ਓਪੋ ਇੰਡੀਆ ਨੇ ਲਾਂਚ ਕੀਤੀ ਰੇਨੋ 16 ਸੀਰੀਜ਼, ਏਆਈ ਕੈਮਰਾ ਤੇ ਸਮਾਰਟ ਫੀਚਰਾਂ ਨਾਲ ਮਿਲੇਗਾ ਪ੍ਰੀਮੀਅਮ ਤਜਰਬਾ

ਅੰਮ੍ਰਿਤਸਰ : ਓਪੋ ਇੰਡੀਆ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੀ ਨਵੀਂ ਰੇਨੋ 16 ਸੀਰੀਜ਼ ਲਾਂਚ ਕਰ ਦਿੱਤੀ ਹੈ। ਕੰਪਨੀ ਨੇ ਇਸ ਸੀਰੀਜ਼ ਤਹਿਤ ਰੇਨੋ 16 ਅਤੇ ਰੇਨੋ 16ਸੀ ਸਮਾਰਟਫੋਨ ਪੇਸ਼ ਕੀਤੇ ਹਨ, ਜੋ ਖ਼ਾਸ ਤੌਰ 'ਤੇ ਨੌਜਵਾਨ ਕੰਟੈਂਟ ਕ੍ਰੀਏਟਰਾਂ ਅਤੇ ਪ੍ਰੀਮੀਅਮ ਸਮਾਰਟਫੋਨ ਵਰਤੋਂਕਾਰਾਂ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤੇ ਗਏ ਹਨ। ਨਵੀਂ ਸੀਰੀਜ਼ ਵਿੱਚ 50 ਮੈਗਾਪਿਕਸਲ ਏਆਈ ਪੋਰਟਰੇਟ ਕੈਮਰਾ, 3.5 ਐਕਸ ਟੈਲੀਫੋਟੋ ਲੈਂਸ, 4ਕੇ 60 ਐਫਪੀਐਸ ਐਚਡੀਆਰ ਵੀਡੀਓ ਰਿਕਾਰਡਿੰਗ, ਏਆਈ ਰੀਮਿਕਸ ਕੋਲਾਜ, ਪੌਪ ਕੈਮ, ਪੌਪਆਉਟ 2.0 ਅਤੇ ਪਹਿਲੀ ਵਾਰ ਏਆਈ ਸਨੈਪ ਕੀ ਵਰਗੇ ਅਧੁਨਿਕ ਫੀਚਰ ਦਿੱਤੇ ਗਏ ਹਨ। ਇਸ ਦੇ ਨਾਲ ਕੰਪਨੀ ਨੇ ਆਪਣਾ ਪਹਿਲਾ ਸਮਾਰਟ ਕੈਮਰਾ ਕੰਪੈਨਿਅਨ ਓਪੋ ਬਬਲ ਅਤੇ ਫਲੈਗਸ਼ਿਪ ਆਡੀਓ ਤਜਰਬੇ ਵਾਲਾ ਓਪੋ ਐਨਕੋ ਏਅਰ 5 ਵੀ ਲਾਂਚ ਕੀਤਾ ਹੈ। ਰੇਨੋ 16 ਸੀਰੀਜ਼ ਦੀ ਕੀਮਤ 46,999 ਰੁਪਏ ਤੋਂ 67,999 ਰੁਪਏ ਤੱਕ ਰੱਖੀ ਗਈ ਹੈ। ਇਸ ਦੀ ਵਿਕਰੀ 9 ਜੁਲਾਈ ਤੋਂ ਅਮੇਜ਼ਾਨ, ਫਲਿਪਕਾਰਟ, ਓਪੋ ਈ-ਸਟੋਰ ਅਤੇ ਪ੍ਰਮੁੱਖ ਰਿਟੇਲ ਸਟੋਰਾਂ 'ਤੇ ਸ਼ੁਰੂ ਹੋਵੇਗੀ। ਗਾਹਕਾਂ ਨੂੰ ਕੈਸ਼ਬੈਕ, ਐਕਸਚੇਂਜ ਬੋਨਸ, ਜ਼ੀਰੋ ਡਾਊਨ ਪੇਮੈਂਟ ਅਤੇ ਸਕ੍ਰੀਨ ਡੈਮੇਜ ਪ੍ਰੋਟੈਕਸ਼ਨ ਵਰਗੇ ਆਕਰਸ਼ਕ ਲਾਂਚ ਆਫ਼ਰ ਵੀ ਮਿਲਣਗੇ।

ਓਪੋ ਇੰਡੀਆ ਦੇ ਹੈੱਡ, ਪੀਆਰ ਐਂਡ ਕਮਿਊਨੀਕੇਸ਼ਨਜ਼ ਗੋਲਡੀ ਪਟਨਾਇਕ ਨੇ ਦੱਸਿਆ ਕਿ, “ਅੱਜ ਦੀ ਪੀੜ੍ਹੀ ਲਈ ਸਮਾਰਟਫੋਨ ਸਿਰਫ ਇੱਕ ਡਿਵਾਈਸ ਨਹੀਂ, ਸਗੋਂ ਆਪਣੀ ਰਚਨਾਤਮਕਤਾ ਅਤੇ ਸ਼ਖ਼ਸੀਅਤ ਨੂੰ ਪ੍ਰਗਟ ਕਰਨ ਦਾ ਸਾਧਨ ਹੈ। ਰੇਨੋ 16 ਸੀਰੀਜ਼ ਵਿੱਚ ਅਸੀਂ ਹੁਣ ਤੱਕ ਦਾ ਸਭ ਤੋਂ ਇੰਟੈਲੀਜੈਂਟ ਕੈਮਰਾ ਅਨੁਭਵ ਅਤੇ ਉੱਨਤ ਏਆਈ ਤਕਨਾਲੋਜੀ ਦਿੱਤੀ ਹੈ, ਜਿਸ ਨਾਲ ਹਰ ਯੂਜ਼ਰ ਆਸਾਨੀ ਨਾਲ ਸ਼ਾਨਦਾਰ ਕੰਟੈਂਟ ਤਿਆਰ ਕਰ ਸਕੇਗਾ। ਸਾਡਾ ਉਦੇਸ਼ ਪ੍ਰੀਮੀਅਮ ਡਿਜ਼ਾਈਨ, ਇਨੋਵੇਸ਼ਨ ਅਤੇ ਸਮਾਰਟ ਅਨੁਭਵ ਨੂੰ ਇੱਕੋ ਪਲੇਟਫਾਰਮ 'ਤੇ ਉਪਲਬਧ ਕਰਵਾਉਣਾ ਹੈ।”

ਰੇਨੋ 16 ਸੀਰੀਜ਼ ਭਾਰਤ ਦੀ ਪਹਿਲੀ ਹੋਲੋਵਰਸ 3ਡੀ ਡਿਜ਼ਾਈਨ ਤਕਨਾਲੋਜੀ ਨਾਲ ਲੈਸ ਹੈ। ਇਸ ਵਿੱਚ 120 ਹਰਟਜ਼ ਐਮੋਲੇਡ ਡਿਸਪਲੇ, ਏਅਰੋਸਪੇਸ-ਗ੍ਰੇਡ ਐਲੂਮੀਨੀਅਮ ਫਰੇਮ, ਆਈਪੀ66, ਆਈਪੀ68, ਆਈਪੀ69 ਅਤੇ ਆਈਪੀ69ਕੇ ਸੁਰੱਖਿਆ ਰੇਟਿੰਗ ਦਿੱਤੀ ਗਈ ਹੈ। ਕੈਮਰਾ ਸਿਸਟਮ ਵਿੱਚ ਏਆਈ ਪੋਰਟਰੇਟ, ਨੈਚਰਲ ਟੋਨ ਇਮੇਜਿੰਗ, ਏਆਈ ਫਲੈਸ਼ ਫੋਟੋਗ੍ਰਾਫੀ, ਏਆਈ ਸਟੂਡੀਓ, ਏਆਈ ਇਰੇਜ਼ਰ ਅਤੇ ਏਆਈ ਅਨਬਲਰ ਵਰਗੇ ਫੀਚਰ ਸ਼ਾਮਲ ਹਨ। ਇਹ ਸੀਰੀਜ਼ ਕਲਰਓਐਸ 16 'ਤੇ ਆਧਾਰਿਤ ਹੈ। ਰੇਨੋ 16 ਵਿੱਚ ਸਨੈਪਡ੍ਰੈਗਨ 7 ਜਨ 4 ਪ੍ਰੋਸੈਸਰ ਅਤੇ 6700 ਐਮਏਐਚ ਬੈਟਰੀ, ਜਦਕਿ ਰੇਨੋ 16ਸੀ ਵਿੱਚ ਡਾਈਮੈਂਸਿਟੀ 7300 ਚਿਪਸੈੱਟ ਅਤੇ 7000 ਐਮਏਐਚ ਬੈਟਰੀ ਦਿੱਤੀ ਗਈ ਹੈ। ਦੋਵੇਂ ਸਮਾਰਟਫੋਨ 80 ਵਾਟ ਸੁਪਰਵੂਕ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੇ ਹਨ।