ਖਰੜ : ਸ੍ਰੀ ਸਨਾਤਨ ਧਰਮ ਮੰਦਰ ਦੇ ਵਿੱਚ ਸੰਤ ਨਿਰੰਕਾਰੀ ਬ੍ਰਾਂਚ ਟੀਡੀਆਈ ਵੱਲੋਂ ਇੱਕ ਸਤਿਸੰਗ ਕਰਵਾਇਆ ਗਿਆ ਜਿਸ ਵਿੱਚ ਸਾਧ ਸੰਗਤ ਟੀ ਡੀ ਆਈ ਅਤੇ ਹੋਰ ਧਰਮਾਂ ਨਾਲ ਸੰਬੰਧਤ ਸੱਜਣਾਂ ਵਲੋਂ ਹਿੱਸਾ ਲਿਆ ਗਿਆ ਅਤੇ ਆਪਸੀ ਭਾਈਚਾਰੇ ਦੀ ਵਿਲੱਖਣ ਮਿਸਾਲ ਪੇਸ਼ ਕੀਤੀ ਗਈ l ਇਸ ਸਤਸੰਗ ਵਿੱਚ ਇਨਸਾਨ ਦੀ ਜਨਮ ਪ੍ਰਾਪਤੀ ਨੂੰ ਸਾਰਥਕ ਕਰਨ ਲਈ, ਇਸ ਸੰਸਾਰ ਵਿੱਚ ਰਹਿੰਦੇ ਹੋਏ ਨਿਰਾਕਾਰ ਪ੍ਰਮਾਤਮਾ ਦੀ ਪ੍ਰਾਪਤੀ ਕਰਨਾ, ਧਰਮ ਗ੍ਰੰਥਾਂ ਵਿੱਚ ਦਿਤੀਆਂ ਸਿੱਖਿਆਂ ਨੂੰ ਸਮਝ ਕੇ ਲਾਭ ਪ੍ਰਾਪਤ ਕਰਨਾ, ਸੰਸਾਰ ਵਿੱਚ ਰਹਿੰਦੇ ਹੋਏ ਧਰਮ ਨੂੰ ਸਮਝ ਕੇ ਧਰਮ ਪਾਲਣ ਕਰਨਾ, ਸੰਸਾਰ ਅਤੇ ਪ੍ਰਭੁ ਨਾਲ ਨਿਭਾਉਂਦੇ ਹੋਏ ਕਿਰਪਾ ਪ੍ਰਾਪਤ ਕਰਕੇ ਦੁੱਖਾਂ ਦਾ ਨਾਸ਼ ਕਰਨਾ, ਸਰਲ ਅਤੇ ਧਾਰਮਿਕ ਸੁੱਖੀ ਜੀਵਨ ਜੀਣਾ, ਅਪਣਾ ਅਤੇ ਸਮਾਜ ਦਾ ਕਲਿਆਣ ਅਤੇ ਨਿਰਮਾਣ ਆਦਿ ਵਿਸ਼ਿਆਂ ਤੇ ਵਕਤਾ ਮਹਾਤਮਾ ਵਲੋਂ ਮਾਰਗਦਰਸ਼ਨ ਦਿੱਤਾ ਗਿਆ l ਸਾਰੇ ਸੰਸਾਰਿਕ ਕੰਮ ਕਾਰ ਕਰਦੇ ਪ੍ਰਮਾਤਮਾ ਨੂੰ ਪ੍ਰਾਪਤ ਕਰਨ ਦਾ ਸਰਲ ਮਾਰਗ ਦੱਸਿਆ ਗਿਆ ਸੰਤ ਨਿਰੰਕਾਰੀ ਸਤਿਸੰਗ ਭਵਨ, ਟੀਡੀ ਆਈ ਬਰਾਂਚ, ਦੇ ਮੁਖੀ ਸ੍ਰੀ ਗੁਰਪ੍ਰਤਾਪ ਜੀ ਨੇ ਆਈ ਹੋਈ ਸਾਧ ਸੰਗਤ ਦਾ ਅਤੇ ਸੱਜਣਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਅਤੇ ਸ੍ਰੀ ਸਨਾਤਨ ਧਰਮ ਮੰਦਰ ਦੀ ਮੈਨੇਜਮੈਂਟ, ਇੰਚਾਰਜ ਸਾਹਿਬਾਨ ਅਤੇ ਪੁਜਾਰੀ ਸ਼੍ਰੀ ਵਨੀਤ ਸ਼ਰਮਾ ਦਾ ਵੀ ਧੰਨਵਾਦ ਕੀਤਾ। ਜਿਨਾਂ ਨੇ ਸਤਿਸੰਗ ਕਰਨ ਦੀ ਇਜਾਜ਼ਤ ਦੇ ਕੇ ਆਪਸੀ ਭਾਈਚਾਰਕ ਸਾਂਝ ਦੀ ਮਿਸਾਲ ਪੇਸ਼ ਕੀਤੀ ਹੈ।