ਫਰੀਦਕੋਟ ਵਿੱਚ ਪੀਣ ਵਾਲੇ ਪਾਣੀ ਦੀ ਗੁਣਵੱਤਾ ਮਾਮਲਾ

ਕੋਟਕਪੂਰਾ :  ਵਿਧਾਨ ਸਭਾ ਹਲਕਾ ਫਰੀਦਕੋਟ ਵਿੱਚ ਜਮੀਨੀ ਪਾਣੀ ਦੀ ਗੁਣਵੱਤਾ ਸਬੰਧੀ ਲਗਾਤਾਰ ਵੱਧ ਰਹੀਆਂ ਗੰਭੀਰ ਚਿੰਤਾਵਾਂ ਦੇ ਮੱਦੇਨਜ਼ਰ ਅੱਜ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਨਾਲ ਹੋਈ ਅਹਿਮ ਮੀਟਿੰਗ ਵਿੱਚ ਮੇਰੀ ਟੀਮ ਦੇ ਸੀਨੀਅਰ ਮੈਂਬਰਾਂ ਅਤੇ ਸਮਾਜ ਦੇ ਮਾਣਯੋਗ ਵਰਿਸ਼ਠ ਸੱਜਣਾਂ ਵੱਲੋਂ ਪੂਰੀ ਜ਼ਿੰਮੇਵਾਰੀ ਅਤੇ ਗੰਭੀਰਤਾ ਨਾਲ ਇਹ ਮਾਮਲਾ ਮਜ਼ਬੂਤੀ ਨਾਲ ਉਠਾਇਆ ਗਿਆ। ਮੀਟਿੰਗ ਦੌਰਾਨ ਅਤੇ ਇਸ ਤੋਂ ਬਾਅਦ ਲਿਖਤੀ ਰੂਪ ਵਿੱਚ ਹੇਠ ਲਿਖੀਆਂ ਮੁੱਖ ਮੰਗਾਂ ਰੱਖੀਆਂ ਗਈਆਂ ਪਾਣੀ ਸੈਂਪਲਿੰਗ ਸਬੰਧੀ ਮੁੱਖ ਮੰਗਾਂ ਫਰੀਦਕੋਟ ਦੇ ਸਾਰੇ ਸ਼ਹਿਰੀ ਅਤੇ ਪਿੰਡ ਖੇਤਰਾਂ ਵਿੱਚ ਵਿਗਿਆਨਕ ਤਰੀਕੇ ਨਾਲ ਵਿਆਪਕ ਸੈਂਪਲਿੰਗ ਕੀਤੀ ਜਾਵੇ, ਐਨ.ਏ.ਬੀ.ਐੱਲ. ਮਾਨਤਾ ਪ੍ਰਾਪਤ ਲੈਬ ਵਿੱਚ ਯੂਰੇਨੀਅਮ, ਆਰਸੇਨਿਕ, ਲੀਡ ਅਤੇ ਹੋਰ ਹੈਵੀ ਮੈਟਲ ਦੀ ਲਾਜ਼ਮੀ ਜਾਂਚ ਪਿੰਡ-ਵਾਰ ਅਤੇ ਵਾਰਡ-ਵਾਰ ਰਿਪੋਰਟਾਂ ਪੂਰੀ ਪਾਰਦਰਸ਼ਤਾ ਨਾਲ ਜਨਤਕ ਕੀਤੀਆਂ ਜਾਣ ਅਤੇ੍ਹ ਸੈਂਪਲਿੰਗ ਦੌਰਾਨ ਲੋਕੇਸ਼ਨ ਟੈਗਿੰਗ ਅਤੇ ਵੀਡੀਓ ਡੌਕੂਮੈਂਟੇਸ਼ਨ ਲਾਜ਼ਮੀ ਬਣਾਈ ਜਾਵੇ। ਜਿੱਥੇ ਸੈਂਪਲਿੰਗ ਦੀ ਖਾਸ ਮੰਗ ਕੀਤੀ ਗਈ (ਚੁਣੇ ਹੋਏ ਖੇਤਰ) ਨੇਹਰੂ ਸਟੇਡੀਅਮ, ਬ੍ਰਿਜਿੰਦਰਾ ਕਾਲਜ, ਬਲਬੀਰ ਸੀਨੀਅਰ ਸਕੂਲ, ਬੱਸ ਸਟੈਂਡ, ਸਿਵਲ ਹਸਪਤਾਲ, ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ, ਬਲਬੀਰ ਬਸਤੀ, ਪੁਰਾਣਾ ਬੱਸ ਸਟੈਂਡ, ਤਲਵੰਡੀ ਚੌਂਕ, ਵਾਟਰ ਵਰਕਸ ਬੋਰ, ਨਵੀਂ-ਪੁਰਾਣੀ ਦਾਣਾ ਮੰਡੀ, ਗੁਰਦੁਆਰਾ ਬਾਬਾ ਫਰੀਦ ਜੀ, ਕਿਲ੍ਹਾ ਇਲਾਕਾ, ਗੋਦੜੀ ਸਾਹਿਬ, ਡੋਗਰ ਬਸਤੀ, ਫਿਰੋਜ਼ਪੁਰ ਰੋਡ, ਭਾਨ ਸਿੰਘ ਕਾਲੋਨੀ, ਭਗਤ ਸਿੰਘ ਪਾਰਕ, ਬਾਜ਼ੀਗਰ ਬਸਤੀ, ਕਮੇਆਣਾ ਚੌਂਕ, ਕੈਂਟ ਰੋਡ ਆਦਿ ਅਤੇ ਪਿੰਡ ਖੇਤਰ ਹਲਕੇ ਦੇ ਹਰ ਪਿੰਡ ਵਿੱਚੋਂ ਘੱਟੋ-ਘੱਟ ਇੱਕ ਸਰਕਾਰੀ ਪਾਣੀ ਸਰੋਤ ਤੋਂ ਸੈਂਪਲਿੰਗ ਦੀ ਮੰਗ ਕੀਤੀ ਗਈ ਹੈ, ਤਾਂ ਜੋ ਪੂਰੇ ਇਲਾਕੇ ਦੀ ਅਸਲੀ ਸਥਿਤੀ ਸਾਹਮਣੇ ਆ ਸਕੇ। ਮੀਟਿੰਗ ਵਿੱਚ ਇਹ ਵੀ ਉਠਾਇਆ ਗਿਆ ਕਿ ਕਈ ਖੇਤਰਾਂ ਵਿੱਚ ਜਮੀਨੀ ਪਾਣੀ ਸਿੱਧਾ ਸਪਲਾਈ ਲਈ ਵਰਤਿਆ ਜਾ ਰਿਹਾ ਹੈ। ਇਸ ਸਬੰਧੀ ਵਿਭਾਗ ਤੋਂ ਲਿਖਤੀ ਸਪਸ਼ਟੀਕਰਨ ਮੰਗਿਆ ਗਿਆ ਹੈ ਅਤੇ ਜਿੱਥੇ ਪਾਈਪਲਾਈਨ ਸਿਸਟਮ ਮੌਜੂਦ ਨਹੀਂ, ਉੱਥੇ ਤੁਰੰਤ ਬੁਨਿਆਦੀ ਢਾਂਚਾ ਵਿਕਸਿਤ ਕਰਨ ਦੀ ਮੰਗ ਕੀਤੀ ਗਈ ਹੈ। ਜਿੱਥੇ ਪਾਣੀ ਦੀ ਗੁਣਵੱਤਾ ਖਰਾਬ ਹੈ, ਉੱਥੇ ਤੁਰੰਤ ਸੁਰੱਖਿਅਤ ਪੀਣ ਵਾਲਾ ਪਾਣੀ ਉਪਲਬਧ ਕਰਵਾਇਆ ਜਾਵੇ, ਡਿਪਟੀ ਕਮਿਸ਼ਨਰ ਦੀ ਅਗਵਾਈ ਹੇਠ ਵਿਸ਼ੇਸ਼ ਟਾਸਕ ਫੋਰਸ ਬਣਾਈ ਜਾਵੇ, ਪੂਰੇ ਮਾਮਲੇ ’ਤੇ ਟਾਈਮ-ਬਾਊਂਡ ਐਕਸ਼ਨ ਟੇਕਨ ਰਿਪੋਰਟ ਜਾਰੀ ਕੀਤੀ ਜਾਵੇ ਅਤੇ ਲੰਬੇ ਸਮੇਂ ਲਈ ਸਰਫੇਸ ਵਾਟਰ ਅਤੇ ਆਧੁਨਿਕ ਸ਼ੁੱਧੀਕਰਨ ਪ੍ਰਣਾਲੀ ਆਧਾਰਿਤ ਸਥਾਈ ਹੱਲ ਲਾਗੂ ਕੀਤਾ ਜਾਵੇ, ਇਸ ਜਨਹਿਤੀ ਮਸਲੇ ਨੂੰ ਮਜ਼ਬੂਤੀ ਨਾਲ ਉਠਾਉਣ ਵਿੱਚ ਮੇਰੀ ਟੀਮ ਦੇ ਸੀਨੀਅਰ ਮੈਂਬਰਾਂ ਦੇ ਨਾਲ ਸ਼ੰਕਰ ਸ਼ਰਮਾ, ਤੇਜਬੀਰ ਮਾਨ, ਵਿਜੇਂਦਰ ਵਿਨਾਇਕ, ਕੇਵਲ ਕ੍ਰਿਸ਼ਨ ਕਟਾਰੀਆ ਅਤੇ ਸਨੀ ਸਚਦੇਵਾ ਦਾ ਮਹੱਤਵਪੂਰਨ ਯੋਗਦਾਨ ਰਿਹਾ, ਜਿਨ੍ਹਾਂ ਨੇ ਸਮਾਜਕ ਜ਼ਿੰਮੇਵਾਰੀ ਨੂੰ ਨਿਭਾਉਂਦੇ ਹੋਏ ਪੂਰਾ ਸਹਿਯੋਗ ਦਿੱਤਾ। ਇਹ ਮਾਮਲਾ ਸਿਰਫ ਪਾਣੀ ਦਾ ਨਹੀਂ, ਸਿੱਧਾ ਲੋਕਾਂ ਦੀ ਸਿਹਤ ਅਤੇ ਭਵਿੱਖ ਨਾਲ ਜੁੜਿਆ ਹੋਇਆ ਹੈ। ਸਾਡੀ ਟੀਮ ਜਨਹਿਤ ਵਿੱਚ ਪੂਰੀ ਨਿਸ਼ਠਾ ਨਾਲ ਇਸ ਮਸਲੇ ਨੂੰ ਅੱਗੇ ਵਧਾ ਰਹੀ ਹੈ ਅਤੇ ਉਮੀਦ ਕਰਦੇ ਹਾਂ ਕਿ ਵਿਭਾਗ ਵੱਲੋਂ ਤੁਰੰਤ, ਪਾਰਦਰਸ਼ੀ ਅਤੇ ਜਵਾਬਦੇਹ ਕਾਰਵਾਈ ਕੀਤੀ ਜਾਵੇਗੀ।