ਖਰੜ : ਭਾਰਤੀ ਜਨਤਾ ਪਾਰਟੀ ਦੇ ਆਗੂ ਪਵਨ ਮਨੋਚਾ ਨੇ ਨਗਰ ਕੌਸਲ ਖਰੜ ਦੀ ਹਦੂਦ ਵਿਚ ਪਹਿਲਾਂ ਸ਼ਾਮਲ ਕੀਤੇ ਗਏ ਛੇ ਪਿੰਡਾਂ ਨੂੰ ਵੋਟਾਂ ਤੋਂ ਵਾਂਝੇ ਰੱਖਣ ਤੇ ਮਾਨਯੋਗ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਵਿਚ ਪਿੰਡਾਂ ਦੇ ਵਸਨੀਕਾਂ ਵਲੋਂ ਪਾਏ ਕੇਸ ਤੇ ਸਟੇਅ ਕਰਨ ਤੇ ਸਵਾਗਤ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਸਟੇਅ ਕਾਰਨ ਭਾਵੇ ਨਗਰ ਕੋਸਲ ਖਰੜ ਦੀਆਂ ਚੋਣਾਂ ਮੁਲਤਵੀ ਹੋ ਗਈ ਹਨ ਅਤੇ ਛੇ ਪਿੰਡਾਂ ਦੇ ਵਸਨੀਕਾਂ ਅਤੇ ਵੋਟਰਾਂ ਨੂੰ ਨਵੀ ਵਾਰਡਬੰਦੀ ਨਾਲ ਇਨਸਾਫ ਮਿਲੇਗਾ। ਉਨ੍ਹਾਂ ਕਿਹਾ ਕਿ ਜਦੋਂ ਨਗਰ ਕੌਸਲ ਖਰੜ ਵਿਚ 27 ਵਾਰਡਾਂ ਦੀ ਨਵੀ ਵਾਰਡਬੰਦੀ ਕੀਤੀ ਗਈ ਤਾਂ ਸਰਕਾਰ ਨੇ ਜਾਣ ਬੁੱਝ ਕੇ ਇਨ੍ਰਾਂ ਛੇ ਪਿੰਡਾਂ ਨੂੰ ਵਾਰਡਬੰਦੀ ਵਿਚ ਸ਼ਾਮਲ ਕਰਨ ਦੀ ਬਿਜਾਏ ਵਾਝਾਂ ਰੱਖਿਆ ਗਿਆ ਜਿਸ ਕਾਰਨ ਪਿੰਡਾਂ ਨੂੰ ਮਾਨਯੋਗ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਵਿਚ ਰਿੱਟ ਪਟੀਸ਼ਨ ਪਾਉਣੀ ਹੈ ਜਿਸਦਾ ਫੈਸਲਾ ਪਿੰਡਾਂ ਦੇ ਲੋਕਾਂ ਦੇ ਹੱਕ ਵਿਚ ਸੁਣਾਇਆ ਗਿਆ ਅਤੇ ਪਿੰਡਾਂ ਦੀ ਜਿੱਤ ਹੋਈ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਸਰਕਾਰ ਹੁਣ ਇਨ੍ਹਾਂ ਪਿੰਡਾਂ ਵਿਚ ਵਾਰਡਬੰਦੀ ਕਰਵਾਏ ਅਤੇ ਅਬਾਦੀ ਅਨੁਸਾਰ ਖਰੜ ਕੌਸਲ ਦੀਆਂ ਵਾਰਡਾਂ ਵਿਚ ਵਾਧਾ ਕਰੇ।