ਅੰਮ੍ਰਿਤਸਰ : ਰੈਡ ਕਰਾਸ ਭਵਨ ਵਿਖੇ ਗੁਰੂ ਰਾਮਦਾਸ ਮੈਡੀਕਲ ਕਾਲਜ ਵੱਲ੍ਹਾ ਦੇ ਨਰਸਿੰਗ ਕਾਲਜ ਦੇ ਬੀ ਐਸ ਈ ਦੇ ਵਿਦਿਆਰਥੀਆਂ ਨੇ ਪ੍ਰੈਕਟੀਕਲ ਟਰੇਨਿੰਗ ਵਜੋਂ ਰੈਡ ਕਰਾਸ ਦੇ ਮਾਨਵਤਾ ਦੀ ਸੇਵਾ ਲਈ ਕੀਤੇ ਜਾਦੇ ਕੰਮਾਂ ਬਾਰੇ ਰੈਡ ਕਰਾਸ ਭਵਨ ਪਹੁੰਚ ਕੇ ਜਾਣਕਾਰੀ ਪ੍ਰਾਪਤ ਕੀਤੀ। ਇਸ ਮੌਕੇ ਤੇ ਇਨਾਂ ਵਿਦਿਆਰਥੀਆ ਨੂੰ ਆਪਣੇ ਸਨੇਹੇ ਵਿੱਚ ਸ੍ਰੀ ਦਲਵਿੰਦਰਜੀਤ ਸਿੰਘ ਡਿਪਟੀ ਕਮਿਸ਼ਨਰ-ਕਮ-ਪ੍ਰਧਾਨ, ਰੈਡ ਕਰਾਸ ਸੁਸਾਇਟੀ,ਅੰਮ੍ਰਿਤਸਰ ਨੇ ਕਿਹਾ ਕਿ ਅਜੋਕੇ ਸਮੇ ਵਿੱਚ ਫਸਟ ਏਡ ਟਰੇਨਿੰਗ ਕਿਸੇ ਵੀ ਐਮਰਜੈਂਸੀ ਹਾਲਾਤ ਨਾਲ ਨਜਿਠਣ ਲਈ ਅਤੇ ਲੋੜਵੰਦਾਂ ਦੇ ਇਲਾਜ ਵਜੋਂ ਮੁਹੱਲੀ ਸਹਾਇਤਾ ਦੇਣ ਲਈ ਜਰੂਰੀ ਹੈ ਅਤੇ ਰੈਡ ਕਰਾਸ ਸੁਸਾਇਟੀ,ਅੰਮ੍ਰਿਤਸਰ ਜਿਲ੍ਹਾ ਪ੍ਰਸ਼ਾਸਨ ਦੀ ਅਗਾਵਾਈ ਹੇਠ ਗਤੀਸ਼ੀਲ ਹੈ ਅਤੇ ਵੱਖ ਵੱਖ ਨਰਸਿੰਗ ਕਾਲਜਾਂ ਅਤੇ ਹਰ ਵਿਦਿਆਰਥੀ ਨੂੰ ਇਹ ਚਾਹੀਦਾ ਹੈ ਕਿ ਉਹ ਇਸ ਟਰੇਨਿੰਗ ਦਾ ਵੱਧ ਤੋਂ ਵੱਧ ਫਾਇਦਾ ਲੈਣ ਕਿਉਕਿ ਰੈਡ ਕਰਾਸ ਵਿਖੇ ਫਸਟ ਏਡ ਦੀ ਟਰੇਨਿੰਗ ਦੇਣ ਲਈ ਇੱਕ ਟਰੇਨਡ ਟੀਮ, ਸੈਟ ਜਾਨ ਐਂਮਬੂਲੈਂਸ ਅਧੀਨ ਤਾਇਨਾਤ ਹੈ ਅਤੇ ਡੀ ਸੀ ਸਾਹਿਬ ਨੇ ਇਹ ਵੀ ਕਿਹਾ ਕਿ ਮਾਨਵਤਾ ਦੀ ਸੇਵਾ ਲਈ ਫਸਟ ਏਡ ਟਰੇਨਿੰਗ ਜਰੂਰੀ ਹੈ । ਇਸ ਮੌਕੇ ਤੇ ਸ੍ਰੀ ਸੈਮਸਨ ਮਸੀਹ, ਕਾਰਜਕਾਰੀ ਸਕੱਤਰ, ਰੈਡ ਕਾਰਸ ਨੇ ਸਾਰੇ ਵਿਦਿਆਰਥੀਆ ਨੂੰ ਰੈਡ ਕਰਾਸ ਦੇ ਇਤਿਹਾਸ ਬਾਰੇ ਜਾਣੂ ਕਰਵਾਇਆ ਅਤੇ ਦੱਸਿਆ ਕਿ ਰੈਡ ਕਰਾਸ ਵਿਸ਼ਵ ਦੇ 193 ਦੇਸ਼ਾ ਵਿੱਚ ਮਾਨਵਤਾ ਦੀ ਸੇਵਾ ਲਈ ਨਿਸ਼ਕਾਮ ਸੇਵਾ ਭਾਵਨਾ ਨਾਲ ਕੰਮ ਕਰ ਰਹੀ ਹੈ ਅਤੇ ਇਸ ਦੇ ਨਾਲ ਹੀ ਉਨ੍ਹਾ ਨੇ ਇਹ ਵੀ ਦੱਸਿਆ ਕਿ ਭਾਰਤ ਵਿੱਚ 1100 ਤੋ ਵੱਦ ਬ੍ਰਾਂਚਾ ਕੰਮ ਕਰ ਰਹੀਆ ਹਨ। ਇਸ ਦੇ ਨਾਲ ਹੀ ਸ਼੍ਰੀ ਸੈਮਸਨ ਮਸੀਹ ਨੇ ਦੱਸਿਆ ਕਿ ਕੱਲ 08 ਮਈ 2026 ਨੂੰ ਵਿਸ਼ਵ ਰੈਡ ਕਰਾਸ ਦਿਵਸ ਜੋ ਕਿ ਹੈਨਰੀ ਡੁਨਟ ਨੂੰ ਸਮਰਪਿਤ ਹੈ ਮਨਾਇਆ ਜਾ ਰਿਹਾ ਹੈ । ਇਸ ਮੌਕੇ ਤੇ ਰੈਡ ਕਾਰਸ ਦੇ ਫਸਟ ਏਡ ਦੇ ਮਾਹਿਰਾ ਵੱਲੋ ਫਸਟ ਏਡ ਦੇ ਬਾਰੇ ਇੱਕ ਵਿਸਥਾਰ ਪੂਰਵਕ ਜਾਣਕਾਰੀ ਪ੍ਰਦਾਨ ਕੀਤੀ ਗਈ ਅਤੇ ਇਸ ਮੌਕੇ ਤੇ ਫਸਟ ਏਡ ਟਰੇਨਰ ਸ਼੍ਰੀ ਯੂਸਫ ਮਸੀਹ, ਸ੍ਰੀ ਵਿਨੋਦ ਸ਼ਰਮਾ, ਸ਼੍ਰੀ ਸਸ਼ਪਾਲ ਸਿੰਘ, ਸ਼੍ਰੀ ਮੁਕੁਲ, ਮਿਸ ਨੇਹਾ ਹਾਜਰ ਸਨ।