ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੇ ਇਲੈਕਟ੍ਰੋਨਿਕਸ ਅਤੇ ਕਮਿਊਨੀਕੇਸ਼ਨ ਇੰਜੀਨੀਅਰਿੰਗ ਵਿਭਾਗ ਵਿਖੇ ਅੱਜ ਮਿਤੀ 09.03.2020 ਨੂੰ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਨੂੰ ਸਮਰਪਿਤ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਮੌਕੇ ਡਾ. ਫਾਈਨ ਆਰਟ ਕਲੱਬ ਦੇ ਪ੍ਰਧਾਨ ਰੀਚਾ ਸ਼ਰਮਾ ਨੇ ਸਵਾਗਤੀ ਸ਼ਬਦ ਬੋਲੇ।
ਇਸ ਸਮਾਰੋਹ ਵਿੱਚ ਡਾ. ਅੰਮ੍ਰਿਤਪਾਲ ਕੌਰ, ਡੀਨ, ਅਕਾਦਮਿਕ ਮਾਮਲੇ ਮੁੱਖ ਮਹਿਮਾਨ ਵਜੋਂ ਹਾਜ਼ਰ ਹੋਏ ਜਿਨ੍ਹਾਂ ਨੇ ਆਪਣੇ ਭਾਸ਼ਣ ਦੌਰਾਨ ਈ.ਸੀ.ਈ. ਵਿਭਾਗ ਵੱਲੋਂ ਕਰਵਾਏ ਜਾ ਗਏ ਇਸ ਪ੍ਰੋਗਰਾਮ ਦੀ ਸ਼ਲਾਘਾ ਕੀਤੀ।
ਡਾ. ਮਨਜੀਤ ਸਿੰਘ ਪਾਤੜ੍ਹ ਨੇ ਵਿਦਿਆਰਥੀਆਂ ਨੂੰ ਇਸਤਰੀ ਦਾ ਸਨਮਾਨ ਕਰਨ ਲਈ ਪ੍ਰੇਰਿਤ ਕੀਤਾ ਅਤੇ ਬਰਾਬਰਤਾ ਨੂੰ ਰੋਜ ਮਰਾ ਦੀ ਜਿੰਦਗੀ ਦਾ ਹਿੱਸਾ ਬਣਾਉਣ ਲਈ ਕਿਹਾ। ਵਿਭਾਗ ਦੇ ਮੁਖੀ ਡਾ. ਮਨਜੀਤ ਸਿੰਘ ਬੰਮਰਾਂ ਨੇ ਵਿਦਿਆਰਥੀਆਂ ਨੂੰ ਇਸ ਮੋਕੇ ਤੇ ਵਧਾਈ ਦਿੰਦੇ ਹੋਏ ਮੁਕਾਬਲਿਆਂ ਵਿੱਚ ਉਤਸ਼ਾਹ ਨਾਲ ਹਿੱਸਾ ਲੈਣ ਲਈ ਅਤੇ ਪੜ੍ਹਾਈ ਵਿੱਚ ਵੀ ਅੱਗੇ ਰਹਿਣ ਲਈ ਪ੍ਰੇਰਿਤ ਕੀਤਾ।
ਪ੍ਰੋਗਰਾਮ ਵਿਚ ਵਿਦਿਆਰਥਣ ਪੁਨੀਤ ਗਰਗ ਅਤੇ ਮਿੱਠਤਮੀਤ ਕੌਰ ਅਤੇ ਵਿਭਾਗ ਦੇ ਹੋਰਨਾਂ ਸਾਬਕਾ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ ਜਿਹੜੇ ਕਿ ਸਮਾਜ ਵਿੱਚ ਚੰਗੇ ਅਹੁਦਿਆਂ ਤੇ ਸੇਵਾ ਨਿਭਾ ਰਹੇ ਹਨ। ਇਸ ਮੌਕੇ ਇੰਜੀਨੀਅਰਿੰਗ ਦੇ ਵਿਦਿਆਰਥੀਆਂ ਵੱਲੋਂ ਵੱਖ-ਵੱਖ ਮੁਕਾਬਲੇ ਕਰਵਾਏ ਗਏ। ਜਿਨ੍ਹਾਂ ਵਿਚੋਂ ਪੋਸਟਰ ਮੇਕਿੰਗ, ਭਾਸ਼ਣ ਪ੍ਰਤੀਯੋਗਤਾ ਅਤੇ ਕਵਿਤਾਵਾਂ ਦੇ ਮੁਕਾਬਲੇ ਕਰਵਾਏ ਗਏ ਜਿਨ੍ਹਾਂ ਦਾ ਮੁਖ ਵਿਸ਼ਾ “ਭਾਰਤ ਵਿੱਚ ਇਸਤਰੀ ਦੀ ਮੌਜੂਦਾ ਹਾਲਤ” ਨਾਲ ਸੰਬੰਧਿਤ ਸੀ। ਜੇਤੂ ਵਿਦਿਆਰਥੀਆਂ ਨੂੰ ਟਰਾਫੀਆਂ ਅਤੇ ਸਰਟੀਫਿਕੇਟ ਵੰਡੇ ਗਏ।
ਵਿਦਿਆਰਥੀਆਂ ਦੇ ਭਾਸ਼ਣ ਮੁਕਾਬਲੇ ਵਿੱਚ ਪਹਿਲਾ ਸਥਾਨ ਦਿਸ਼ਾ ਸ਼ਰਮਾ, ਦੂਜਾ ਸਥਾਨ ਨਿਹਚਲਪ੍ਰੀਤ ਅਤੇ ਤੀਜਾ ਸਥਾਨ ਸਖਸ਼ਮ ਅਤੇ ਨਿਭਾਪ੍ਰੀਤ ਨੇ ਕਵਿਤਾ ਮੁਕਾਬਲਿਆਂ ਵਿੱਚ ਪਹਿਲਾ ਸਥਾਨ ਲੀਨਾ, ਦੂਜਾ ਸਥਾਨ ਦਾਮਿਨੀ ਅਤੇ ਤੀਜਾ ਸਥਾਨ ਦਿਵਿਆ ਮਹਿਤਾ ਨੇ ਹਾਸਿਲ ਕੀਤਾ। ਮੁਕਾਬਲਿਆਂ ਦੀ ਚੋਣ ਡਾ. ਰਣਜੀਤ ਕੌਰ, ਡਾ. ਅਮਨਦੀਪ ਸੱਪਲ ਅਤੇ ਡਾ. ਹਰਜਿੰਦਰ ਸਿੰਘ ਤੋਂ ਕਰਵਾਈ ਗਈ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਵਿਦਿਆਰਥੀਆਂ ਨੇ ਵੱਧ ਚੜ ਕੇ ਹਿੱਸਾ ਲਿਆ।
ਵਿਦਿਆਰਥੀ ਰਜਨਦੀਪ, ਸਿਹਜਦੀਪ, ਮਨਜੋਤ ਕੌਰ, ਸ਼ੀਖਾ, ਖੁਸ਼ਿਕਾ, ਅਰਸ਼ਦੀਪ ਸਿੰਘ, ਰਣਬੀਰ ਸਿੰਘ, ਗੁਰਪ੍ਰੀਤ ਸਿੰਘ, ਸ਼ੁਭਮ ਵੱਲੋਂ ਇਸ ਸਮਾਗਮ ਦੇ ਆਯੋਜਨ ਵਿਚ ਯੋਗਦਾਨ ਪਾਇਆ ਗਿਆ। ਇਸ ਮੌਕੇ ਤੇ ਡਾ. ਗੁਰਮੀਤ ਕੌਰ, ਡਾ. ਰਣਜੀਤ ਕੌਰ, ਡਾ. ਅੰਮ੍ਰਿਤ ਕੌਰ, ਡਾ. ਸੋਨੀਆਂ, ਇੰਜ. ਦੀਪਤੀ ਬਾਂਸਲ, ਇੰਜ. ਮਨਦੀਪ ਕੌਰ, ਇੰਜ. ਰਮਨਦੀਪ ਕੌਰ, ਡਾ. ਸੋਨੀਆਂ ਗੋਇਲ, ਡਾ. ਲਵਕੇਸ਼, ਡਾ. ਰਾਜਬੀਰ ਕੌਰ, ਇੰਜ. ਭਾਵਨਾ ਉਤਰੇਜਾ, ਇੰਜ. ਕਰਮਜੀਤ ਕੌਰ, ਇੰਜ. ਅਮਨਦੀਪ ਕੌਰ ਧਾਲੀਵਾਲ, ਇੰਜ. ਅਮਨਦੀਪ ਕੌਰ ਬਰਾੜ, ਡਾ. ਬੇਅੰਤ ਕੌਰ, ਡਾ. ਰੁਪਿੰਦਰ ਕੌਰ ਮੈਂਬਰ ਸ਼ਾਮਿਲ ਸਨ।