ਐੱਲ.ਜੀ. ਇਲੈਕਟ੍ਰਾਨਿਕਸ ਨੇ ਭੌਤਿਕ ਏ.ਆਈ. ਯੁੱਗ ਲਈ ਰੋਬੋਟਿਕਸ ਵਿਜ਼ਨ ਕੀਤਾ ਪੇਸ਼

ਚੰਡੀਗੜ੍ਹ : ਐੱਲ.ਜੀ. ਇਲੈਕਟ੍ਰਾਨਿਕਸ (ਐੱਲ.ਜੀ.) ਨੇ ਆਪਣੇ ਉੱਨਤ ਰੋਬੋਟਿਕਸ ਵਿਜ਼ਨ ਰਾਹੀਂ ਭੌਤਿਕ ਏ.ਆਈ. ਦੇ ਨਵੇਂ ਯੁੱਗ ਵੱਲ ਵੱਡਾ ਕਦਮ ਚੁੱਕਦਿਆਂ ਐੱਲ.ਜੀ. ਕਲਾਉਡ ਰੋਬੋਟ ਪੇਸ਼ ਕੀਤੇ ਹਨ। ਕੰਪਨੀ ਦੋ ਦਹਾਕਿਆਂ ਤੋਂ ਵੱਧ ਦੀ ਰੋਬੋਟਿਕਸ ਮਹਾਰਤ, ਸਮਾਰਟ ਡਿਵਾਈਸਾਂ ਤੋਂ ਪ੍ਰਾਪਤ ਖਪਤਕਾਰ ਜਾਣਕਾਰੀ, ਉੱਚ-ਸ਼ੁੱਧਤਾ ਗਤੀ ਤਕਨਾਲੋਜੀਆਂ ਅਤੇ ਮਜ਼ਬੂਤ ਏ.ਆਈ. ਈਕੋਸਿਸਟਮ ਦੇ ਆਧਾਰ ’ਤੇ ਘਰਾਂ, ਵਪਾਰਕ ਖੇਤਰਾਂ ਅਤੇ ਉਦਯੋਗਿਕ ਸਥਾਨਾਂ ਵਿੱਚ ਬੁੱਧੀਮਾਨ ਰੋਬੋਟਿਕ ਹੱਲ ਵਿਕਸਤ ਕਰ ਰਹੀ ਹੈ। ਐੱਲ.ਜੀ. ਦੇ ਅਨੁਸਾਰ, “ਸਾਡਾ ਉਦੇਸ਼ ਅਜਿਹੇ ਰੋਬੋਟ ਤਿਆਰ ਕਰਨਾ ਹੈ ਜੋ ਸਿਰਫ਼ ਹੁਕਮਾਂ ਦੀ ਪਾਲਣਾ ਹੀ ਨਹੀਂ ਕਰਦੇ, ਸਗੋਂ ਉਪਭੋਗਤਾਵਾਂ ਦੀਆਂ ਜ਼ਰੂਰਤਾਂ ਨੂੰ ਸਮਝਦੇ ਹੋਏ ਖੁਦਮੁਖਤਿਆਰੀ ਨਾਲ ਕੰਮ ਕਰਦੇ ਹਨ।”ਕੰਪਨੀ ਨੇ ਕਿਹਾ ਕਿ “ਜ਼ੀਰੋ ਲੇਬਰ ਹੋਮ” ਦਾ ਵਿਜ਼ਨ ਇੱਕ ਅਜਿਹੇ ਭਵਿੱਖ ਦੀ ਕਲਪਨਾ ਕਰਦਾ ਹੈ, ਜਿੱਥੇ ਏ.ਆਈ. ਰੋਬੋਟ, ਸਮਾਰਟ ਘਰੇਲੂ ਉਪਕਰਣ ਅਤੇ ਆਟੋਮੇਸ਼ਨ ਪ੍ਰਣਾਲੀਆਂ ਮਿਲ ਕੇ ਘਰੇਲੂ ਕੰਮਾਂ ਨੂੰ ਆਸਾਨ ਬਣਾਉਣਗੀਆਂ ਅਤੇ ਲੋਕਾਂ ਨੂੰ ਆਪਣੇ ਪਰਿਵਾਰ ਨਾਲ ਵਧੇਰੇ ਸਮਾਂ ਬਿਤਾਉਣ ਦਾ ਮੌਕਾ ਦੇਣਗੀਆਂ। ਐੱਲ.ਜੀ. ਕਲੌਇਡ ਰੋਬੋਟ ਥਿਨਕਿਊ ਈਕੋਸਿਸਟਮ ਨਾਲ ਜੁੜ ਕੇ ਘਰ ਦੇ ਵੱਖ-ਵੱਖ ਉਪਕਰਣਾਂ ਨਾਲ ਸਹਿਜ ਤਾਲਮੇਲ ਬਣਾਉਂਦੇ ਹਨ ਅਤੇ ਰੋਜ਼ਾਨਾ ਕੰਮਾਂ ਵਿੱਚ ਸਹਾਇਤਾ ਕਰਦੇ ਹਨ। ਕੰਪਨੀ ਦੀ ਰੋਬੋਟਿਕਸ ਸਮਰੱਥਾ 2003 ਵਿੱਚ ਪੇਸ਼ ਕੀਤੇ ਗਏ ਪਹਿਲੇ ਸਫਾਈ ਰੋਬੋਟ ਤੋਂ ਲੈ ਕੇ ਅੱਜ ਦੇ ਉੱਨਤ ਵਪਾਰਕ ਅਤੇ ਉਦਯੋਗਿਕ ਹੱਲਾਂ ਤੱਕ ਫੈਲੀ ਹੋਈ ਹੈ। ਐੱਲ.ਜੀ. ਦਾ ਭੌਤਿਕ ਏ.ਆਈ. ਈਕੋਸਿਸਟਮ ਐੱਲ.ਜੀ. ਏ.ਆਈ. ਰਿਸਰਚ, ਐੱਲ.ਜੀ. ਇਨੋਟੈਕ, ਰੋਬੋਸਟਾਰ ਅਤੇ ਹੋਰ ਸਮੂਹ ਕੰਪਨੀਆਂ ਦੇ ਸਹਿਯੋਗ ਨਾਲ ਹੋਰ ਮਜ਼ਬੂਤ ਬਣਿਆ ਹੈ। ਕੰਪਨੀ ਦੀਆਂ ਸਮਾਰਟ ਫੈਕਟਰੀਆਂ ਵਿੱਚ ਰੋਬੋਟਿਕਸ, ਡਿਜੀਟਲ ਟਵਿਨ, ਆਟੋਨੋਮਸ ਲੌਜਿਸਟਿਕਸ ਅਤੇ ਏ.ਆਈ. ਆਧਾਰਿਤ ਆਟੋਮੇਸ਼ਨ ਪਹਿਲਾਂ ਹੀ ਵੱਡੇ ਪੱਧਰ ’ਤੇ ਵਰਤੇ ਜਾ ਰਹੇ ਹਨ, ਜੋ ਭਵਿੱਖ ਦੀ ਭੌਤਿਕ ਏ.ਆਈ. ਤਕਨਾਲੋਜੀ ਲਈ ਮਜ਼ਬੂਤ ਨੀਂਹ ਸਾਬਤ ਹੋ ਰਹੇ ਹਨ।