ਖਨੌਰੀ : ਅੱਜ ਹਰਿਆਣਾ ਪੰਜਾਬੀ ਸਾਹਿਤ ਅਕਾਦਮੀ ਪੰਚਕੁਲਾ ਵੱਲੋਂ ਪੰਜਾਬੀ ਦੇ ਨਾਮਵਰ ਸ਼ਾਇਰ ਤਰਲੋਚਨ ਮੀਰ ਜੀ ਨੂੰ ਸਨਮਾਨਿਤ ਕੀਤਾ ਗਿਆ। ਸਪੀਕਰ ਹਰਵਿੰਦਰ ਕਲਿਆਣ ਜੀ, ਘਣਸ਼ਾਮ ਅਰੋੜਾ ਜੀ ਅਤੇ ਡਾਕਟਰ ਕੁਲਦੀਪ ਅਗਨੀਹੋਤਰੀ ਜੀ ਵੱਲੋਂ ਦੋ ਲੱਖ ਇਕੱਤੀ ਹਜ਼ਾਰ ਰਕਮ ਦੇ ਨਾਲ਼ ਸਨਮਾਨ ਚਿੰਨ੍ਹ ਅਤੇ ਸ਼ਾਲ ਭੇਂਟ ਕੀਤਾ ਗਿਆ। ਇਹ ਮਾਣ ਸਨਮਾਨ ਉਹਨਾਂ ਦੀ 2018 ਵਿੱਚ ਪ੍ਰਕਾਸ਼ਿਤ ਹੋਈ ਪੁਸਤਕ 'ਅੰਤਰ' ਦੇ ਲਈ ਦਿੱਤਾ ਗਿਆ ਹੈ। ਸਪੀਕਰ ਨੇ ਭਾਸ਼ਾ ਤੇ ਸਾਹਿਤ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਸਾਹਿਤ ਹੀ ਸਮਾਜ ਨੂੰ ਸੇਧ ਦਿੰਦਾ ਹੈ। ਲੇਖਕ ਦਾ ਵੀ ਹੁੰਦਾ ਹੈ। ਜਿਸ ਸਮਾਜ ਸਹੀ ਦਿਸ਼ਾ ਅਖਤਿਆਰ ਕਰਦਾ ਹੈ।ਕਿਉਂਕਿ ਸਰਕਾਰ ਨੇ ਤਾਂ ਵਿਕਾਸ ਦੇ ਰਸਤੇ ਉਲੀਕਣੇ ਹੁੰਦੇ ਨੇ ਪਰ ਉਸ ਨੂੰ ਸਹੀ ਸੇਧ ਦੇਣ ਵਿੱਚ ਲੇਖਕਾਂ ਦਾ ਬਹੁਤ ਵੱਡਾ ਯੋਗਦਾਨ ਹੈ ਇਸ ਕਰਕੇ ਲੇਖਕਾਂ ਨੂੰ ਇਸ ਦੇ ਸਮਰਥ ਹੋ ਕੇ ਸਮਾਜ ਦੀ ਰਹਿਨੁਮਾਈ ਕਰਨੀ ਚਾਹੀਦੀ ਹੈ। ਚੰਗੀ ਦਿਸ਼ਾ ਦੇਣੀ ਚਾਹੀਦੀ ਹੈ ਤਾਂ ਸਮਾਜਿਕ ਤਰੁੱਟੀਆਂ ਦੂਰ ਹੋਣ।ਇਸੇ ਤਰ੍ਹਾਂ ਵਿਧਾਇਕ ਅਗਨੀਹੋਤਰੀ ਹੋਰਾਂ ਨੇ ਵੀ ਇਸ ਗੱਲ ਨੂੰ ਦੋਹਰਾਇਆ ਕਿ ਸਾਹਿਤ ਸਮਾਜ ਦਾ ਸ਼ੀਸ਼ਾ ਹੁੰਦਾ ਹੈ। ਚੰਗੇ ਲੇਖਕ ਹੀ ਸਮਾਜ ਨੂੰ ਨਰੋਏ ਪਾਸੇ ਲੈ ਕੇ ਜਾਂਦੇ ਹਨ ਤੇ ਸਹੀ ਸੇਧ ਦਿੰਦੇ ਹਨ। ਇਸ ਸ਼ੁਭ ਅਵਸਰ 'ਤੇ ਹਰਿਆਣਾ ਕੇਂਦਰੀ ਪੰਜਾਬੀ ਲੇਖਕ ਸਭਾ,ਪੰਜਾਬੀ ਲੇਖਕ ਸਭਾ ਸਮਾਣਾ, ਪੰਜਾਬੀ ਸਾਹਿਤ ਸਭਾ ਧੂਰੀ, ਨਾਮਵਰ ਸ਼ਾਇਰ ਅਤੇ ਪੱਤਰਕਾਰ ਰਾਜਵਿੰਦਰ ਰੌਂਤਾ ਅਤੇ ਹੋਰ ਮਿੱਤਰ ਪਿਆਰਿਆਂ ਵੱਲੋਂ ਵਧਾਈ ਭੇਜੀ ਗਈ।