ਲੜਕੀਆਂ ਅਤੇ ਔਰਤਾਂ ਦੀ ਸਿਹਤ ਲਈ ਮੁਫਤ ਜਾਂਚ ਕੈਂਪ ਅੱਜ : ਕਟਾਰੀਆ

ਕੋਟਕਪੂਰਾ : ਡਾ. ਸਿਮਰ ਕਟਾਰੀਆ ਹਸਪਤਾਲ (ਕੂਲਰ ਵਾਲੇ) ਨੇੜੇ ਪੁਰਾਣੀ ਜੈਤੋ ਚੁੰਗੀ, ਸ਼ਹੀਦ ਭਗਤ ਸਿੰਘ ਰੋਡ, ਕੋਟਕਪੂਰਾ ਵਿਖੇ 1 ਜੁਲਾਈ 2026 ਦਿਨ ਬੁੱਧਵਾਰ ਨੂੰ ਸ਼ਾਮ 4.00 ਵਜੇ ਤੋਂ 7.00 ਵਜੇ ਤੱਕ ਲੜਕੀਆਂ ਅਤੇ ਔਰਤਾਂ ਦੀ ਸਿਹਤ ਦਾ ਮੁਫਤ ਜਾਂਚ ਕੈਂਪ ਲਾਇਆ ਜਾ ਰਿਹਾ ਹੈ। ਜਿਸ ਵਿੱਚ ਡਾ. ਨੇਹਾ ਕਟਾਰੀਆ ਬੀ.ਏ.ਐੱਮ.ਐੱਸ. (ਐੱਮ.ਡੀ.) ਵੱਲੋਂ ਔਰਤਾਂ ਅਤੇ ਲੜਕੀਆਂ ਦੀਆਂ ਬਿਮਾਰੀਆਂ ਦੀ ਜਾਂਚ ਕਰਨ ਉਪਰੰਤ ਮੁਫਤ ਦਵਾਈਆਂ ਵੀ ਮੁਹੱਈਆ ਕਰਵਾਈਆਂ ਜਾਣਗੀਆਂ। ਗੁੱਡ ਮੌਰਨਿੰਗ ਵੈਲਫੇਅਰ ਕਲੱਬ ਅਤੇ ਅਰੋੜਬੰਸ ਸਭਾ ਕੋਟਕਪੂਰਾ ਸਮੇਤ ਵੱਖ ਵੱਖ ਸੰਸਥਾਵਾਂ ਨਾਲ ਸਬੰਧਤ ਸਮਾਜਸੇਵੀ ਡਾ. ਕੇ ਕੇ ਕਟਾਰੀਆ ਨੇ ਦੱਸਿਆ ਕਿ ‘ਤੰਦਰੁਸਤ ਸਰੀਰ-ਖੁਸ਼ਹਾਲ ਪਰਿਵਾਰ’ ਬੈਨਰ ਹੇਠ ਲੱਗਣ ਵਾਲੇ ਕੈਂਪ ਦੌਰਾਨ ਡਾ. ਨੇਹਾ ਕਟਾਰੀਆ ਵੱਲੋਂ ਗਰਭ ਅਵਸਥਾ ਦੀ ਜਾਂਚ ਅਤੇ ਸਲਾਹ, ਮਾਸਿਕ ਧਰਮ ਸਬੰਧੀ ਸਮੱਸਿਆਵਾਂ ਦਾ ਇਲਾਜ, ਪੀ.ਸੀ.ਓ.ਡੀ./ਪੀ.ਸੀ.ਓ.ਐੱਸ./ਪੀ.ਐਮ.ਓ.ਐੱਸ. ਦਾ ਇਲਾਜ, ਬਾਂਝਪਣ ਸਬੰਧੀ ਸਲਾਹ, ਪਰਿਵਾਰ ਨਿਯੋਜਨ ਸਲਾਹ, ਸਫੈਦ ਪਾਣੀ ਦਾ ਇਲਾਜ ਅਤੇ ਇਨਫੈਕਸ਼ਨ, ਛਾਤੀ ਸਬੰਧੀ ਸਮੱਸਿਆਵਾਂ ਦੀ ਜਾਂਚ, ਮਾਂਹਵਾਰੀ ਦੌਰਾਨ ਦਰਦ ਸਬੰਧੀ ਸਲਾਹ ਅਤੇ ਇਲਾਜ, ਜਨਮ ਤੋਂ ਬਾਅਦ ਮਾਂ ਅਤੇ ਬੱਚੇ ਦੀ ਦੇਖਭਾਲ, ਸਤਨਪਾਨ ਸਬੰਧੀ ਸਲਾਹ ਤੋਂ ਇਲਾਵਾ ਸ਼ੂਗਰ ਚੈੱਕਅਪ ਅਤੇ ਗਾਇਨੀਕੋਲੋਜੀ ਕੈਂਪ ਆਦਿਕ ਮੁਫਤ ਸੇਵਾਵਾਂ ਦਿੱਤੀਆਂ ਜਾ ਰਹੀਆਂ ਹਨ। ਉਹਨਾ ਦੱਸਿਆ ਕਿ ਕੈਂਪ ਦਾ ਉਦਘਾਟਨ ਗੁੱਡ ਮੌਰਨਿੰਗ ਵੈਲਫੇਅਰ ਕਲੱਬ ਦੇ ਸੰਸਥਾਪਕ ਅਤੇ ਸਮਾਜ ਸੇਵੀ ਗੁਰਿੰਦਰ ਸਿੰਘ ਮਹਿੰਦੀਰੱਤਾ ਕਰਨਗੇ। ਡਾ ਕੇ.ਕੇ. ਕਟਾਰੀਆ ਮੁਤਾਬਿਕ ਕੈਂਪ ਸਬੰਧੀ ਐਡਵਾਂਸ ਬੁਕਿੰਗ ਲਈ ਮੋਬਾਇਲ ਨੰਬਰ 79868-40025 ਰਾਹੀਂ ਸੰਪਰਕ ਕੀਤਾ ਜਾ ਸਕਦਾ ਹੈ।