ਸਮਾਣਾ : ਰੋਟਰੀ ਕਲੱਬ ਸਮਾਣਾ ਸਿਟੀ ਵੱਲੋਂ ਰੋਟਰੀ ਵਰ੍ਹਾ 2026-27 ਦੀ ਸ਼ੁਰੂਆਤ ਦ ਲੌਰੀਐਂਟ, ਪਟਿਆਲਾ ਵਿਖੇ ਸ਼ਾਨਦਾਰ 'ਰੌਇਲ ਇੰਸਟਾਲੇਸ਼ਨ' ਸਮਾਰੋਹ ਨਾਲ ਕੀਤੀ ਗਈ। ਇਹ ਕਲੱਬ ਡਿਸਟ੍ਰਿਕਟ 3090 ਵਿੱਚ ਇੱਕ ਵਿਸ਼ੇਸ਼ ਪਛਾਣ ਰੱਖਦਾ ਹੈ। ਇਸ ਦੀ ਚਾਰਟਰ ਪ੍ਰਧਾਨ ਡਿਸਟ੍ਰਿਕਟ 3090 ਦੀ ਫਸਟ ਲੇਡੀ ਰੋਟੇਰੀਅਨ ਸਾਚੀ ਸਿੰਗਲਾ ਹਨ, ਜਦਕਿ ਚਾਰਟਰ ਸਕੱਤਰ ਅਤੇ ਵਰ੍ਹਾ 2026-27 ਦੀ ਪ੍ਰਧਾਨ ਰੋਟੇਰੀਅਨ ਵਾਨਿਕਾ ਗੋਇਲ, ਡਿਸਟ੍ਰਿਕਟ ਸਕੱਤਰ ਜਨਰਲ ਰੋਟੇਰੀਅਨ ਸੁਮਿਤ ਗੋਇਲ ਦੀ ਧਰਮਪਤਨੀ ਹਨ। ਇਹ ਕਲੱਬ ਰੋਟਰੀ ਵਿੱਚ ਮਹਿਲਾ ਨੇਤ੍ਰਿਤਵ ਨੂੰ ਉਤਸ਼ਾਹਿਤ ਕਰਨ ਦੀ ਸੋਚ ਦਾ ਇੱਕ ਪ੍ਰੇਰਣਾਦਾਇਕ ਉਦਾਹਰਨ ਬਣ ਚੁੱਕਾ ਹੈ। ਸਮਾਗਮ ਦੀ ਸ਼ੁਰੂਆਤ ਰਵਾਇਤੀ ਕਾਲਰ ਸਮਾਰੋਹ ਨਾਲ ਹੋਈ। ਇਸ ਮੌਕੇ ਡਿਸਟ੍ਰਿਕਟ 3090 ਦੀ ਸੀਈਓ ਰੋਟੇਰੀਅਨ ਸਮਾਇਧਾ ਸਿੰਗਲਾ ਨੇ ਸਾਰੇ ਮਹਿਮਾਨਾਂ, ਰੋਟੇਰੀਅਨਾਂ ਅਤੇ ਹਾਜ਼ਰ ਸੰਗਤ ਦਾ ਸਵਾਗਤ ਕੀਤਾ। ਉਨ੍ਹਾਂ ਖੁਸ਼ੀ ਜਤਾਉਂਦਿਆਂ ਕਿਹਾ, "ਤਿੰਨ ਸਾਲ ਪਹਿਲਾਂ ਲਗਾਇਆ ਗਿਆ ਇਹ ਨਿੱਕਾ ਪੌਧਾ ਅੱਜ ਇੱਕ ਮਜ਼ਬੂਤ ਦਰੱਖਤ ਬਣਨ ਵੱਲ ਲਗਾਤਾਰ ਅੱਗੇ ਵੱਧ ਰਿਹਾ ਹੈ। ਡਾ. ਦੀਪਿਕਾ ਮਿੱਤਲ ਨੇ ਧੰਨਵਾਦ ਦਾ ਮਤਾ ਪੇਸ਼ ਕੀਤਾ। ਇਸ ਤੋਂ ਬਾਅਦ ਪਰਿਵਾਰਕ ਖੇਡਾਂ, ਸੱਭਿਆਚਾਰਕ ਪ੍ਰੋਗਰਾਮ, ਨੱਚ-ਗਾਣੇ ਅਤੇ ਫੈਲੋਸ਼ਿਪ ਡਿਨਰ ਨਾਲ ਸਮਾਗਮ ਦਾ ਸਮਾਪਨ ਹੋਇਆ।