ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਰੈਲੀ ਵਿੱਚ ਉਮੜੇ ਜਨ ਸੈਲਾਬ ਨੇ ਹਲਕਾ ਸਨੌਰ ਵਿੱਚ ਹਡਾਣਾ ਦੀ ਜਿੱਤ ਦੇ ਦਿੱਤੇ ਸੰਕੇਤ

ਦੁੱਧਣ ਸਾਧਾਂ : ਹਲਕਾ ਸਨੌਰ ਦੇ ਇਤਿਹਾਸਕ ਕਸਬੇ ਦੁੱਧਣ ਸਾਧਾਂ ਵਿਖੇ ਮੁੱਖ ਮੰਤਰੀ ਸਰਦਾਰ ਭਗਵੰਤ ਸਿੰਘ ਮਾਨ ਜੀ ਦੀ ਆਮਦ ਮੌਕੇ ਹੋਏ ਵਿਸ਼ਾਲ ਇਕੱਠ ਨੇ ਸਿਆਸੀ ਮਾਹਿਰਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਰੈਲੀ ਵਿੱਚ ਪਹੁੰਚੇ ਲੱਖਾਂ ਦੇ ਜਨ ਸੈਲਾਬ ਅਤੇ ਲੋਕਾਂ ਦੇ ਜੋਸ਼ ਨੂੰ ਦੇਖਦਿਆਂ ਸਿਆਸੀ ਗਲਿਆਰਿਆਂ ਵਿੱਚ ਇਹ ਚਰਚਾ ਛਿੜ ਗਈ ਹੈ ਕਿ ਹਲਕੇ ਦੇ ਲੋਕਾਂ ਨੇ ਆਉਣ ਵਾਲੀਆਂ ਚੋਣਾਂ ਲਈ ਹਲਕਾ ਇੰਚਾਰਜ ਸਰਦਾਰ ਰਣਜੋਧ ਸਿੰਘ ਹਡਾਣਾ ਦੀ ਜਿੱਤ ਦੇ ਸਪੱਸ਼ਟ ਸੰਕੇਤ ਦੇ ਦਿੱਤੇ ਹਨ। ਦੱਸਣਯੋਗ ਹੈ ਕਿ ਰੈਲੀ ਵਿੱਚ ਉਮੜਿਆ ਲੋਕਾਂ ਦਾ ਠਾਠਾਂ ਮਾਰਦਾ ਇਕੱਠ ਇਹ ਦੱਸ ਰਿਹਾ ਸੀ ਕਿ ਹਲਕਾ ਸਨੌਰ ਦੇ ਲੋਕ ਰਵਾਇਤੀ ਪਾਰਟੀਆਂ ਨੂੰ ਨਕਾਰ ਕੇ ਪੂਰੀ ਤਰ੍ਹਾਂ 'ਆਮ ਆਦਮੀ ਪਾਰਟੀ' ਅਤੇ ਰਣਜੋਧ ਸਿੰਘ ਹਡਾਣਾ ਦੇ ਨਾਲ ਚੱਟਾਨ ਵਾਂਗ ਖੜ੍ਹੇ ਹਨ। ਮੁੱਖ ਮੰਤਰੀ ਜੀ ਦੀ ਹਰ ਗੱਲ 'ਤੇ ਵੱਜਦੀਆਂ ਤਾੜੀਆਂ ਅਤੇ 'ਇਨਕਲਾਬ ਜ਼ਿੰਦਾਬਾਦ' ਦੇ ਨਾਅਰਿਆਂ ਨੇ ਇਹ ਸਾਬਤ ਕਰ ਦਿੱਤਾ ਕਿ ਹਲਕੇ ਵਿੱਚ ਵਿਰੋਧੀ ਪਾਰਟੀਆਂ ਦਾ ਆਧਾਰ ਖ਼ਤਮ ਹੋ ਚੁੱਕਾ ਹੈ। ਦੁੱਧਣ ਸਾਧਾਂ ਦੀ ਇਸ ਇਤਿਹਾਸਕ ਰੈਲੀ ਨੇ ਨਾ ਸਿਰਫ਼ ਹਲਕਾ ਸਨੌਰ ਵਿੱਚ ਰਣਜੋਧ ਸਿੰਘ ਹਡਾਣਾ ਦੀ ਸਿਆਸੀ ਮਜ਼ਬੂਤੀ 