ਮੌਰਿੰਡਾ : ਪ੍ਰਭ ਆਸਰਾ ਟਰਸਟ ਪਡਿਆਲਾ ਵੱਲੋਂ ਪਿੰਡ ਢੰਗਰਾਲੀ ਵਿੱਚ ਅੱਖਾਂ ਦਾ ਮੁਫਤ ਜਾਂਚ ਕੈਂਪ ਲਗਾਇਆ ਗਿਆ ਅਤੇ ਲੋੜਵੰਦਾਂ ਨੂੰ 130 ਦੇ ਕਰੀਬ ਮੁਫਤ ਐਨਕਾਂ ਵੰਡੀਆਂ ਗਈਆਂ। ਕੈਂਪ ਦੀ ਕਾਰਗੁਜਾਰੀ ਬਾਰੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਸੋਸ਼ਲ ਵੈਲਫ਼ੇਅਰ ਕਲੱਬ ਢੰਗਰਾਲੀ ਦੇ ਜਰਨਲ ਸਕੱਤਰ ਸਵਰਨ ਸਿੰਘ ਢੰਗਰਾਲੀ ਨੇ ਦੱਸਿਆ ਕਿ ਸਮੁੱਚੇ ਕੈਂਪ ਦਾ ਪ੍ਰਬੰਧ ਸਰਕਾਰੀ ਸੀਨੀਅਰ ਸੈਕਡਰੀ ਸਕੂਲ ਢੰਗਰਾਲੀ ਦੀ ਪ੍ਰਿੰਸੀਪਲ ਮੈਡਮ ਸੁਰਿੰਦਰਪਾਲ ਕੌਰ ਵੱਲੋਂ ਸੁਚੱਜੇ ਢੰਗ ਨਾਲ ਕੀਤਾ ਗਿਆ ਸੀ। ਉਹਨਾਂ ਵੱਲੋਂ ਪਹਿਲਾਂ ਹੀ ਕਲਾਸਾਂ ਵਿੱਚ ਬੱਚਿਆਂ ਨਾਲ ਗੱਲਬਾਤ ਕਰਕੇ ਅੱਖਾਂ ਤੋਂ ਦਿੱਕਤ ਮਹਿਸੂਸ ਕਰ ਰਹੇ ਵਿਦਿਆਰਥੀਆਂ ਦੀ ਸੂਚੀ ਬਣਾ ਲਈ ਗਈ ਸੀ। ਅੱਖਾਂ ਦੇ ਮੁਫਤ ਜਾਂਚ ਕੈਂਪ ਵਿੱਚ ਲਗਭਗ 25 ਵਿਦਿਆਰਥੀ ਨਿਗਾ ਟੈਸਟ ਕਰਵਾਈ ਗਈ। ਪਿੰਡ ਦੇ ਲਗਭਗ 150 ਲੋੜਵੰਦ ਮੁੰਡੇ,ਕੁੜੀਆਂ, ਬੁੱਢੇ -ਬੁੱਢੀਆਂ ਨੇ ਆਪਣੀ ਅੱਖਾਂ ਦੀ ਜਾਂਚ ਕਰਵਾਈ। ਜਿਸ ਵਿੱਚੋਂ 130 ਦੇ ਕਰੀਬ ਮਰੀਜ਼ਾਂ ਨੂੰ ਐਨਕਾਂ ਮੁਫਤ ਵੰਡੀਆਂ ਗਈਆਂ। ਜਿਨਾਂ ਮਰੀਜ਼ਾਂ ਦੀਆਂ ਅੱਖਾਂ ਵਿੱਚ ਜਿਆਦਾ ਦਿੱਕਤ ਸੀ, ਉਹਨਾਂ ਨੂੰ 27 ਜੁਲਾਈ ਨੂੰ ਪ੍ਰਭ ਆਸਰਾ ਹੋਸਪੀਟਲ ਚਨਾਲੋਂ ਵਿਖੇ ਬੁਲਾਇਆ ਗਿਆ ਹੈ।