ਅੰਮ੍ਰਿਤਸਰ : ਨਗਰ ਨਿਗਮ ਅੰਮ੍ਰਿਤਸਰ ਵਲੋਂ ਸ਼ਹਿਰ ਦੀ ਸਫਾਈ ਵਿਵਸਥਾ ਨੂੰ ਬਰਕਰਾਰ ਰੱਖਣ ਲਈ ਆਏ ਦਿਨ ਵੱਖ-2 ਉਪਰਾਲੇ ਕੀਤੇ ਜਾ ਰਹੇ ਹਨ ਜਿਸ ਤਹਿਤ 16 ਅਪ੍ਰੈਲ 2026 ਨੂੰ ਮੇਅਰ ਜਤਿੰਦਰ ਸਿੰਘ ਭਾਟੀਆਂ ਅਤੇ ਕਮਿਸ਼ਨਰ ਬਿਕਰਮਜੀਤ ਸਿੰਘ ਸ਼ੇਰਗਿਲ ਵਲੋਂ ਇੱਕ ਪ੍ਰੈਸ ਕਾੰਨਫਰੇਂਸ ਦਾ ਆਯੋਜਨ ਕੀਤਾ ਗਿਆ ਜਿਸ ਵਿੱਚ ਉਹਨਾਂ ਦਸਿਆ ਕਿ ਸ਼ਹਿਰ ਵਾਸੀਆਂ ਨੂੰ ਸਫਾਈ ਸਬੰਧੀ ਜਾਗਰੁਕ ਕਰਨ ਲਈ ਸਮਾਜ ਸੇਵੀ ਸੰਸਥਾਵਾ ਨਾਲ ਮਿਲ ਕੇ ਨਿਗਮ 20-21-22 ਅਪ੍ਰੈਲ 2026 ਨੂੰ ਸਵਛਤਾ ਰੈਲੀ ਦਾ ਆਯੋਜਨ ਕਰ ਰਿਹਾ ਹੈ ਜੋ ਕਿ ਸਮਾਜ ਸੇਵੀ ਸੰਸਥਾ ਇਕੋ ਸੇਵਾ ਅਤੇ ਸਵਛ ਪੰਜਾਬ ਫਾਉੰਡੇਸ਼ਨ ਦੇ ਸਹਿਯੋਗ ਨਾਲ ਕੀਤਾ ਜਾ ਰਿਹਾ ਹੈ । ਇਹ ਸਵਛਤਾ ਰੈਲੀ 20 ਅਪ੍ਰੈਲ 2026 ਨੂੰ ਵਾਰਡ ਨੰ.4 ਵਿੱਖੇ ਰਖੀ ਗਈ ਹੈ ਜਿਸ ਵਿੱਚ ਇਲਾਕਾ ਨਿਵਾਸੀਆਂ ਤੋ ਇਲਾਵਾ ਸਕੂਲਾ ਦੇ ਬਚੇ ਵੀ ਭਾਗ ਲੇਣਗੇ ਅਤੇ ਇਸ ਦੌਰਾਨ ਘਰ -2 ਜਾ ਕੇ ਸਾਫ ਸਫਾਈ ਰਖਣ ਸਬੰਧੀ ਸੁਝਾਵ ਦਿਤੇ ਜਾਣਗੇ ਇਸ ਤੋ ਇਲਾਵਾ ਬਚਿਆ ਵਲੋਂ ਛੋਟੇ-2 ਬਚਿਆ ਵਲੋਂ ਸਵਛਤਾ ਅਭਿਆਨ ਪ੍ਰਤੀ ਜਾਗਰੂਕਤਾ ਕਰਨ ਲਈ ਸਕਿਟ ਪੇਸ਼ ਕੀਤੇ ਜਾਣਗੇ ਇਸੇ ਤਰਾਂ 21 ਅਪ੍ਰੈਲ 2026 ਨੂੰ ਇਹ ਰੈਲੀ ਕੰਪਨੀ ਬਾਗ ਅਤੇ 22 ਅਪ੍ਰੈਲ 2026 ਨੂੰ ਹੇਰੀਟੇਜ ਸਟਰੀਟ ਵਿੱਖੇ ਰੱਖੀ ਗਈ ਹੈ ਤਾਂ ਜੋ ਵੱਧ ਤੋ ਵੱਧ ਸ਼ਹਿਰ ਵਾਸੀ ਇਸ ਅਭਿਆਨ ਵਿੱਚ ਸ਼ਾਮਲ ਹੋ ਕੇ ਸ਼ਹਿਰ ਦੀ ਸਾਫ-ਸਫਾਈ ਨੂੰ ਬਣਾਏ ਰਖਣ ਲਈ ਵਚਨਬੱਧ ਹੋ ਸਕਣ ਗੁਰੂ ਨਗਰੀ ਦੀ ਸ਼ਾਨ, ਸਫਾਈ ਸਾਡੀ ਪਹਿਚਾਨ ਇਸ ਸਲੋਗਨ ਤਹਿਤ ਇਹ ਰੈਲੀਆਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ ।
ਇਸ ਮੌਕੇ ਤੇ ਮੇਅਰ ਜਤਿੰਦਰ ਸਿੰਘ ਭਾਟੀਆਂ ਕਮਿਸ਼ਨਰ ਬਿਕਰਮਜੀਤ ਸਿੰਘ ਸ਼ੇਰਗਿਲ ਨੇ ਪ੍ਰੈਸ ਨੂੰ ਦਸਿਆ ਕਿ ਨਗਰ ਨਿਗਮ ਅੰਮ੍ਰਿਤਸਰ ਦਾ ਮੁੱਖ ਧਿਆਨ ਇਸ ਸਮੇਂ ਸ਼ਹਿਰ ਦੀ ਸਫਾਈ ਵਿਵਸਥਾ ਨੂੰ ਚੁਸਤ ਦਰੁਸਤ ਕਰਨਾ ਹੈ ਜਿਸ ਵਾਸਤੇ ਨਗਰ ਨਿਗਮ ਦੀ ਟੀਮ ਦਿਨ ਰਾਤ ਮਿਹਨਤ ਕਰ ਰਹੀ ਹੈ । ਸਫਾਈ ਵਿਭਾਗ ਵਲੋਂ ਤਿੰਨ-2 ਸ਼ਿਫਟਾ ਵਿੱਚ ਕੰਮ ਕਰਕੇ ਸੜਕਾਂ ਤੋ ਕੂੜਾ ਚੁੱਕਿਆਂ ਜਾ ਰਿਹਾ ਹੈ ਇਸ ਤੋ ਇਲਾਵਾਂ ਮੁੱਖ ਕਮਰਸ਼ੀਅਲ ਮਾਰਕਿਟਾਂ ਅਤੇ ਸੜਕਾਂ ਤੇ ਰਾਤ ਨੂੰ ਸਫਾਈ ਦਾ ਕੰਮ ਕੀਤਾ ਜਾ ਰਿਹਾ ਹੈ । ਉਹਨਾਂ ਦਸਿਆ ਕਿ ਸ਼ਹਿਰ ਵਿੱਚ ਇਸ ਸਮੇਂ ਰੋਜਾਨਾਂ 750 ਮੀਟ੍ਰਿਕ ਟਨ ਕੂੜੇ ਦੀ ਲਿਫਟਿੰਗ ਕੀਤੀ ਜਾ ਰਹੀ ਹੈ ਜੋ ਕਿ ਆਪਣੇ ਆਪ ਵਿੱਚ ਰਿਕਾਰਡ ਹੈ । ਘਰ-2 ਕੂੜੇ ਦੀ ਲਿਫਟਿੰਗ ਨੂੰ ਯਕੀਨੀ ਬਣਾਉਣ ਲਈ ਤਕਰੀਬਨ 80 ਪ੍ਰਤੀਸ਼ਤ ਘਰਾਂ ਨੂੰ ਕਿਊ ਆਰ ਕੋਡ ਫਿਕਸ ਕੀਤੇ ਜਾ ਚੁੱਕੇ ਹਨ ਕੂੜਾ ਨਾ ਚੁੱਕਣ ਦੀ ਸੁਰਤ ਵਿੱਚ ਸ਼ਹਿਰਵਾਸੀਆਂ ਦੀ ਸਹੂਲਤ ਲਈ ਸ਼ਿਕਾਇਤ ਦਰਜ ਕਰਾਉਣ ਲਈ ਟੋਲ ਫ੍ਰੀ ਨੰਬਰ ਵੀ ਜਾਰੀ ਕੀਤੇ ਗਏ ਹਨ । ਤਾਂ ਜੋਂ ਸੱਤ ਪ੍ਰਤੀਸ਼ਤ ਕੂੜੇ ਦੀ ਲਿਫਟਿੰਗ ਹੋ ਸਕੇ । ਕੂੜਾ ਚੁੱਕਣ ਵਾਲੀ ਕੰਪਨੀ ਵਲੋਂ ਹੋਰ ਵਾਹਨਾ ਦੀ ਗਿਣਤੀ ਵਧਾਈ ਜਾ ਰਹੀ ਹੈ ਇਸ ਤੋਂ ਇਲਾਵਾਂ ਲਿਟਰ ਪੀਕਿੰਗ ਵਾਹਨ ਵੀ ਮਗਵਾਏ ਜਾ ਰਹੇ । ਸ਼ਹਿਰ ਦੀਆਂ ਤੰਗ ਗਲੀਆਂ ਵਿੱਚੋਂ ਕੂੜਾ ਚੁੱਕਣ ਲਈ ਈ-ਰਿਕਸ਼ੇ ਦੀ ਖ੍ਰੀਦ ਵੀ ਕੀਤੀ ਜਾ ਰਹੀ ਹੈ । ਕਮਿਸ਼ਨਰ ਸ਼ੇਰਗਿਲ ਨੇ ਦਸਿਆ ਕਿ ਸ਼ਹਿਰ ਨੂੰ ਸਾਫ ਸੁਥਰਾ ਰਖਣ ਲਈ ਜਿੰਮੇਵਾਰੀ ਨਗਰ ਨਿਗਮ ਦੇ ਨਾਲ -2 ਸ਼ਹਿਰਵਾਸੀਆਂ ਦੀ ਆਪਣੀ ਵੀ ਹੈ । ਜੇਕਰ ਕਿਸੇ ਦਿਨ ਕੂੜਾ ਚੁੱਕਣ ਦੀ ਗੱਡੀ ਨਹੀ ਆਉਂਦੀ ਤਾਂ ਊਹ ਕੂੜਾ ਗਲੀਆਂ ਜਾਂ ਸੜਕਾਂ ਤੇ ਸੂਟਣ ਦੀ ਬਜਾਏ ਜਾ ਲੋਕ ਉਸ ਨੂੰ ਆਪਣੇ ਘਰਾਂ ਵਿੱਚ ਡਸਟਬੀਨਾਂ ਵਿੱਚ ਰਖਣ ਜੋ ਕਿ ਅਗਲੇ ਦਿਨ ਕੂੜਾ ਚੁੱਕਣ ਵਾਲੀ ਗਡੀ ਨੂੰ ਦੇ ਦਿਤਾ ਜਾਵੇ ਇਸ ਤਰਾਂ ਕਰਕੇ ਅਸੀ ਸਾਫ-ਸਫਾਈ ਦੀ ਸ਼ੁਰੂਆਤ ਆਪਣੇ ਘਰ ਤੋਂ ਹੀ ਕਰ ਸਕਦੇ ਹਾਂ । ਕਮਿਸ਼ਨਰ ਨੇ ਕਿਹਾ ਕਿ ਇਹਨਾਂ ਰੈਲੀਆਂ ਦਾ ਮੰਤਵ ਬਚਿਆਂ ਨੂੰ ਸਾਫ-ਸਫਾਈ ਸਬੰਧੀ ਸਿਖਿਤ ਕਰਨਾ ਹੈ ਤਾਂ ਜੋ ਇਹ ਬੱਚੇ ਸਾਡੇ ਦੇਸ਼ ਦਾ ਭਵਿੱਖ ਹਨ । ਉਹਨਂ ਕਿਹਾ ਕਿ ਆਉਂ ਰਲ ਮਿਲ ਕੇ ਆਪਣੀ ਪਵਿੱਤਰ ਗੁਰੂ ਨਗਰੀ ਸ੍ਰੀ ਅੰਮ੍ਰਿਤਸਰ ਨੂੰ ਸਾਫ-ਸੁਥਰਾ ਬਨਾ ਕੇ ਰਖਣ ਲਈ ਸਕੰਲਪ ਕਰੀਏ ।