ਮਾਲੇਰਕੋਟਲਾ : ਮੁਲਾਜਮ ਪੈਨਸ਼ਨਰ ਸਾਂਝੇ ਫਰੰਟ ਵਲੋਂ ਛੇਵੇਂ ਪੇ ਕਮਿਸ਼ਨ ਦੀ ਸਿਫ਼ਾਰਸ ਅਨੁਸਾਰ 2.59 ਸਰਕਾਰ ਵਲੋਂ ਡੀਏ ਦੀ 16 ਪ੍ਰਤੀਸਤ ਅਦਾਇਗੀ ਨਾ ਕਰਨ ਤੇ 13 ਫਰਵਰੀ ਨੂੰ ਜਿ਼ਲ੍ਹੇ ਦੇ ਡਿਪਟੀ ਕਮਿਸ਼ਨਰਾਂ ਰਾਹੀਂ ਮੁੱਖ ਮੰਤਰੀ ਅਤੇ ਵਿੱਤ ਮੰਤਰੀ ਪੰਜਾਬ ਨੂੰ ਮੰਗ ਪੱਤਰ ਸੌਪਣਗੇ। ਇਸ ਸੰਬੰਧੀ ਦੀ ਰੈਵੀਨਿਊ ਕਾਨੂੰਗੋ/ਪਟਵਾਰੀ ਰਿਟਾਇਰਡ ਪੈਨਸ਼ਨਰਜ ਐਸੋਸ਼ੀਏਸ਼ਨ ਜ਼ਿਲ੍ਹਾ ਮਾਲੇਰਕੋਟਲਾ ਵਿਖੇ ਰਿਟਾਇਡਰਡ ਕਾਨੂੰਨਗੋਜ਼ ਅਤੇ ਪਟਵਾਰੀਆਂ ਦੀ ਮੀਟਿੰਗ ਨਿਰਮਲ ਸਿੰਘ ਮਸੋਣ ਜਿ਼ਲ੍ਹਾ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਸਥਾਨਕ ਟਰੱਕ ਯੂਨੀਅਨ ਮੀਟਿੰਗ ਕੀਤੀ ਗਈ।ਮੀਟਿੰਗ ਵਿੱਚ ਰਿਟਾਇਡ ਪਟਵਾਰੀਆਂ ਕਾਨੂੰਗੋ ਪੈਨਸਨਰਾਂ ਦੇ ਮਸਲਿਆਂ ਤੇ ਮਹਿਕਮੇ ਨਾਲ ਸਬੰਧਤ ਮਸਲੇ ਵਿਚਾਰਨ ਉਪਰੰਤ ਸਰਬਸੰਮਤੀ ਨਾਲ ਮਤੇ ਪਾਸ ਕੀਤੇ ਗਏ। ਨਿਰਮਲ ਸਿੰਘ ਮਸੋਣ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂ ਡੀਏ ਦੀ 16 ਪ੍ਰਤੀਸਤ ਅਦਾਇਗੀ ਨਾ ਕਰਨ ਅਤੇ 6 ਵੇਂ ਪੇਅ ਕਮਿਸਨ ਦੀ ਸਿਫ਼ਾਰਸ ਅਨੁਸਾਰ 2.59 ਸਰਕਾਰ ਵਲੋਂ ਨਾ ਦੇਣ ਕਰਕੇ ਪੰਜਾਬ ਭਰ ਵਿੱਚ ਵਿੱਢੇ ਸੰਘਰਸ ਦੇ ਤਹਿਤ 13 ਫਰਵਰੀ 2026 ਨੂੰ ਪੰਜਾਬ ਦੇ ਜਿ਼ਲਿਆ ਦੇ ਡਿਪਟੀ ਕਮਿਸ਼ਨਰ ਰਾਹੀਂ ਮੁੱਖ ਮੰਤਰੀ ਅਤੇ ਵਿੱਤ ਮੰਤਰੀ ਪੰਜਾਬ ਨੂੰ ਸੰਘਰਸ ਦਾ ਨੋਟਿਸ ਦਿੱਤਾ ਹੋਇਆ ਹੈ। ਜਿਸਦੀ ਰੈਵੀਨਿਊ ਕਾਨੂੰਗੋ/ਪਟਵਾਰ ਰਿਟਾਇਡ ਐਸੋਸੀਏਸ਼ਨ ਵਲੋਂ ਪੂਰਨ ਤੌਰ ਹਮਾਇਤ ਕੀਤੀ ਜਾ ਰਹੀ ਹੈ ਅਤੇ ਡਿਪਟੀ ਕਮਿਸ਼ਨਰ ਮਾਲੇਰਕੋਟਲਾ ਰਾਹੀਂ ਮੁੱਖ ਮੰਤਰੀ ਅਤੇ ਵਿੱਤ ਮੰਤਰੀ ਪੰਜਾਬ ਨੂੰ ਮੰਗ ਪੱਤਰ ਸੌਪਿਆ ਜਾਵੇਗਾ।ਇਸ ਮੌਕੇ ਸਰਵ ਸ੍ਰੀ ਜਮੀਲ ਅਹਿਮਦ, ਕਮਿੱਕਰ ਸਿੰਘ, ਅਜੈ ਕੁਮਾਰ ਖਜਾਨਚੀ, ਜਗਤਾਰ ਸਿੰਘ ਪਟਵਾਰੀ, ਨਛੱਤਰ ਸਿੰਘ, ਜਗਦੇਵ ਸਿੰਘ ਪ੍ਰੈਸ ਸਕੱਤਰ,ਕੇਵਲ ਸਿੰਘ, ਭਲਿੰਦਰ ਸਿੰਘ, ਜਗਵਿੰਦਰ ਸਿੰਘ, ਹਰਭਜਨ ਸਿੰਘ, ਬਲਜਿੰਦਰ ਸਿੰਘ ਵੀ ਹਾਜਰ ਸਨ।