ਕੋਈ ਸਮਾਂ ਸੀ ਜਦੋਂ ਸਟੀਲ ਜਾਂ ਕੱਚ ਦੇ ਗਲਾਸਾਂ ਵਿੱਚ ਪਾਣੀ ਪੀਤਾ ਜਾਂਦਾ ਸੀ ਪਰ ਹੌਲੀ-ਹੌਲੀ ਇਹ ਰੁਝਾਨ ਬਦਲ ਗਿਆ ਅਤੇ ਹੁਣ ਕੱਚ ਦੇ ਗਲਾਸਾਂ ਦੀ ਥਾਂ ਡਿਸਪੋਜ਼ੇਬਲ ਕੱਪਾਂ ਨੇ ਲੈ ਲਈ ਹੈ। ਲੋਕਾਂ ਨੇ ਹੁਣ ਡਿਸਪੋਜ਼ੇਬਲ ਕੱਪਾਂ ਵਿੱਚ ਵੀ ਪਾਣੀ ਪੀਣਾ ਸ਼ੁਰੂ ਕਰ ਦਿੱਤਾ ਹੈ। ਦਫਤਰ ਵਿਚ ਇਹ ਰੁਝਾਨ ਕਾਫੀ ਵਧ ਗਿਆ ਹੈ। ਕਈ ਵੱਡੇ ਰੈਸਟੋਰੈਂਟਾਂ ਵਿੱਚ ਇਹ ਇਨ੍ਹਾਂ ਕੱਪਾਂ ਵਿੱਚ ਹੀ ਪਰੋਸਿਆ ਜਾਂਦਾ ਹੈ। ਚਾਹ ਵੀ ਇਸੇ ਤਰ੍ਹਾਂ ਦੇ ਕੱਪ ਵਿੱਚ ਹੀ ਪੀਤੀ ਜਾਂਦੀ ਹੈ।
ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਡਿਸਪੋਜ਼ੇਬਲ ਕੱਪ ਦੀ ਵਰਤੋਂ ਕਰਨ ਨਾਲ ਤੁਹਾਡੀ ਸਿਹਤ ‘ਤੇ ਬੁਰਾ ਅਸਰ ਪੈ ਰਿਹਾ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਇਸ ਪੇਪਰ ਕੱਪ ਨੂੰ ਬਣਾਉਣ ਲਈ ਪਲਾਸਟਿਕ ਅਤੇ ਕੈਮੀਕਲ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਲੰਬੇ ਸਮੇਂ ਤੱਕ ਇਨ੍ਹਾਂ ਦੀ ਵਰਤੋਂ ਕਰਨਾ ਕੈਂਸਰ ਨੂੰ ਸੱਦਾ ਦੇ ਸਕਦਾ ਹੈ।
ਡਾਕਟਰਾਂ ਮੁਤਾਬਕ ਡਿਸਪੋਜ਼ੇਬਲ ਕੱਪਾਂ ਵਿੱਚ ਬਿਸਫੇਨੌਲ ਅਤੇ ਬੀਪੀਏ ਕੈਮੀਕਲ ਮੌਜੂਦ ਹੁੰਦੇ ਹਨ। ਜਦੋਂ ਲੋਕ ਇਨ੍ਹਾਂ ਕੱਪਾਂ ‘ਚ ਚਾਹ ਜਾਂ ਗਰਮ ਪਾਣੀ ਪੀਂਦੇ ਹਨ ਤਾਂ ਕੱਪ ‘ਚ ਮੌਜੂਦ ਕੈਮੀਕਲ ਉਨ੍ਹਾਂ ‘ਚ ਘੁਲਣ ਲੱਗਦੇ ਹਨ। ਜਦੋਂ ਅਸੀਂ ਚਾਹ ਜਾਂ ਪਾਣੀ ਪੀਂਦੇ ਹਾਂ ਤਾਂ ਇਹ ਕੈਮੀਕਲ ਪੇਟ ਵਿਚ ਦਾਖਲ ਹੋ ਕੇ ਕੈਂਸਰ ਦਾ ਕਾਰਨ ਬਣਦੇ ਹਨ।
ਕੈਂਸਰ ਸਰਜਨ ਡਾ. ਅੰਸ਼ੁਮਨ ਕੁਮਾਰ ਦੱਸਦੇ ਹਨ ਕਿ ਡਿਸਪੋਜ਼ੇਬਲ ਕੱਪ ਵਿੱਚ ਚਾਹ ਅਤੇ ਗਰਮ ਪਾਣੀ ਪੀਣ ਨਾਲ ਬਹੁਤ ਨੁਕਸਾਨ ਹੁੰਦਾ ਹੈ। ਲੋਕ ਸੋਚਦੇ ਹਨ ਕਿ ਇਨ੍ਹਾਂ ਦੀ ਵਰਤੋਂ ਨਾਲ ਕੋਈ ਖਤਰਾ ਨਹੀਂ ਹੈ, ਜਦਕਿ ਅਜਿਹਾ ਨਹੀਂ ਹੈ। ਇਨ੍ਹਾਂ ਕੱਪਾਂ ਨੂੰ ਤਿਆਰ ਕਰਨ ਵਿੱਚ ਬੀਪੀਏ ਕੈਮੀਕਲ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਹ ਇੱਕ ਖਤਰਨਾਕ ਕੈਮੀਕਲ ਹੈ।