ਮੋਗਾ: ਅੱਜ ਨਗਰ ਨਿਗਮ ਮੋਗਾ ਵਿਖੇ ਨਿਗਮ ਦੀਆਂ ਵੱਖ-ਵੱਖ ਯੂਨੀਅਨਾਂ ਵੱਲੋਂ ਇੱਕ ਦਿਨ ਦੀ ਕਲਮ ਛੌੜ ਹੜਤਾਲ ਦਾ ਸਮਰਥਨ ਕੀਤਾ ਗਿਆ। ਦਫ਼ਤਰੀ ਕਰਮਚਾਰੀ ਯੂਨੀਅਨਾ ਦੇ ਪ੍ਰਧਾਨ ਸੁਖਪਾਲ ਸੋਦਾ ਵੱਲੋ ਦੱਸੇ ਅਨੁਸਾਰ ਪੰਜਾਬ ਭਰ ਵਿੱਚ 7 ਲੱਖ ਤੋਂ ਵੱਧ ਸਰਕਾਰੀ ਮੁਲਾਜ਼ਮ ਅਤੇ ਪੈਨਸ਼ਨਰ ਆਪਣੀਆਂ ਲੰਬਿਤ ਵਿੱਤੀ ਅਤੇ ਸੇਵਾ-ਸਬੰਧੀ ਮੰਗਾਂ ਨੂੰ ਮਨਵਾਉਣ ਲਈ ਮਿਤੀ 27/08/2026 ਨੂੰ ਰਾਜ-ਪੱਧਰੀ "ਮਹਾਂ ਹੜਤਾਲ" ਕਰਨ ਦਾ ਐਲਾਨ ਕੀਤਾ ਗਿਆ ਸੀ। ਰੱਖੜੀ ਦੇ ਤਿਉਹਾਰ ਨੂੰ ਦੇਖਦੇ ਹੋਏ ਇਸ ਮਹਾਂ ਹੜਤਾਲ ਦੋਰਾਨ ਆਮ ਜਨ-ਜੀਵਨ ਪ੍ਰਭਾਵਿਤ ਨਹੀਂ ਹੋਵੇਗਾ, ਸੜਕਾਂ ਜਾਮ ਨਹੀਂ ਕੀਤੀਆਂ ਜਾਣਗੀਆਂ ਅਤੇ ਨਿੱਜੀ ਕਾਰੋਬਾਰ ਆਮ ਵਾਂਗ ਚੱਲਣਗੇ। ਇੱਥੋਂ ਤੱਕ ਕਿ PRTC ਦੀਆਂ ਬੱਸਾਂ ਵੀ ਆਮ ਵਾਂਗ ਚੱਲਣਗੀਆਂ, ਸਿਰਫ ਸਰਕਾਰੀ ਦਫ਼ਤਰ ਕੰਮ ਨਹੀਂ ਕਰਨਗੇ।