ਲੁਧਿਆਣਾ : "ਏਬੀਓ-ਇਨਕੰਪੈਟੀਬਲ (ਵੱਖ-ਵੱਖ ਬਲੱਡ ਗਰੁੱਪ ) ਕਿਡਨੀ ਟ੍ਰਾਂਸਪਲਾਂਟੇਸ਼ਨ ਐਂਡ-ਸਟੇਜ ਕਿਡਨੀ ਰੋਗ ਤੋਂ ਪੀੜਤ ਮਰੀਜ਼ਾਂ ਦੇ ਇਲਾਜ ਦੀ ਤਸਵੀਰ ਬਦਲ ਰਿਹਾ ਹੈ। ਇਸ ਤਕਨੀਕ ਨਾਲ ਟ੍ਰਾਂਸਪਲਾਂਟ ਕਰਵਾਉਣ ਵਾਲੇ ਮਰੀਜ਼ ਬਿਹਤਰੀਨ ਕਿਡਨੀ ਫੰਕਸ਼ਨ ਦੇ ਨਾਲ ਸਿਹਤਮੰਦ ਅਤੇ ਸਰਗਰਮ ਜੀਵਨ ਜੀ ਰਹੇ ਹਨ।" ਵੀਰਵਾਰ ਨੂੰ ਲੁਧਿਆਣਾ ਵਿੱਚ ਇੱਕ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਲਿਵਾਸਾ ਹਸਪਤਾਲ, ਮੋਹਾਲੀ ਦੀ ਸੀਨੀਅਰ ਡਾਇਰੈਕਟਰ- ਨੇਫ੍ਰੋਲਾਜੀ, ਡਾ. ਰਾਕਾ ਕੌਸ਼ਲ ਨੇ ਕਿਹਾ ਕਿ ਐਂਡ-ਸਟੇਜ ਕਿਡਨੀ ਰੋਗ, ਕ੍ਰੋਨਿਕ ਕਿਡਨੀ ਡਿਜ਼ੀਜ਼ ਦਾ ਆਖਰੀ ਪੜਾਅ ਹੁੰਦਾ ਹੈ, ਜਿਸ ਵਿੱਚ ਗੁਰਦੇ ਸਰੀਰ ਵਿੱਚੋਂ ਫਾਲਤੂ ਪਦਾਰਥਾਂ ਅਤੇ ਵਾਧੂ ਤਰਲ પਦਾਰਥਾਂ ਨੂੰ ਬਾਹਰ ਕੱਢਣ ਦੀ ਆਪਣੀ ਸਮਰੱਥਾ ਪੂਰੀ ਤਰ੍ਹਾਂ ਗੁਆ ਦਿੰਦੇ ਹਨ। ਸੀਨੀਅਰ ਡਾਇਰੈਕਟਰ-ਯੂਰੋਲਾਜੀ ਐਂਡ ਕਿਡਨੀ ਟ੍ਰਾਂਸਪਲਾਂਟ, ਡਾ. ਅਵਿਨਾਸ਼ ਸ਼੍ਰੀਵਾਸਤਵ ਨੇ ਕਿਹਾ ਕਿ ਏਬੀਓ-ਇਨਕੰਪੈਟੀਬਲ ਕਿਡਨੀ ਟ੍ਰਾਂਸਪਲਾਂਟੇਸ਼ਨ ਰਾਹੀਂ ਡੋਨਰ ਅਤੇ ਰਿਸੀਪੈਂਟ ਦਾ ਬਲੱਡ ਗਰੁੱਪ ਵੱਖ-ਵੱਖ ਹੋਣ 'ਤੇ ਵੀ ਸਫਲ ਟ੍ਰਾਂਸਪਲਾਂਟ ਸੰਭਵ ਹੋ ਸਕਦਾ ਹੈ। ਇਸ ਮੌਕੇ, 2017 ਵਿੱਚ ਲਿਵਾਸਾ ਮੋਹਾਲੀ ਵਿੱਚ ਸਫਲ ਏਬੀਓ-ਇਨਕੰਪੈਟੀਬਲ ਕਿਡਨੀ ਟ੍ਰਾਂਸਪਲਾਂਟ ਤੋਂ ਬਾਅਦ ਨਵੀਂ ਜ਼ਿੰਦਗੀ ਪਾਉਣ ਵਾਲੇ ਵੀਰ ਸਿੰਘ ਨੇ ਵੀ ਪਿਛਲੇ 9 ਸਾਲਾਂ ਤੋਂ ਸਿਹਤਮੰਦ ਜੀਵਨ ਜੀਣ ਦਾ ਆਪਣਾ ਤਜਰਬਾ ਸਾਂਝਾ ਕੀਤਾ।