ਜਿੱਥੇ ਉਹਨਾਂ ਦੀ ਜਾਂਚ ਮਾਹਰ ਡਾਕਟਰ ਕੈਂਪ ਦੀ ਪਰਚੀ ਦੇ ਅਧਾਰਤ ਮੁਫਤ ਕਰਨਗੇ । ਪ੍ਰਭ ਆਸਰਾ ਟਰਸਟ ਪਡਿਆਲਾ ਦੀ ਇਸ ਟੀਮ ਦੀ ਅਗਵਾਈ ਪ੍ਰਭ ਆਸਰਾ ਦੀ ਸੰਚਾਲਕ ਰਜਿੰਦਰ ਕੌਰ ਉਨਾਂ ਨੇ ਖੁਦ ਕੀਤੀ। ਉਨਾਂ ਨੇ ਆਧੁਨਿਕ ਮਸ਼ੀਨਾਂ ਨਾਲ ਖੁਦ ਹੀ ਮਰੀਜ਼ਾਂ ਦੀਆਂ ਅੱਖਾਂ ਦੀ ਜਾਂਚ ਵੀ ਕੀਤੀ। ਅੱਖਾਂ ਦੇ ਮੁਫਤ ਜਾਂਚ ਕੈਂਪਾਂ ਦੀ 4 ਦਿਨਾਂ ਲੜੀ ਵਿੱਚ ਅੱਜ 22 ਜੁਲਾਈ ਨੂੰ ਸਵੇਰੇ ਮੀਆਂਪੁਰ ਸਟੇਸ਼ਨ ਪਿੰਡ ਵਿੱਚ ਕੈਂਪ ਲਗਾਇਆ ਗਿਆ, ਦੁਪਹਿਰੇ ਪਿੰਡ ਢੰਗਰਾਲੀ ਦੇ ਵਿੱਚ ਲਗਾਇਆ ਗਿਆ, ਮਗਰੋਂ ਪਿੰਡ ਨਥਮਲਪੁਰ ਦੇ ਵਿੱਚ ਅੱਖਾਂ ਦਾ ਮੁਫਤ ਜਾਂਚ ਕੈਂਪ ਲਗਾਇਆ ਗਿਆ । ਜਿਨਾਂ ਵਿੱਚ ਓ.ਪੀ.ਡੀ ਤੋਂ ਇਲਾਵਾ ਐਨਕਾਂ ਮੁਫਤ ਵੰਡੀਆਂ ਗਈਆਂ। ਇੱਥੇ ਇਹ ਵੀ ਵਰਨਣ ਯੋਗ ਹੈ ਕਿ ਜਿੱਥੇ ਪਿੰਡ ਦੇ ਮਰੀਜ਼ਾਂ ਲਈ ਬੈਠਣ ਦਾ ਯੋਗ ਪ੍ਰਬੰਧ ਕੀਤਾ ਗਿਆ ਸੀ ਉੱਥੇ ਗਰਮੀ ਦੀ ਰੁੱਤ ਹੋਣ ਕਰਕੇ ਮਰੀਜ਼ਾਂ ਨੂੰ ਕੋਲਡ- ਡਰਿੰਕਸ ਦੇ ਨਾਲ ਵੀ ਸੇਵਾ ਕੀਤੀ ਗਈ । ਪ੍ਰਿੰਸੀਪਲ ਸੁਰਿੰਦਰਪਾਲ ਕੌਰ ਨੇ ਸਮੁੱਚੀ ਡਾਕਟਰਾਂ ਦੀ ਟੀਮ, ਆਪਣੇ ਸਟਾਫ ਅਤੇ ਪਿੰਡ ਵਾਸੀਆਂ ਦਾ ਧੰਨਵਾਦ ਕੀਤਾ । ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਮੈਡਮ ਮਨਪ੍ਰੀਤ ਕੌਰ,ਕੰਪਿਊਟਰ ਮਾਸਟਰ ਜਗਪਾਲ ਸਿੰਘ ਬੈਂਸ, ਰਣਜੋਧ ਸਿੰਘ ਬਾਠ ਬਲਬੀਰ ਸਿੰਘ, ਅਰਸ਼ਪ੍ਰੀਤ ਸਿੰਘ ਬਾਠ, ਸਰਪੰਚ ਰਣਦੀਪ ਸਿੰਘ ਦੀਪੂ ਹਾਜ਼ਰ ਸਨ ।
ਨੋਟ-ਲਗਾਏ ਗਏ ਕੈਂਪ ਦਾ ਦ੍ਰਿਸ਼