ਖਰੜ : ਖਰੜ ਵਿਕਾਸ ਗਰੁੱਪ ਦੇ ਪ੍ਰਧਾਨ ਸੁਧੀਰ ਗੁਲੇਰੀਆਂ ਨੇ ਐਸ.ਡੀ.ਐਮ. ਖਰੜ ਨੂੰ ਇੱਕ ਪੱਤਰ ਲਿਖ ਕੇ ਨਗਰ ਕੌਂਸਲ ਖਰੜ ਦੇ ਅਧਿਕਾਰੀਆਂ ਖਿਲਾਫ 22 ਜੂਨ ਨੂੰ ਨਗਰ ਕੌਂਸਲ ਖਰੜ ਦੇ ਅੱਗੇ ਅਣਮਿਥੇ ਸਮੇਂ ਲਈ ਭੁੱਖ ਹੜਤਾਲ ਸ਼ੁਰੂ ਕਰਨ ਸਬੰਧੀ ਪੱਤਰ ਲਿਖਿਆ ਹੈ ਉਨਾਂ ਲਿਖਿਆ ਹੈ ਕਿ ਉਹ ਸੋਸ਼ਲ ਵਰਕਰ ਹਨ ਜੋ ਲੋਕਾਂ ਦੀਆਂ ਸਮੱਸਿਆਵਾਂ ਨੂੰ ਕਾਨੂੰਨ ਅਨੁਸਾਰ ਸੰਬੰਧਿਤ ਮਹਿਕਮੇ ਤੋਂ ਹੱਲ ਕਰਵਾਉਂਦੇ ਹਨ ਪਰ ਨਗਰ ਕੌਂਸਲ ਖਰੜ ਦੇ ਮੌਜੂਦਾ ਅਧਿਕਾਰੀਆਂ ਵੱਲੋਂ ਕੰਮ ਨਹੀਂ ਕੀਤੇ ਜਾਂਦੇ, ਉਨ੍ਹਾਂ ਕਿਹਾ ਕਿ ਸ਼ਹਿਰ ਅੰਦਰ ਗਲੀਆਂ ਸੀਵਰੇਜ਼ ਆਦਿ ਦਾ ਬਹੁਤ ਬੁਰਾ ਹਾਲ ਹੈ , ਸਹੀ ਨਕਸ਼ੇ ਤੇ ਵੀ ਚੈਕਿੰਗ ਦੇ ਨਾਮ ਤੇ ਦੋ- ਦੋ ਸਾਲ ਦੀ ਰੋਕ ਲਗਾਈ ਜਾਂਦੀ ਹੈ ਤੇ ਨਜਾਇਜ਼ ਨਕਸ਼ੇ ਇੱਕ ਦਿਨ ਵਿੱਚ ਪਾਸ ਕਰ ਦਿੱਤੇ ਜਾਂਦੇ ਹਨ ਨਜਾਇਜ਼ ਉਸਾਰੀਆਂ ਸਬੰਧੀ ਅਧਿਕਾਰੀਆਂ ਵੀ ਕਥਿਤ ਤੌਰ ਤੇ ਪੈਸੇ ਲੈ ਕੇ ਵਾਪਸ ਆ ਜਾਂਦੇ ਹਨ ਤੇ ਕੋਈ ਕਾਰਵਾਈ ਨਹੀਂ ਕੀਤੀ ਜਾਂਦੀ। ਉਨ੍ਹਾਂ ਲਿਖਿਆ ਹੈ ਕਿ ਮੇਰੇ ਕੋਲ ਭੁੱਖ ਹੜਤਾਲ ਤੋਂ ਬੈਠਣ ਤੋਂ ਬਿਨਾਂ ਕੋਈ ਰਸਤਾ ਨਹੀਂ ਜਦੋਂ ਤੱਕ ਆਮ ਜਨਤਾ ਨੂੰ ਰਾਹਤ ਨਹੀਂ ਮਿਲਦੀ ਉਦੋਂ ਤੱਕ ਮੇਰੇ ਵੱਲੋਂ ਅਣਮਿਥੇ ਸਮੇਂ ਲਈ ਹੜਤਾਲ ਜਾਰੀ ਰਹੇਗੀ।