ਚੰਡੀਗੜ੍ਹ : ਐਲਜੀ ਇਲੈਕਟ੍ਰਾਨਿਕਸ ਇੰਡੀਆ ਲਿਮਿਟੇਡ ਨੇ ਵਿੱਤੀ ਵਰ੍ਹੇ 2026 ਦੀ ਚੌਥੀ ਤਿਮਾਹੀ ਦੇ ਨਤੀਜਿਆਂ ਦਾ ਐਲਾਨ ਕਰਦੇ ਹੋਏ ਹੁਣ ਤੱਕ ਦਾ ਸਭ ਤੋਂ ਵੱਧ ਤਿਮਾਹੀ ਰਿਵੈਨਿਊ ਦਰਜ ਕੀਤਾ ਹੈ। ਕੰਪਨੀ ਨੇ ਇਸ ਸ਼ਾਨਦਾਰ ਪ੍ਰਾਪਤੀ ਦਾ ਕਾਰਨ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਵਧੀ ਹੋਈ ਮੰਗ ਅਤੇ ਪ੍ਰੀਮੀਅਮ ਉਤਪਾਦਾਂ ਦੀ ਵਧਦੀ ਪ੍ਰਸਿੱਧੀ ਨੂੰ ਦੱਸਿਆ। ਕੰਪਨੀ ਦਾ ਸੰਚਾਲਕੀ ਰਿਵੈਨਿਊ ਚੌਥੀ ਤਿਮਾਹੀ ਵਿੱਚ 80.54 ਅਰਬ ਰੁਪਏ ਰਿਹਾ, ਜੋ ਪਿਛਲੇ ਵਿੱਤੀ ਵਰ੍ਹੇ ਦੀ ਇਸੇ ਤਿਮਾਹੀ ਦੇ 74.48 ਅਰਬ ਰੁਪਏ ਨਾਲੋਂ 8.1 ਫੀਸਦੀ ਵੱਧ ਹੈ। ਇਸ ਦੌਰਾਨ ਕੰਪਨੀ ਦਾ ਸੰਚਾਲਕੀ ਮੁਨਾਫਾ (ਈਬਿਟਡਾ) 9.45 ਅਰਬ ਰੁਪਏ ਰਿਹਾ ਅਤੇ ਈਬਿਟਡਾ ਮਾਰਜਿਨ 11.7 ਫੀਸਦੀ ਦਰਜ ਕੀਤਾ ਗਿਆ। ਇਸੇ ਤਰ੍ਹਾਂ, ਕਰ ਬਾਅਦ ਸ਼ੁੱਧ ਲਾਭ 6.93 ਅਰਬ ਰੁਪਏ ਰਿਹਾ। ਪੂਰੇ ਵਿੱਤੀ ਵਰ੍ਹੇ 2026 ਵਿੱਚ ਕੰਪਨੀ ਦਾ ਕੁੱਲ ਸੰਚਾਲਕੀ ਰਿਵੈਨਿਊ 246.05 ਅਰਬ ਰੁਪਏ ਤੱਕ ਪਹੁੰਚ ਗਿਆ। ਕੰਪਨੀ ਦੀ ਇਹ ਤਰੱਕੀ ਮੁੱਖ ਤੌਰ ’ਤੇ ਵੱਡੀ ਸਕ੍ਰੀਨ ਵਾਲੇ ਟੈਲੀਵਿਜ਼ਨ, ਡਬਲ ਡੋਰ ਫ੍ਰਿਜ, ਪੂਰੀ ਤਰ੍ਹਾਂ ਸਵੈਚਾਲਿਤ ਵਾਸ਼ਿੰਗ ਮਸ਼ੀਨਾਂ ਅਤੇ ਪੰਜ-ਸਟਾਰ ਸ਼੍ਰੇਣੀ ਵਾਲੇ ਏਅਰ ਕੰਡੀਸ਼ਨਰ ਵਰਗੇ ਪ੍ਰੀਮੀਅਮ ਉਤਪਾਦਾਂ ਦੀ ਮਜ਼ਬੂਤ ਮੰਗ ਕਾਰਨ ਸੰਭਵ ਹੋਈ ਹੈ। ਕੰਪਨੀ ਨੇ “ਭਾਰਤ ਵਿੱਚ ਨਿਰਮਾਣ, ਭਾਰਤ ਲਈ ਨਿਰਮਾਣ ਅਤੇ ਭਾਰਤ ਨੂੰ ਵਿਸ਼ਵ ਪੱਧਰੀ ਨਿਰਮਾਣ ਕੇਂਦਰ ਬਣਾਉਣ” ਦੀ ਆਪਣੀ ਰਣਨੀਤੀ ਰਾਹੀਂ ਬਾਜ਼ਾਰ ਵਿੱਚ ਆਪਣੀ ਅਗੇਤੀ ਸਥਿਤੀ ਹੋਰ ਮਜ਼ਬੂਤ ਕੀਤੀ ਹੈ। ਇਲੈਕਟ੍ਰਾਨਿਕਸ ਇੰਡੀਆ ਦੇ ਮੈਨੇਜਿੰਗ ਡਾਇਰੈਕਟਰ ਸ਼੍ਰੀ ਹਾਂਗ ਜੂ ਜੀਓਨ ਨੇ ਦੱਸਿਆ ਕਿ, “ਵਿੱਤੀ ਵਰ੍ਹਾ 2026 ਦੀ ਚੌਥੀ ਤਿਮਾਹੀ ਵਿੱਚ ਪ੍ਰਾਪਤ ਇਹ ਇਤਿਹਾਸਕ ਰਿਵੈਨਿਊ ਸਾਡੇ ਬ੍ਰਾਂਡ ਦੀ ਭਰੋਸੇਯੋਗਤਾ ਅਤੇ ਸਾਡੇ ਕਾਰੋਬਾਰੀ ਮਾਡਲ ਦੀ ਮਜ਼ਬੂਤੀ ਦਾ ਸਬੂਤ ਹੈ। ਚੁਣੌਤੀਪੂਰਨ ਗਲੋਬਲ ਹਾਲਾਤਾਂ ਦੇ ਬਾਵਜੂਦ ਅਸੀਂ ਨਵੀਨਤਾ, ਪ੍ਰੀਮੀਅਮ ਉਤਪਾਦਾਂ ਦੇ ਵਿਸਥਾਰ ਅਤੇ ਗਾਹਕ-ਕੇਂਦਰਿਤ ਰਣਨੀਤੀ ’ਤੇ ਲਗਾਤਾਰ ਕੰਮ ਕਰ ਰਹੇ ਹਾਂ।” ਕੰਪਨੀ ਨੇ ਹਿੰਦੂਜਾ ਰਿਨਿਊਏਬਲ ਐਨਰਜੀ ਪ੍ਰਾਈਵੇਟ ਲਿਮਿਟੇਡ ਅਤੇ ਸਨਸ਼ਿਊਰ ਐਨਰਜੀ ਪ੍ਰਾਈਵੇਟ ਲਿਮਿਟੇਡ ਨਾਲ ਲੰਬੇ ਸਮੇਂ ਲਈ ਸੂਰਜੀ ਊਰਜਾ ਸਮਝੌਤੇ ਵੀ ਕੀਤੇ ਹਨ, ਜੋ ਭਾਰਤ ਵਿੱਚ ਇਸਦੀ ਪਹਿਲੀ ਕੈਪਟਿਵ ਨਵੀਨੀਕਰਨਯੋਗ ਊਰਜਾ ਪ੍ਰੋਜੈਕਟ ਹੋਵੇਗੀ।