'ਤੇ ਮੋਹਰ ਲਗਾਈ ਹੈ, ਸਗੋਂ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਵੱਲੋਂ ਸਟੇਜ ਤੋਂ ਹਡਾਣਾ ਦੀਆਂ ਮੰਗਾਂ ਨੂੰ ਖ਼ੁਦ ਪੜ੍ਹ ਕੇ ਜਲਦ ਪੂਰਾ ਕਰਨ ਦਾ ਦਿੱਤਾ ਭਰੋਸਾ ਹਲਕੇ ਦੇ ਵਿਕਾਸ ਲਈ ਇੱਕ ਨਵਾਂ ਮੀਲ ਪੱਥਰ ਸਾਬਤ ਹੋਵੇਗਾ। ਹਸਪਤਾਲਾਂ ਦੀ ਅਪਗ੍ਰੇਡੇਸ਼ਨ, ਸਨੌਰ ਨੂੰ ਸਬ-ਡਿਵੀਜ਼ਨ ਬਣਾਉਣ, ਮੀਰਪੁਰ ਕਾਲਜ ਨੂੰ ਹੋਰ ਸਹੂਲਤਾਂ ਦੇਣ, ਨੌਜਵਾਨਾਂ ਨੂੰ ਰੁਜਗਾਰ ਦੇਣ ਲਈ ਵੱਡੀ ਉਦਯੋਗਿਕ ਇਕਾਈ ਅਤੇ ਪਟਿਆਲਾ-ਪਿਹੋਵਾ ਮਾਰਗ ਨੂੰ ਚਾਰ-ਲੇਨ ਕਰਨ ਵਰਗੇ ਵੱਡੇ ਐਲਾਨਾਂ ਨੇ ਸਾਬਤ ਕਰ ਦਿੱਤਾ ਹੈ ਕਿ ਮਾਨ ਸਰਕਾਰ ਹਲਕਾ ਸਨੌਰ ਦੀ ਨੁਹਾਰ ਬਦਲਣ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ। ਸਿਆਸੀ ਮਾਹਿਰਾਂ ਦਾ ਮੰਨਣਾ ਹੈ ਕਿ ਸ. ਹਡਾਣਾ ਵੱਲੋਂ ਪਿਛਲੇ ਕੁਝ ਸਮੇਂ ਵਿੱਚ ਹਲਕੇ ਦੇ ਵਿਕਾਸ ਲਈ ਕੀਤੇ ਗਏ 100 ਕਰੋੜ ਤੋਂ ਵੱਧ ਦੇ ਕਾਰਜ, ਜਿਵੇਂ ਕਿ ਘੜਾਮ ਮਾਈਨਰ 27 ਕਰੋੜ, ਸਿਹਤ ਸਹੂਲਤਾਂ ਲਈ ਮੰਜਾਲ ਕਲਾਂ, ਭਾਂਖਰ ਅਤੇ ਮੁਖਮੈਲਪੁਰ ਵਿੱਚ 30-30 ਲੱਖ ਨਾਲ ਹੈਲਥ ਵੈਲਨੈਸ ਸੈਂਟਰ, ਟਾਂਗਰੀ ਬੰਨ੍ਹ ਦੀ ਮਜਬੂਤੀ ਲਈ 16 ਕਰੋੜ,  5 ਕਰੋੜ 65 ਹਜ਼ਾਰ ਦੀ ਲਾਗਤ ਨਾਲ 16 ਪਲੇਅ ਗਰਾਊਂਡ, 3 ਕਰੋੜ 40 ਲੱਖ ਨਾਲ 20 ਪਿੰਡਾਂ ਦੇ ਛੱਪੜਾਂ ਦਾ ਨਵੀਨੀਕਰਨ ਅਤੇ ਕੌਲੀ, ਘੜਾਮ ਤੇ ਮਸੀਂਗਨ ਵਿੱਚ 25-25 ਲੱਖ ਨਾਲ ਆਧੁਨਿਕ ਪੰਚਾਇਤ ਘਰਾਂ ਦੀ ਉਸਾਰੀ ਅਤੇ ਹੁਣ ਸੜਕਾਂ ਦੇ ਜਾਲ ਅਤੇ ਹੁਣ ਇਲਾਕੇ ਦੀ ਲਾਈਫ-ਲਾਈਨ ਪਟਿਆਲਾ-ਪਿਹੋਵਾ ਰੋਡ 'ਤੇ 36 ਕਰੋੜ, ਹਰਿਆਣੇ ਨੂੰ ਜੋੜਦੀਆਂ 4 ਮੁੱਖ 18 ਫੁੱਟੀਆਂ ਸੜਕਾਂ ਦਾ ਕੰਮ,  27 ਕਰੋੜ ਦੀ ਲਾਗਤ ਨਾਲ ਘੜਾਮ ਅਤੇ ਸ਼ੇਖਪੁਰ ਮਾਈਨਰ ਰਜਬਾਹਾ ਸਿਸਟਮ ਨੂੰ ਪੱਕਾ ਕਰਨਾ, 5 ਕਰੋੜ ਨਾਲ ਘੱਗਰ ਵਿੱਚ ਮਾੜੂ ਤੋਂ ਹਡਾਣੇ ਤੱਕ ਪੱਥਰ ਲਗਾਉਣ ਆਦਿ ਦੇ ਕੰਮਾਂ ਨੇ ਲੋਕਾਂ ਦਾ ਵਿਸ਼ਵਾਸ ਜਿੱਤ ਲਿਆ ਹੈ। ਮੁੱਖ ਮੰਤਰੀ ਮਾਨ ਨੇ ਵੀ ਸਟੇਜ ਤੋਂ ਹਡਾਣਾ ਦੀ ਇਸ ਮਿਹਨਤ ਦੀ ਬੇਹੱਦ ਸ਼ਲਾਘਾ ਕੀਤੀ, ਜਿਸ ਨਾਲ ਵਰਕਰਾਂ ਵਿੱਚ ਵੀ ਨਵਾਂ ਜੋਸ਼ ਭਰ ਗਿਆ ਹੈ। ਰੈਲੀ ਵਿੱਚ ਮੌਜੂਦ ਬਜ਼ੁਰਗਾਂ, ਨੌਜਵਾਨਾਂ ਅਤੇ ਮਾਵਾਂ-ਭੈਣਾਂ ਦੇ ਉਤਸ਼ਾਹ ਨੇ ਇਹ ਸਾਫ਼ ਕਰ ਦਿੱਤਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਹਲਕਾ ਸਨੌਰ ਵਿੱਚ ਰਣਜੋਧ ਸਿੰਘ ਹਡਾਣਾ ਦੀ ਜਿੱਤ ਯਕੀਨੀ ਹੈ। ਇਸ ਇਕੱਠ ਨੇ ਸਿਰਫ਼ ਭੀੜ ਦਾ ਹੀ ਰਿਕਾਰਡ ਨਹੀਂ ਤੋੜਿਆ, ਸਗੋਂ ਵਿਰੋਧੀਆਂ ਦੇ ਸਿਆਸੀ ਸਮੀਕਰਨ ਵੀ ਵਿਗਾੜ ਕੇ ਰੱਖ ਦਿੱਤੇ ਹਨ। ਰੈਲੀ ਵਿੱਚ ਉਮੜੇ ਜਨ-ਸੈਲਾਬ ਨੇ ਇਹ ਸਾਫ਼ ਕਰ ਦਿੱਤਾ ਹੈ ਕਿ ਇਲਾਕੇ ਦੀ ਜਨਤਾ ਰਣਜੋਧ ਹਡਾਣਾ ਦੀ ਮਿਹਨਤ ਅਤੇ ਮਾਨ ਸਰਕਾਰ ਦੀਆਂ ਲੋਕ-ਪੱਖੀ ਨੀਤੀਆਂ ਦੇ ਨਾਲ ਚੱਟਾਨ ਵਾਂਗ ਖੜ੍ਹੀ ਹੈ. ਅਖੀਰ ਵਿੱਚ ਸ. ਹਡਾਣਾ ਨੇ ਸਮੂਹ ਹਲਕਾ ਨਿਵਾਸੀਆਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਇਹ ਇਕੱਠ ਉਹਨਾਂ ਦੀ ਜਿੱਤ ਨਹੀਂ, ਸਗੋਂ ਸਨੌਰ ਦੀ ਜਨਤਾ ਦੇ ਭਰੋਸੇ ਦੀ ਜਿੱਤ ਹੈ।