ਇਸ ਹਫ਼ਤੇ ਬਾਜ਼ਾਰ ਵਿਚ ਖੁੱਲਣਗੇ ਚਾਰ ਕੰਪਨੀਆਂ ਦੇ ਆਈਪੀਓ

ਆਉਣ ਹਫ਼ਤੇ ਵਿੱਚ ਚਾਰ ਕੰਪਨੀਆਂ ਦੇ ਆਈ ਪੀ ਓ ਸਬਸਕ੍ਰਿਪਸ਼ਨ ਲਈ ਖੁੱਲ੍ਹਣ ਜਾ ਰਹੇ ਹਨ। ਸ਼ੇਅਰ ਬਾਜ਼ਾਰ ਵਿਚ ਪੈਸਾ ਲਾਉਣ ਵਾਲਿਆਂ ਲਈ ਤਾਂ ਇਹ ਬਹੁਤ ਹੀ ਖ਼ੁਸ਼ੀ ਵਾਲੀ ਖ਼ਬਰ ਹੈ। ਇਸ ਤੋਂ ਇਲਾਵਾ ਜਿਹੜੇ ਹਾਲੇ ਸ਼ੇਅਰ ਬਾਜ਼ਾਰ ਵਿਚ ਪੈਸਾ ਲਗਾਉਣ ਦਾ ਵਿਚਾਰ ਕਰ ਰਹੇ ਹਨ ਉਨ੍ਹਾਂ ਲਈ ਇਹ ਬਹੁਤ ਹੀ ਵਧੀਆ ਮੌਕਾ ਹੈ। ਪਹਿਲਾਂ ਵੀ ਕਈ ਕੰਪਨੀਆਂ ਦੇ ਆਈ ਪੀ ਓ ਖੁੱਲ੍ਹ ਚੁੱਕੇ ਹਨ ਅਤੇ ਪੈਸਾ ਲਗਾਉਣ ਵਾਲਿਆਂ ਨੂੰ ਬਹੁਤ ਵਧੀਆ ਕਮਾਈ ਵੀ ਕੀਤੀ ਹੈ ਪਰ ਇਹ ਵੀ ਯਾਦ ਰੱਖਣਾ ਪੈਣਾ ਕਈ ਨੁਕਸਾਨ ਵੀ ਹੋਇਆ ਹੈ। ਦੱਸਣਯੋਗ ਹੈ ਕਿ ਇਸ ਹਫ਼ਤੇ ਰਿਸ਼ਭ ਇੰਸਟਰੂਮੈਂਟਸ, ਮੋਨੋ ਫ਼ਾਰਮਾਕੇਅਰ, ਸੀਪੀਐਸ ਸ਼ੇਪਰਸ ਅਤੇ ਬੇਸਿਲਿਕ ਫ਼ਲਾਈ ਸਟੂਡੀਓ ਦੇ ਆਈਪੀਓ ਇਸ ਹਫ਼ਤੇ ਖੁੱਲ੍ਰਣਗੇ।
ਜੇਕਰ ਮੋਨੋ ਫ਼ਾਰਮਾਕੇਅਰ ਦੇ ਆਈ ਪੀ ਓ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਦੇ ਆਈ ਪੀ ਓ ਅੱਜ ਖੁੱਲਿ੍ਹਆ ਹੈ ਅਤੇ ਪੈਸਾ ਲਗਾਉਣ ਦਾ ਚਾਹਵਾਨ ਇਸ ਵਿੱਚ 30 ਅਗੱਸਤ ਤੱਕ ਨਿਵੇਸ਼ ਕਰ ਸਕਦੇ ਹਨ। ਇਨ੍ਹਾਂ ਸ਼ੇਅਰਾਂ ਦੀ ਕੀਮਤ 26-28 ਰੁਪਏ ਪ੍ਰਤੀ ਸ਼ੇਅਰ ਰੱਖੀ ਗਈ ਹੈ। ਇਸ ਤੋਂ ਇਲਾਵਾ 185 ਰੁਪਏ ਦੀ ਕੀਮਤ ਨਾਲ ਮਾਰਕੀਟ ਵਿਚ ਲਾਂਚ ਹੋਣ ਵਾਲਾ ਆਈਪੀਓ ਸੀ ਪੀ ਐਸ ਸ਼ੇਪਰਸ ਦਾ ਹੋਵੇਗਾ ਅਤੇ ਇਹ ਭਲਕੇ ਸਟਾਕ ਮਾਰਕੀਟ ਵਿਚ ਖੁੱਲ੍ਹੇਗਾ ਅਤੇ ਇਸ ਵਿਚ 31 ਅਗੱਸਤ ਤੱਕ ਨਿਵੇਸ਼ ਕੀਤਾ ਜਾ ਸਕੇਗਾ। ਰਿਸ਼ਭ ਇੰਸਟਰੂਮੈਂਟਸ ਦੇ ਆਈ ਪੀ ਓ ਦੀ ਕੀਮਤ 418-441 ਰੁਪਏ ਹੈ ਅਤੇ ਇਹ 30 ਸਤੰਬਰ ਨੂੰ ਖ਼ਰੀਦਦਾਰੀ ਲਈ ਖੁੱਲ੍ਹੇਗਾ ਅਤੇ ਨਿਵੇਸ਼ਕ 1 ਸਤੰਬਰ ਤੱਕ ਇਸ ਵਿਚ ਦਿਲਚਸਪੀ ਵਿਖਾ ਸਕਦੇ ਹਨ। ਬੇਸਿਲਿਕ ਫ਼ਲਾਈ ਸਟੂਡੀਓ ਦੇ ਆਈ ਪੀ ਓ 1 ਸਤੰਬਰ ਤੱਕ ਖੁੱਲ੍ਹਣਗੇ ਪਰ ਇਨ੍ਹਾਂ ਦੀ ਹਾਲੇ ਤੱਕ ਕੀਮਤ ਨਹੀਂ ਐਲਾਨੀ ਗਈ।