੱਟ ਨਾਲ ਪ੍ਰਸ਼ਾਸ਼ਨ ਨੂੰ ਪੈਸੇ ਦਿੱਤੇ ਸਨ ਇਸ ਵਾਰ ਸ਼ਾਸਤਰੀ ਨਗਰ ਦਾ ਵੀ ਠੇਕਾ ਠੇਕੇਦਾਰ ਨੂੰ ਦਿੱਤਾ ਗਿਆ ਜੋ ਸਾਡੇ ਕੋਲੋਂ 1200 ਰੁਪਏ ਫੁੱਟ ਨਾਲ ਪੈਸੇ ਮੰਗ ਰਿਹਾ ਹੈ।ਜੋ ਅਸੀ ਨਹੀਂ ਦੇ ਸਕਦੇ ।ਇਸੇ ਮਸਲੇ ਨੂੰ ਲੈਕੇ ਨਗਰ ਨਿਗਮ ਬਟਾਲਾ ਦੇ ਕਮਿਸ਼ਨਰ ਨਾਲ ਵੀ ਗੱਲ ਕੀਤੀ ਗਈ ਜਿਹ੍ਹਨਾਂ ਨੇ 600 ਰੁਪਏ ਨਾਲ ਪੈਸੇ ਦੇਣ ਲਈ ਕਿਹਾ ਪਰ ਠੇਕੇਦਾਰ ਗੁੰਡਾਗਰਦੀ ਕਰ ਰਿਹਾ ਹੈ।ਉਸ ਵਲੋਂ ਕਿਹਾ ਜਾ ਰਿਹਾ ਹੈ 1200 ਰੁਪਏ ਨਾਲ ਹੀ ਪੈਸੇ ਜਮਾਂ ਕਰਵਾਉਣੇ ਪੈਣਗੇ |

ਦੂਜੇ ਪਾਸੇ ਠੇਕੇਦਾਰਾਂ ਵਲੋਂ ਕਿਹਾ ਗਿਆ ਕਿ ਅਸੀ ਪੰਜਾਬ ਵਿੱਚ ਮੇਲਿਆਂ ਤੇ ਠੇਕੇ ਲੈਂਦੇ ਹਾਂ ਅਤੇ ਪਹਿਲੀ ਵਾਰ ਬਟਾਲੇ ਧੰਨ ਧੰਨ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਵਿਆਹ ਪੂਰਵ ਤੇ 36 ਲੱਖ ਰੁਪਏ ਬੋਲੀ ਦੇਕੇ ਠੇਕਾ ਲਿਆ ਹੈ ਪਰ ਸ਼ਾਸਤਰੀ ਨਗਰ ਇਲਾਕੇ ਵਿੱਚ ਫੜੀਆਂ ਵਾਲੇ ਸਾਡੇ ਠੇਕਾ ਲੈਣ ਤੋਂ ਪਹਿਲਾਂ ਦੇ ਉਥੇ ਬੈਠੇ ਹੋਏ ਸਨ। ਆਪਣੀਆਂ ਫੜੀਆਂ ਲਗਾਕੇ ਜੋ ਕਿ ਪ੍ਰਸ਼ਾਸ਼ਨ ਨੇ ਠੇਕਾ ਦੇਣ ਤੋਂ ਪਹਿਲਾਂ ਕਿਹਾ ਸੀ ਉਹ ਜਗ੍ਹਾ ਖਾਲੀ ਕਰਵਾਕੇ ਦਿੱਤੀ ਜਾਵੇਗੀ ਪਰ ਪ੍ਰਸ਼ਾਸ਼ਨ ਵੱਲੋਂ ਕਿਸੇ ਵੀ ਤਰ੍ਹਾਂ ਨਾਲ ਸਹਿਜੋਗ ਨਹੀਂ ਕੀਤਾ ਜਾ ਰਿਹਾ ਸਿਰਫ ਖੱਜਲ ਖੁਆਰੀ ਹੀ ਕੀਤੀ ਜਾ ਰਹੀ ਹੈ | ਉਹਨਾਂ ਕਿਹਾ ਅਸੀਂ 20 ਲੱਖ ਰੁਪਏ ਵੀ ਜਮਾਂ ਕਰਵਾ ਦਿੱਤੇ ਹਨ ਜਾਂ ਤਾਂ ਪ੍ਰਸ਼ਾਸਨ ਸਾਡੇ ਪੈਸੇ ਵਾਪਿਸ ਕਰੇ ਜਾਂ ਫਿਰ ਜਗ੍ਹਾ ਖਾਲੀ ਕਰਵਾਕੇ ਦਵੇ ਅਸੀ ਉਸ ਵੈਲੇ 36 ਲੱਖ ਦਾ ਠੇਕਾ ਤਾਂ ਭਰਿਆ ਸੀ ਕਿਉਂਕਿ 60 ਦੁਕਾਨਾਂ ਸਾਡੀਆਂ ਆਪਣੀਆਂ ਹਨ ਜੋ ਕਿ ਸਾਰੇ ਦੁਕਾਨਦਾਰਾਂ ਨੇ ਮਿਲਕੇ ਪ੍ਰਸ਼ਾਸ਼ਨ ਨੂੰ ਪੈਸੇ ਦਿੱਤੇ ਸਨ |

ਨਗਰ ਨਿਗਮ ਬਟਾਲਾ ਦੇ ਕਮਿਸ਼ਨਰ ਨੇ ਕਿਹਾ ਇਸ ਵਾਰ ਬਾਬੇ ਦੇ ਵਿਆਹ ਪੂਰਵ ਤੇ ਤਹਿ ਬਾਜ਼ਾਰੀ ਦਾ ਠੇਕਾ 36 ਲੱਖ ਦਾ ਗਿਆ ਹੈ ਪਿਛਲੀ ਵਾਰ ਇਹ ਠੇਕਾ 11 ਲੱਖ ਦਾ ਸੀ ।ਠੇਕੇਦਾਰ ਅਤੇ ਫੜੀਆਂ ਵਾਲੇ ਦਾ ਆਪਸੀ ਮਸਲੇ ਨੂੰ ਜਲਦੀ ਹੱਲ ਕੀਤਾ ਜਾਵੇਗਾ ਕਿਉਂਕਿ ਨਗਰ ਨਿਗਮ ਬਟਾਲਾ ਦੇ ਕਰਮਚਾਰੀਆਂ ਦੀ ਤਿੰਨ ਮੈਂਬਰੀ ਕਮੇਟੀ ਬਣਾ ਦਿੱਤੀ ਗਈ ਹੈ ਤਾਂ ਜੋ ਕਿਸੇ ਨਾਲ ਵੀ ਨਿਜਾਇਜ ਨਾ ਹੋਵੇ ਚਾਹੇ ਉਹ ਫੜੀ ਵਾਲਾ ਹੈ ਜਾ ਫਿਰ ਠੇਕੇਦਾਰ | ਉਹਨਾਂ ਕਿਹਾ ਠੇਕੇਦਾਰ ਨੇ ਵੀ ਨਗਰ ਨਿਗਮ ਬਟਾਲਾ ਨੂੰ ਪੈਸੇ ਜਮਾਂ ਕਰਵਾਏ ਹਨ |