ਅੰਮ੍ਰਿਤਸਰ : ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਵੱਲੋਂ ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਦੇ ਸਹਿਯੋਗ ਨਾਲ ਪਿੰਡ ਮੂਧਲ ਬਾਈਪਾਸ ਤੇ ਕਿਸਾਨਾਂ ਮਜ਼ਦੂਰਾਂ ਵੱਲੋਂ ਧਰਨਾ ਦਿੱਤਾ ਗਿਆ ਇਸ ਦੋਰਾਨ ਪ੍ਰਧਾਨ ਪਰਮਿੰਦਰ ਸਿੰਘ ਪੰਡੋਰੀ ਨੇ ਦੱਸਿਆ ਕਿ ਇਲਾਕੇ ਦੇ ਵਿੱਚ ਲੰਮੇ ਸਮੇਂ ਤੋਂ ਮੰਗ ਕੀਤੀ ਜਾ ਰਹੀ ਹੈ ਕਿ ਜੋ ਕਸਬਾ ਵੇਰਕਾ ਤੋ ਮੂਧਲ ਬਾਈਪਾਸ ਤੱਕ ਸੜਕ ਦੇ ਹਾਲਾਤ ਬਹੁਤ ਖਸਤਾ ਹਨ ਰੋਡ ਦੇ ਉੱਪਰ ਵੱਡੇ ਵੱਡੇ ਟੋਏ ਪਏ ਹਨ ਲੰਮੇ ਸਮੇਂ ਤੋਂ ਇਲਾਕੇ ਦੇ ਲੋਕ ਇਹ ਸੜਕ ਬਣਾਉਣ ਦੀ ਮੰਗ ਕਰ ਰਹੇ ਹਨ ਤੇ ਨਾਲ ਮੂਧਲ ਬਾਈਪਾਸ ਤੋ ਜਹਾਂਗੀਰ ਪਿੰਡ ਦੇ ਗੇਟ ਤੱਕ ਸਰਵਿਸ ਲਾਈਨ ਪਾਸ ਹੈ ਉਸਨੂੰ ਬਣਾਉਣ ਦੀ ਮੰਗ ਵੀ ਕੀਤੀ ਜਾ ਰਹੀ ਪਰ ਉਨਾ ਦੀ ਸੁਣਵਾਈ ਨਹੀਂ ਹੋ ਰਹੀ ਇਹ ਪੂਰਬੀ ਹਲਕੇ ਦੇ ਅਧੀਨ ਇਲਾਕਾ ਪੈਦਾ ਹੈ ਉਨ੍ਹਾਂ ਦੱਸਿਆ ਕਿ ਇੱਕ ਪਾਸੇ ਸਰਕਾਰ ਹਰ ਰੋਜ਼ ਇਸ਼ਤਿਹਾਰ ਜਾਰੀ ਕਰ ਰਹੀ ਹੈ ਕਿ ਪੰਜਾਬ ਸਰਕਾਰ ਵੱਡੇ ਪੱਧਰ ਤੇ ਸੜਕਾਂ ਬਣਾਉਣ ਦਾ ਕੰਮ ਕਰ ਰਹੀ ਹੈ ਪਰ ਜ਼ਮੀਨੀ ਹਾਲਾਤ ਬਹੁਤ ਮਾੜੇ ਹਨ ਅੱਜ ਦੁਪਹਿਰ ਬਾਅਦ ਤਹਿਸੀਲਦਾਰ ਤੇ ਏਸੀਪੀ ਪੂਰਬੀ ਵੱਲੋ ਮੋਕੇ ਤੇ ਮੰਗ ਪੱਤਰ ਹਾਸਲ ਕੀਤਾ ਤੇ ਮਸਲੇ ਹੱਲ ਕਰਵਾਉਣ ਦਾ ਭਰੋਸਾ ਦਿੱਤਾ ਆਗੂਆਂ ਨੇ ਭਰੋਸੇ ਉਪਰੰਤ ਧਰਨਾ ਸਮਾਪਤ ਕਰ ਦਿੱਤਾ ਤੇ ਚੇਤਾਵਨੀ ਵੀ ਦਿੱਤੀ ਕਿ ਮੰਗਾਂ ਦਾ ਜਿੰਨਾਂ ਚਿਰ ਸੰਪੂਰਨ ਹੱਲ ਨਹੀਂ ਹੁੰਦਾ ਸੰਘਰਸ਼ ਜਾਰੀ ਰਹੇਗਾ ਇਸਦੇ ਨਾਲ ਆਗੂਆਂ ਨੇ ਕਿਸਾਨੀ ਮੁੱਦੇ ਜਿਵੇਂ ਕਰ ਮੁਕਤ ਸਮਝੋਤਾ ਅਮਰੀਕਾ ਨਾਲ ,ਬਿਜਲੀ ਸੋਧ ਬਿੱਲ,ਮਨਰੇਗਾ ਸਕੀਮ,ਕਿਰਤ ਕੋਰਡ ,ਗੜੇਮਾਰੀ ਤੇ ਹੜ ਪੀੜਤਾਂ ਦੇ ਮੁਆਵਜ਼ੇ ਲਈ ਸੰਘਰਸ਼ ਤੇਜ਼ ਕਰਨ ਦਾ ਐਲਾਨ ਕੀਤਾ ਇਸ ਮੋਕੇ ਜਗਜੀਵਨ ਸਿੰਘ ਤਲਵੰਡੀ,ਕੁਲਬੀਰ ਸਿੰਘ ਜੇਠੂਵਾਲ ,ਸਤਿੰਦਰ ਸਿੰਘ ਫਤਹਿਗੜ,ਅਵਤਾਰ ਸਿੰਘ ਜਹਾਂਗੀਰ ਲਖਵਿੰਦਰ ਸਿੰਘ ਤੇ ਗੁਰਪ੍ਰੀਤ ਸਿੰਘ ਮੂਧਲ,ਬਾਪੂ ਵਾਹਲਾ ਮੂਧਲ ,ਰਾਣਾ ਮਨੇਸ਼ ,ਸਰਪੰਚ ਗੁਰਜੋਬਨ ਸਿੰਘ,ਗੁਰਮੁਖ ਸਿੰਘ ਚਵਿੰਡਾ ,ਸ਼ੇਰਾ ਨੰਬਰਦਾਰ,ਹਰਦੀਪ ਸਿੰਘ ਸੋਹੀ ,ਇੰਦਰਜੀਤ ਸਿੰਘ ਭਕਨਾ ,ਅਜੀਤ ਸਿੰਘ ਮੱਝੂਪੁਰਾ ,ਗਿਆਨ ਸਿੰਘ ਕੰਦੋਵਾਲੀ ,ਮੰਗਲ ਸਿੰਘ ਸਾਘਣਾ ,ਆਦਿ ਹਾਜ਼ਰ ਸਨ।