ਪ੍ਰਸ਼ਾਸਨ ਵੱਲੋਂ ਸਰਕਾਰੀ ਜਗਾ ’ਤੇ ਨਾਜਾਇਜ਼ ਕਬਜ਼ਾ ਛੁਡਾਉਣ ਦੀ ਵੱਡੀ ਕਾਰਵਾਈ
April 23, 2026 09:44 PM
Rozana Sehaj times
ਕੋਟਕਪੂਰਾ : ਸਥਾਨਕ ਮੁਹੱਲਾ ਪ੍ਰੇਮ ਨਗਰ ਵਿਖੇ ਲਾਲ ਸਿੰਘ ਵਾਲੀ ਗਲੀ ਵਿੱਚ ਕੁਝ ਲੋਕਾਂ ਵੱਲੋਂ 20 ਮਰਲੇ ਕਬਜ਼ਾ ਕਰ ਲਿਆ ਗਿਆ ਸੀ, ਜਿਸ ’ਤੇ ਲੈਂਟਰ ਪਾਉਣ ਦੀ ਵੀ ਜੋਰਾ ਸ਼ੋਰਾਂ ਨਾਲ ਤਿਆਰੀ ਚੱਲ ਰਹੀ ਸੀ। ਕੋਟਕਪੂਰਾ ਦੇ ਤਹਿਸੀਲਦਾਰ, ਡੀਐਸਪੀ, ਨਗਰ ਕੌਂਸਲ ਦੇ ਕਾਰਜ ਸਾਧਕ ਅਫਸਰ ਵੱਲੋਂ ਪੀਲਾ ਪੰਜਾ ਚਲਾ ਕੇ ਕਬਜ਼ਾ ਛੁੜਾਇਆ ਗਿਆ, ਜਿਸ ਦੀ ਕਵਰੇਜ ਦੀਪਕ ਮਹਿਤਾ ਪੂਰੇ ਪ੍ਰਸ਼ਾਸਨ ਵਿੱਚ ਖੜੇ ਹੋ ਕੇ ਕਰ ਰਹੇ ਸੀ, ਨਗਰ ਕੌਂਸਲ ਦੇ ਕਾਰਜ ਸਾਧਕ ਅਫਸਰ ਤੋਂ ਵਰਸ਼ਨ ਲੈ ਰਹੇ ਸਨ, ਉਸ ਮੌਕੇ ਦੀਪਕ ਮਹਿਤਾ ਉਪਰ ਜਾਨਲੇਵਾ ਹਮਲਾ ਕੀਤਾ ਗਿਆ ਅਤੇ ਕਬਜਾ ਧਾਰੀ ਵੱਲੋ ਕਵਰੇਜ ਕਰਨ ਤੋ ਰੋਕਿਆ ਗਿਆ। ਜਾਨੋ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ ਗਈਆਂ, ਜਦ ਦੀਪਕ ਮਹਿਤਾ ਨੇ ਨਗਰ ਕੌਸਲ ਦੇ ਕਾਰਜ ਸਾਧਕ ਅਫਸਰ ਤੋ ਵਰਸ਼ਨ ਲੈਣ ਲੱਗੇ ਤ: ਕਬਜਾਂਧਾਰੀਆਂ ਨੇ ਮੋਬਾਇਲ ਖੋਹ ਕੇ ਤੋੜ ਦਿੱਤਾ ਤੇ ਕੁੱਟਮਾਰ ਕੀਤੀ, ਜਿੱਥੇ ਲੋਕਤੰਤਰ ਦੇ ਚੌਥੇ ਥੰਮ ’ਤੇ ਹਮਲਾ ਕਰਕੇ ਅਵਾਜ ਨੂੰ ਦਬਾਉਣ ਦੀ ਕੋਸ਼ਿਸ਼ ਕੀਤੀ ਗਈ। ਉਸ ਮੌਕੇ ਦੀਪਕ ਮਹਿਤਾ ਨੂੰ ਬਾਬਾ ਦਿਆਲ ਸਿੰਘ ਸਿਵਲ ਹਸਪਤਾਲ ਕੋਟਕਪੂਰਾ ਵਿੱਚ ਦਾਖਲ ਕਰਵਾਇਆ ਗਿਆ। ਪੁਲਿਸ ਨੇ ਬਿਆਨ ਲੈ ਲਏ ਉਸ ਮੌਕੇ ਉਹਨਾਂ ਦਾ ਪਤਾ ਲੈਣ ਆਏ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਦੇ ਛੋਟੇ ਭਰਾ ਐਡਵੋਕੇਟ ਬੀਰਇੰਦਰ ਸਿੰਘ, ਪ੍ਰੈੱਸ ਟਰੱਸਟ ਦੇ ਪ੍ਰਧਾਨ ਸੁਭਾਸ਼ ਮਹਿਤਾ, ਸੈਕਟਰੀ ਬਲਜਿੰਦਰ ਸਿੰਘ ਬਲੀ, ਵਾਇਸ ਚੇਅਰਮੈਨ ਵੀਪੀ ਸਿੰਘ, ਸਰਪ੍ਰਸਤ ਹਰਿੰਦਰ ਅਹੂਜਾ, ਪੀ.ਆਰ.ਓ. ਕਮਲ ਕਟਾਰੀਆ, ਸਲਾਹਕਾਰ ਗੁਰਮੀਤ ਸਿੰਘ ਔਲਖ, ਰਾਜ ਕੁਮਾਰ ਆਦਿ ਨੇ ਕਿਹਾ ਕੀ ਕਬਜਾਧਾਰੀਆਂ ’ਤੇ ਸਖ਼ਤ ਤੋ ਸਖ਼ਤ ਕਾਰਵਾਈ ਹੋਣੀ ਚਾਹੀਦੀ ਹੈ।
Have something to say? Post your comment